هل هي معشر؟

السلام عليكم ورحمة الله وبركاته,,

اسعد الله صباحكم ومبروك عليكم الخير عسى الله يزيده ويتبع له
سؤالي سلمكم الله عن ناقة ضربها البعير وبعد مدة عرض الرجال البعير عليها ولاحظ انها تشاول وتركز راسها وتوزر وهذي مثل مايعرف الجميع علامات العشار , المهم الناقة بيعت واللي شراها عنده قعود يلقي في شهر صفر أو ربيع الجاي ونزل الناقة قريب من شبك القعود
فالحاصل انه قام يتميلح عليها ويشمها لكن الناقة لا شاولت ولا ركزت راسها فهل هذا يعني انها كسرت والا انها تقول للقعود رح الله يصلحك توك صغير يا شاطر والا وش سالفتها بالظبط الله لا يهينكم

وعليكم السلام ورحمة الله وبركاته,,

أعتقدان الناقه لازالت معشر نظرا لسن القعود اللذي عرضت عليه حيث تشول المعشر من هدير الفحل

بيض الله وجهك يابو احمد وجزاك الله خير على سرعة تجاوبك

الاخ فهد انصح راعيها يعرضها على فحل اخر علشان يتاكد انها معشر او لا وسلامتك

السلام عليكم

مثل ماقال الاخوان اعرضها على بعير وبتبين

اما اذا عرضها على قعود لقي فماظن انها بتشول

اخيك

ابوخالد

سن القعود الذي عرضت عليه صغير وغالباماتشول منه
اعرضها على بعير وبتبين

البل ماهي سوا بعضها يشول حتى من المفاريد ومن الراعي ومن الحيل وبعضها ماهو مشوال ونفسها ثقيله ومالك الا كلام الربع اعرضها على بعير مستسن وتبين.
وشكرا

الاخوان/ خالد العرجاني , حمد الخلاوي , محمد الهدفه , علي ال مرعي......
جزاكم الله خير ومشكورين على التفاعل وفعلا بقوله يعرضها على فحل ثاني حتى يتاكد

انا مع ال نرعي

بعض العشاير تشول من الراعي

يختلف ناقة عن ناقة

مع راي الاخوان

الاخ فهد

الناقه لي شريتها وادخلتها مع ابلك وهي معشر تشاول من النياق مهوب بس من القعدان وتشاول من الراعي ، كما ذكر الاخ المرعي
واللي يبي يعرفها البعير من دون شك كانها مكسر وهي مجسر فهو يبي يضربها

وتقبلوا تحياتي

الاخوان/ منصور بن محروت , راشدالمري , عبدالرحمن عبدالعزيز....
الله يعطيكم العافية ومشكورين على التفاعل