هل مؤشر اسعار الابل في طلوع ام نزول...!!؟؟

يا عوض

ماحد يبي يشري بل الحين واللي يبي يبيع ما يقدر


قبل الرجال يشريله ناقتين فالسنة ولا ثلاث

الحين الحشو نذبهم صغار نبي ننفك منهم

وان جانا احد يبي يشري ما نرده

والسبب الاعلاااف غالية وما تنحمل

وجزاك الله خير يالمطيري

يامرحبا يامنصور الرويلي

بيض الله وجهك على المشاركه اللي تعبر فيها عن الواقع واللي حاصل الان

الا وشلون الشمال والثلوج اللي جتكم يامنصور .....يقولون اهل الارصاد يبي يجيكم ثلوج اكثر من اللي جاكم والعلم عند الله سبحانه



تقبل تحية اخوك ابوخالد

الزين غالبا ما يقنيه الا تجار لذا لم يتأثر سعره

اما المقاني فنزل سعرها بسبب ارتفاع الاعلاف

لكن اعتبر هذا النزول عباره عن موجة جني ارباح

وسيشهد السوق موجة تصحيح باالارتفاع خلال الاسبوعين القادمة بإذن الله

والسبب ان العشب بيظهر ولا حاجة للاعلاف الباهضة

تحليل خطير يامسعود ....حلوة جني ارباح
ان كان سوق الابل مثل سوق الاسهم ...ان اشهد انا دجينا يامسعود

والله تحليلك جدا جدا طيب وفي محله

ان شاء الله فالربيع نجني وياك وكل مسلم الارباح

اخوك ابوخالد

الله لايهينك يابو خالد على طرح الموضوع , من جهة الاسعار انا اشوف ان ابل الملايين ماهيب متأثرة لأن مايقنيها الا اصحاب الملايين وهذولي الله يرزقنا وكل مسلم من واسع فضله ماراح يسألون لا عن شعير ولا برسيم اما الابل العادية واصحابها اللي هم ذوي الدخل المحدودفأن طولت هالاسعار عز الله انها بتنزل اسعارها وبيخلونها اهلها
هذا اذا ربطنا ارتفاع اسعار الابل بأسعار الاعلاف ,,,,اما اذا كان فيه عوامل ثانيه فالموضوع يختلف ولكل حادث حديث

الله يعين هل الابل على غلاء الاعلاف الفاحش

ولا هو متأثر الا صاحب البل الي يحبها ودخله شوي

ان باع من طرفها طلع من عرضها وان قعد يشوفها كل يوم في نقصان

مشكله العين بصيره واليد قصيره

نسأل الله العلي القدير ان يرحمنا ويرحم الحلال انه على كل شي قدير

الاخ عوض

اللي وصلو الابل الى الملايين هم اصحاب الملايين وميزانيات ابلهم بالملايين وعسى الله يبارك لهم ولا يغير عليهم
ولاهمهم غلاء الاعلاف ولا هو مؤثر عليهم ولانهم خيرهم واجد ويحبون البل ويوفرون كل ماتحتاجه عشان يشوفونها بخير وعافيه

وغلاء الاعلاف ماراح يؤثر الا على البل العاديه جدا و القصب لانها بتكثر في الاسواق واهلها بياعه والشريطيه هذي فرصتهم يعرفون البياع المستعجل من المتصرف

اسال الله ان يغيث البلاد والعباد ويعم الخير البلاد ويطهره من الفساد واهل الفساد والاحقاد

جزاك الله خير ياراشد العرق

وعز الله كلامك صحيح

اسال الله ان يغيث البلاد والعباد ويعم الخير البلاد ويطهره من الفساد واهل الفساد والاحقاد

الله لايهينك يابو خالد على طرح الموضوع , من جهة الاسعار انا اشوف ان ابل الملايين ماهيب متأثرة لأن مايقنيها الا اصحاب الملايين وهذولي الله يرزقنا وكل مسلم من واسع فضله ماراح يسألون لا عن شعير ولا برسيم اما الابل العادية واصحابها اللي هم ذوي الدخل المحدودفأن طولت هالاسعار عز الله انها بتنزل اسعارها وبيخلونها اهلها
هذا اذا ربطنا ارتفاع اسعار الابل بأسعار الاعلاف ,,,,اما اذا كان فيه عوامل ثانيه فالموضوع يختلف ولكل حادث حديث

بيض الله وجهك يافهد على وجهة النظر اللي في محلها وحقيقه حاصله ومشاهده في اسواق الابل

