ياهل النعيريه

يالربع انا ابي لي سوداني والى اي شخص يشوف لي حل في ناقه عندي ماعاد خلتني اقربها اللي يعرف احد من السودانيه يفزع لي


السوداني اللي عندي عجز منها

يالربع انا ابي لي سوداني والى اي شخص يشوف لي حل في ناقه عندي ماعاد خلتني اقربها اللي يعرف احد من السودانيه يفزع لي


السوداني اللي عندي عجز منها

ياليت توضح طلبك ياسالم الناقه وش الي فيها

بيع الناقه وأشتر راحتك
هذا حلي انا
وباقي الحلول بتجيك من الاعضاء

جوعها واطعمها بيدك

http://www.mzayan.com/vb/showthread.php?t=6467

هاذا الرابط

يالربع انا ابي لي مطيع للبل الناقه هاذي مانفع معها شي ابد ماخلتني احلبها

كلمت لي واحد رشيدي في النعيريه يقول لي جبها لي وخلها عندي واذا جا بعد اسبوع تعال اذا جيت تحلبها وابركت والى سوت شي لاتعطيني فلوووس

بس مشكلته غاالي واللي يعرف لي احد في النعيريه ياليت يعلمنا والله لاييهيينكم

يا سالم إذا جيت تحلبها .. حط تحتها السطل المعدن حق الصبغ اللي بحجم سلندر غاز وخلها تبرك
وبإذن الله إنها ما تعودها مره ثانية وهاذي الطريقة مجربه ومفيده.

صباح الخير يا سالم
انا بعطيك الطرق المتبعه في تطويع النياق عند الرعيان كلهم وخذ منها اللي يجوز لك :
1) العقال : وهو من اسهل الطرق وافضلها واعتقد انها معروفه
2) الحوي : وهو ربط افخاذ الناقه من تحت الديد بحبل وقت الحلب فقط ولك ان تستخدمه مع العقال
3) القيد : وهو ربط ارجل الناقه ببعض ومشكلته انه يخبش بالديد لقلة مشي الناقه في الايام الاولى وبعدين يمشي حالها
4) التعصيب : وهو ربط خيط في عصبة الرجل اليمنى من فوق مفصل الساق وهو اشدها تاثير على الناقه ويؤلمها كثير
5) الرسن او الخطام : وهو الحل الامثل للي تبرك وما نفع معها اي طريقه ولك ان تستخدمه مع اي طريقه من الطرق السابقه كعامل مساعد

ومن اهم الامور هو ان اللي يحلبها يعزم عليها ولي بركت حط تحتها من عند منحرها او دون شوي عصا او سطل البويه كما ذكر احد الاخوان مرتين والثالثه ما تعودها بس لا تتركها لي بركت اعزم ونخوك عليها ان تركتها خذتها عاده ولا قدرت تطوعها
اما بخصوص تطويع الرشايده فلا جربته ولكن اسمع انهم يعتمدون اعتماد كامل على الرسن والتعصيب والله اعلم والاثنين تراها كايده على الناقه ونفسيتها

والله يوفقك

الله لايهينكم يالربع والله جربت اللي قلتو لي بس مادري وش علم هالمطيه

اما من ناحيه البروك ماخليها تبرك والى لا شافت مافيه حيله كسرت الدنيا الشبك اللي هي فيه مكسرته مع اني ماحط البل في الشبك الى الخلفات بسسس

وكسرت الشبك وابلشتني


واما طريقة التعصيب اللي تقول عليها مادري وش هي ياليت تفيدني عنها ولك جزيل الشكر