لمن هذا الفحل المنتج بارك الله لراعيه

السلام عليكم ورحمة الله وبركاته

اخوتي اعضاء و عشاق مزايين وجدت خلفات عليهن وسم للقحاطين ( هلال من مطلع الرقبة ومطرق في عرض الرقبه وهلال قبل الرس وجهه للهلال الاول وعقدة او قرضه صغيرة عند الهلال اللي بمطلع الرقبه الوسم كلة من يسار) الخلفات عاديات لكن معهن بكر طيبه جدا و سالت اللي جابهن ورفض يعلمني براعي البل لكن قال انه هد قعود هاذي جولته الثانية والقعود مشري صغير بحدود عشرين الف والقحطاني عنده بين 100 و 80 ناقه لذا ارجو الافادة

مساء الخير

مساك الله بالخير ياسعود
البعير تعرف من وين جا
ولا إسم القحطاني إللي هده لإن أنا شريت إبل بعصاها عليها الوسم إللي ذكرت العام في الربيع وترى البعير دوسري وأول طرحه لقيه تروح جذعه طيبه جات مع الأبل وحيرانه عندي عاديه
إذا هو بلغني
أخوك : حمد القصير

تسلم ياخوي حمد
البعير لازال عند راعية واول انتاجه مفرود
ولااعرف اسم راع البل ولا اصل الفحل

[align=center]الأخ سعود

وين مكان البل اللي حصلت بارك الله فيك ويش أوصاف عزبة الأبل ((سياراتها الوايت وغيرة)) وياليت لو صورتها كان يمكن نخدمك[/align]

اخوي فهد البل اللي ذكرت خلفات جايبهن شريطي من صاحب البل وهاذي ثاني مرة يجيب منه
لو ادري وين البل والعزبه ماسالت الله يبقيك

انت شره الشريطي وعطه اي شي ويعلمك

قبل لا يلقاهم غيرك ويشتري الفحل