واسال الله ان يغنينا بالربيع اللي يفكنا من الاعلاف ومصاريفه

تقبل تحية اخوك ابوخالد

الله يعين هل الابل على غلاء الاعلاف الفاحش

ولا هو متأثر الا صاحب البل الي يحبها ودخله شوي

ان باع من طرفها طلع من عرضها وان قعد يشوفها كل يوم في نقصان

مشكله العين بصيره واليد قصيره

نسأل الله العلي القدير ان يرحمنا ويرحم الحلال انه على كل شي قدير

والله انك صادق يامحمد الراشد

ان باع من طرفها طلع من عرضها وان قعد يشوفها كل يوم في نقصان

مشكله العين بصيره واليد قصيره

واللي يحصل اليوم وانا اخوك من غلا الاسعار هو بسبب ذنوب العباد

اسال الله سبحانه ان يتجاوز عنا ويغفر لنا ويرحمنا برحمته

تقبل تحية اخوك ابوخالد

نسأل الله السلامه................الزين غالي والوسط ومادون سعره في متناول الجميع.

السلام عليكم ورحمة الله وبركاته .. على الجميع وعليك اخوي عوض .

نعم اسعار الابل في نزول مستمر واعرف ناس كثير عارضين ابلها بسعر خيالي من اربعه الاف ذود كامل وناس كثير قابلتهم يقلون ان فيه ابل للبيع اذواد كامله في الي على 30 راس وفيه الي على 40 وفيه فوق 50 وفيه اكثر لان كل ماسئلت واحد يقول ما اقدر اصرف عليها ولا اقدر اخليها تموت ولا البل منقطعه مافيه شي تاكله ولا والعلم الي يضيق الصدر انه يقلون ان بترجع الابل لسعرها القديم 2000 وعلى 3000 وانت ماشي واسعار الابل في الاشهر القادمه سوف تشهد انهيار ولاكن تدريجي ولاكن اهل المزاين الي عنده ملايين ويقدر يصرف عليها ماعنده مشكله بس فيه ناس كثير لقيتهم يحرجون على ابلهم وفيها ابل تسوى وللاسف ساموها على 5000 جمله و لان التجار والحكومه شافو بعض من الناس المهايطه تقول انا بعت بمليون وانا بعت بمليونين وقالت الحكومه ان اهل الابل كلهم عندهم ملايين ليش مايقدر يدفع علاف 50 او 25 وهذا الكذب والمهايط دمر الجميع والحسد ؟؟؟ ولا ننسى بيع التطفيف والكذب على الناس وهذا ولد بعير فلان وهذي البكره على البعير الفلاني ولاننسى الغش ان الواحد يكذب ويغش اخوه المسلم عشان وسخ دنيا . كل هذا عقوبه من الله لان الناس تخلو عن الخوف من الله وانقطع المطر عن المسلمين وغلت المعيشه على المسلمين وكثرت ذنوب الناس من الحسد والكذب وقله الزكاه وعدم الاهتمام بالواجبات التي امر بها الله ولاكن للاسف ان فيه ناس مسلمين بالاسم للاسف
اتمنى لي وللجميع التوبه وان يغفر الله لنا جميعاً ويرحمنى ويهدينى الى مايحب الله ويرضاه

اخوي عبدالله العلي جزاك الله خير برجوع الامر الى الله عز وجل بحيث كما تفضلت "الجزا من فعل العمل"

نسأل الله السلامه................الزين غالي والوسط ومادون سعره في متناول الجميع.

اشكرك ياخالد السديري على المداخله الرائعه

السلام عليكم ورحمة الله وبركاته .. على الجميع وعليك اخوي عوض .

نعم اسعار الابل في نزول مستمر واعرف ناس كثير عارضين ابلها بسعر خيالي من اربعه الاف ذود كامل وناس كثير قابلتهم يقلون ان فيه ابل للبيع اذواد كامله في الي على 30 راس وفيه الي على 40 وفيه فوق 50 وفيه اكثر لان كل ماسئلت واحد يقول ما اقدر اصرف عليها ولا اقدر اخليها تموت ولا البل منقطعه مافيه شي تاكله ولا والعلم الي يضيق الصدر انه يقلون ان بترجع الابل لسعرها القديم 2000 وعلى 3000 وانت ماشي واسعار الابل في الاشهر القادمه سوف تشهد انهيار ولاكن تدريجي ولاكن اهل المزاين الي عنده ملايين ويقدر يصرف عليها ماعنده مشكله بس فيه ناس كثير لقيتهم يحرجون على ابلهم وفيها ابل تسوى وللاسف ساموها على 5000 جمله و لان التجار والحكومه شافو بعض من الناس المهايطه تقول انا بعت بمليون وانا بعت بمليونين وقالت الحكومه ان اهل الابل كلهم عندهم ملايين ليش مايقدر يدفع علاف 50 او 25 وهذا الكذب والمهايط دمر الجميع والحسد ؟؟؟ ولا ننسى بيع التطفيف والكذب على الناس وهذا ولد بعير فلان وهذي البكره على البعير الفلاني ولاننسى الغش ان الواحد يكذب ويغش اخوه المسلم عشان وسخ دنيا . كل هذا عقوبه من الله لان الناس تخلو عن الخوف من الله وانقطع المطر عن المسلمين وغلت المعيشه على المسلمين وكثرت ذنوب الناس من الحسد والكذب وقله الزكاه وعدم الاهتمام بالواجبات التي امر بها الله ولاكن للاسف ان فيه ناس مسلمين بالاسم للاسف
اتمنى لي وللجميع التوبه وان يغفر الله لنا جميعاً ويرحمنى ويهدينى الى مايحب الله ويرضاه

