اثناء الحلب دم

السلام عليكم ورحمة الله وبركاته

اخواني انا عندي خلفه يوم ولدت ورم ديدها المقدم ولا تخلي حوارها يرضعه

وينزل معه دم وقت الحلب

وجبت لها علاج من الصيدلي وهي ابره في اللحم و دهان و ابر تدخلها مع الديد مثل العصار

ولكن بقي الورم لفتره والدم وبعدين خف الورم والدم وقف

لكن للحين اثناء الحلب يجي مثل الوعي في واحد من مقادمها

ياليت الي يعرف لها علاج يعطينى اسمه وكيف استخدامه

عليك بالاذخر

والله يشفي ناقتك

الحلف طيب لها مع اللقام ولكن اصبر على النتيجة في حدود الاسبوع
والله يشفيها

بسم الله الرحمن الرحيم

بالنسبه للأنتفاخ مشكله وانت خلصت منهي وكان علاجه الماي البارد او الدهان

اما بخصوص الدم ممكن يكون جرح بالديد نفسه من انتافخه

والعصار هذا يستخدم اذا كانت الناقه منزوره وبالنسبه للوعي يعتمد على عمر الناقه اذا كانت فاطر

ممكن يكون الديد خربان ولا عاد ينفع وعليك تغرز الديد الخربان لكي لا يرضعه ولدها

وممكن الاخوان لديهم ري ثاني ويقدرون يفيدونك اكثر مني

مرحبا اخوي عبدالمحسن الحمدالله على سلامت الخلفه

دام الوريم راح منها فهاذا لازم مع كل وريم يبطي في الخلفه

لازم يبقى وسخ في الديد بس الله الله فيها بالحليب وان شفت انه ما راح

خذ لك عينه من الحليب وده صوب اقرب بيطري يفحص اللبن عشان يعطيك العلاج الملائم للمرض

بسم الله الرحمن الرحيم

السلام عليكم ورحمة الله وبركاته

اخواني اود أن أشكركم على تجاوبكم السريع معاي

بالنسبه للي يسأل عن الناقه وسنها هي ماهيب فاطر بكر

وااما من ناحية الورم كان في مقادمها وبطنها

والحين راح من بطنها وباقي في واحد من مقادمها

وانا لازلت احلبها وانظفها لكن باقي الوعي

هي الناقة مشبوكه في شبك ولا سارحه

لأن الشبك يورم بالبل

لا يبن الحلال انكانك تقصد خباش

مهوب خباش والناقه تسرح