اللي يعرف انتاج الكايد

بسم الله الرحمن الرحيم

يالربع عندي استفسار اللي منكم يذكر شي من انتاج الكايد بعير بن جخدب القحطاني يفيدنا جزاه الله خير لأن عندي عليه قعود ويقولون الشيبان ان الفحل يجيب خواته من ابيه الشيان والزيان وابي اشوف افحله واللا اخليه مجنب وانا ابصراحه ما بعد شفت لشي من بناته صور وخصوصا عندنا فالمنتدى

واللي عنده اي معلومات لا يبخل علينا بها جزاه الله خير

شاكرين لكم حسن التعاون

ارحب يا حمد اما بخصوص الكايد اللي انا شفت ((( رقم واحد في المزاين ))

خذن اشواط واجده العام والعام الاول....وقعدانه خذن ثلني وثالث في مزاين الغياثين العام...

والبعير مافيه كلام من صوب الاصلوكذلك الشكل....

والقعود اللي عندك كان شكله زين افهقه ولا انت بخسران...((ودنا نشوفه))

اما بخصوص الصور..هذا مقطع لاحد اعيال الكايد ..وسنه ذلحين ثني..تصويره العام...

http://www.alhadafa.com/uploadedfiles/vedios/144.3gp

وقريبا انتاج الكايد بنزله.....وسلامتك

الكايد من فحول المجاهيم المشهوره بالانتاج
وقد حصلت بناته على المراكز المتقدمه في العديد من المزاينات
ولاكن بني صوره لقعودك
واخوي سعد الهاجري شكرا على المقطع قعود طيب جدا جدا جدا

بيض الله وجهك يابو عبيد على هذه المعلومات القيمه وعز الله كفيت ووفيت اما بالنسبه للقعود فهو حوار ولاهو بشين لكن زينه مقبل انشالله وامه من اطيب ماعندنا ولا توجد عندي صوره له ولكن ابشر بسعدك اذا شعق اسهيل حطيت صورته لكم انشالله

سلطان المطيري يعطيك العافيه على تجاوبك السريع ومشكور على المعلومات القيمه وبالنسبه للصوره ابشر راح افاجأكم بمقطع فيديو اذا صار شكله يشجع للتصوير في المستقبل القريب انشاء الله

وبيض الله وجيكم انت واخوي سعد ولكن ما نستغني عن المزيد من المعلومات من الاخوه الاعضاء الكرام

مرحبا يا ابو محمد
انا الي اعرفه ان واحد من عياله ماخذ الاول في مزاين الظفره
بس مادري هو ثني و لا جذع

والبقا يا مطر وبيض الله وجهك على هالمعلومه وهذا ولده خنوفان واعتقد انه ثني ,,,

يالربع ما قصرتوا كلكم الله يعطيكم العافيه وبيض الله وجيهكم ولكن انا سألت عن بناته والا هالحين محد فادنا

وهذا مثال على بعير بن قروش: منتوقه بنت بعير بن قروش خذت الثالث في شوط المفاريد تحدي في مزاين الظفره
مصوعه بنت بعير بن قروش
عجم بن حفار بنت بعير بن قروش اللي شراها بن مرسان الهاجري اعتقد بمليون
قعود بن احرير اللي موجود في ساحة العرض
الوافي قعود بن الدعيه وعليه سوم فوق 300
وغيرها اللي ما يحضرني الحين

والكايد عليه سوم اربعه مليون وخمسمية على حد علمي وعلى هالسوم اكيد ان عليه انتاج طيب وياريت اللي عنده معلومات يفيدنا جزاه الله خير

تسلم ياحمد

[QUOTE=حمد محمد المري;66672]يالربع ما قصرتوا كلكم الله يعطيكم العافيه وبيض الله وجيهكم ولكن انا سألت عن بناته والا هالحين محد فادنا

وهذا مثال على بعير بن قروش: منتوقه بنت بعير بن قروش خذت الثالث في شوط المفاريد تحدي في مزاين الظفره
مصوعه بنت بعير بن قروش
عجم بن حفار بنت بعير بن قروش اللي شراها بن مرسان الهاجري اعتقد بمليون
قعود بن احرير اللي موجود في ساحة العرض
الوافي قعود بن الدعيه وعليه سوم فوق 300
وغيرها اللي ما يحضرني الحين

والكايد عليه سوم اربعه مليون وخمسمية على حد علمي وعلى هالسوم اكيد ان عليه انتاج طيب وياريت اللي عنده معلومات يفيدنا جزاه الله خير[/QUOTEize=2]

تسلم ياحمد ولدي استفسار لاهنت ,هل قعود بن حرير وبن الدعيه على بعير بن قروش؟

ومن قال يسلم ,,, نعم قعود بن حرير اتحصل معلوماته في ساحة العرض مشاركة الاخ حمد بن سنيد وهو فعلا على الوافي بعير بن قروش أما قعود بن الدعيه فلا يوجد له معلومات فالمنتدى وهو ايضا على الوافي بعير بن قروش واذا سنحت الفرصه راح احط له مشاركه انشاء الله.

ولا اتخلي موضوعنا يأخذ منحى آخر نبي معلوماتك عن انتاج الكايد

ما فيه مزاين الا وللكايد انتاجه نصيب
اذا عندك شي تراي شراي من انتاجه
وهو يسمنه البدو البعير المظلوم
اكثر الناس تمرح له وتجحد
ومظلوم اعلامي وهذي فرصتك تشري

لاهنت على المعلومات الطيبه يا عبد العزيز

ولا انت طال عمرك

اخوي حمد الفحل ماعليه كلام وماخذ الاول في مزاين الركاب عند النعيريه وبعير لواحد من ربعنا ماخذ ثنين بعده
لاكن عن انتاجه ماعندي خبر وتسلم اخوي وزين اييب زين

لاهنت ياراشد على مشاركتك وننتظر مشاركات الاخوة الاعضاء