يامرحبا ياعبدالله العلي

وكلامك يكتب بماء الذهب

الحقيقه انك كفيت ووفيت

ومثل ماقال اخونا المنصوري الجزاء من جنس العمل

تقبل تحية اخوك ابوخالد

جزاك الله خير اخوي B]عوض المطيري B] للتصحيح

اشكر صاحب الموضوع على طرحه ولكن لتسمحوا لي قبل الجواب على ( هل اسعار الابل في انحدار ؟ ) اريد ان اسئل سؤال اخر وهو
لماذا وصلت الابل لهذه الاقيام في الاصل ؟؟
من وجهة نظري المتواضعه اراء انه يرجع اسباب ارتفاع اسعار الابل الى عدة عوامل من اهمها وبدون ادناة شك
هم الشريطيه ودخولهم في المزاينات
وما لدخولهم من اثار سلبيه على الابل نفسها والتي وبكل اسف بدئنا نلمسها اللان .
حيث اصبح غالبيتهم يطمح بالمشاركه لا لاجل الفوز او الحصول على مكافاءة ماليه من منظم المهرجان ، انما ليحصل على مركز متقدم ويصنف من قبل اعضاء اللجان المنظمه بانه ممن حازوا على مركز او رقم بالمزاين الفلاني وهكذا ، والغايه معروفه وما المزاينات الا وسيله لتحقيقها حيث يبداء بعد هذه الوثيقه التي حصل عليها ببيع هذه الابل الفائزه باقيام مضاعفه
يعني بالمختصر ( شريطي VIP )
وليس المجال هنا لاعطاء امثله ولكن الكلام عن المبداء المعمول به والملاحظ من قبل الكثير من مجتمع الباديه
لقد صَدقت كلام الرجل المسن مالك الابل عندما قال لي :
لقد عوقبت الابل هذه الايام
نعم لقد عوقبت بفعل هؤلاء ( مسكينة ايتها الناقه كل عام تساقين للمزاين مع مالك جديد!!)

وتعقيبا على كلام بعض الاخوان الذين قالوا بان اصحاب الابل الطيبه تجار وانه لا يهمهم الغلا احب ان اوضح نقطه مهمه وهي لا يمكن لك ان تكون تاجر الا بجمع المال وعدم صرفه الا بتمعن ووفقا للحاجه والا لن تصبح تاجر، فهؤلاء الذين تتوقعون انهم تجار هم اكثر الناس حرصا على اسعار الاعلاف وغيره وما التجار منهم الا قليل جدا اما البقيه فهم يخضعون للمسمى عاليه وهدفهم الحصول على المركز والبيع باقيام خياليه

وردا على سؤالك هل اسعار الابل في انحدار اقول لك :
نعم اتوقع ان ترجع الى الاوضاع الطبيعيه كما كانت عليه وليس السبب هو الاعلاف وانما السبب هو ان هؤلاء الشريطيه لن يجدوا مشترين جدد فما الداعي لمشاركاتهم بالمزاينات والحصول على مراكز ؟؟؟ كما ان الكذب والغش السائد في اسواق الابل انكشف وبان ولم يعد يوجد من يصدق ذلك

نسئل الله السلامه والعافيه وان يغيث البلاد والعباد وان ينزل المطر وينبت الارض ويطهر قلوب الناس من الغش والكذب والحسد فما بنا من غلاء وشح بالمطر وامراض هو من اعمالنا فلنتوب جميعا ونستغفر الله الذي بيده ملكوت السموات والارض

وتقبلوا تحياتي

بعد اذن الاخ عوض ...مشاركة الاخوين عبدالله العلي وعبدالرحمن عبدالعزيز تكتب بماء الذهب فهم اعطونا الخلاصةمن غير قصورفي باقي الاخوان