اســـــتـفـسار!!!!!!

السلام عليكم ورحمة الله وبركاته...
الاخوة الاعزاء ..عندي استفسار عن رجال يقال له (حمدان أو ابن حمدان البقمي ) يقولون مكانه ورى خريص ,
بغيت اسأل عن الفحل اللي عنده ويش زينه وهل هو منتج ,واي معلومه عن الفحل .. لاهنتوا يالربع
اللي عنده اي معلومه لايبخل علينا ..وشاكراً لكم سلفاً ..

أخوي/محمد
اسمه ابن حمدان البقمي وهذا سبق وان شارك في مزاين ام رقيبه في بداياته وحصل على مركز متقدم يالثاني يالثالث
وابله طيبه جدا ولافيه حكي. واما بعيره ماعندي معلومات عنه

اخوي محمد
الرجال هو صاحب الابل المعروف الفريق اول محمد بن حمدان البقمي ابو فارس
وكان يشارك دائمآ في ام رقيبه ويحقق المركز الاول
اما اذا تسأل عن الفحل الاول كان اسمه وطبان هو الي عمر ابله
اما الان موجود عيال وطبان ومنتجه ايضآ
ويوجد عنده فحول ثانيه وعنده قعود توه منتج اخو الازهر ودوينان من ابوهن
اما محله انا خابره بعد الرياض يم مزعل

اخوي محمد استفسارك جاوب علية

اخوي بندر ولانزيد على كلامة الابكل خير

وتقبل تحياتي

ومليون نعم ببو فارس رجل يعجز التعبير عن وصفة

الاخوان .....
عبدالله العامري
بندر البقمي
فيصل العاطفي
هادي بن سند
بيض الله وجيهكم على المرور والافاده ...اخوي عبدالله لاهنت على المعلومات.
ابومطر لاهنت ياغالي على التعريف بابوفارس .ويستاهل الطيب من سعى له.
واللي خلاني اطرح الموضوع.اني مشتري ناقةلقحة ..وانتجت عندي وماتت وحوارها
عمره شهرين .ويوم زان القعود ,سألت الرجال اللي انا مشتري الناقه منه ويش الفحل
الي لقحت عليه الناقه فقالي من ركاب ابن حمدن وقال الفحل عليه سوم بس مدري
مليون اومليونين ..والقعود عمره الحين ستة اشهر ..وان شاء الله انزله صور قريباً.

الحمدلله
ابو فارس من اصحاب الابل الزين جدا جدا
ونتمى مشاركته في ام رقيبه

مرحبا يامحمد
ابوفارس لديه مجموعه كبيره من الفحول ساسها من وطبان ومن غيره
ومنها عامر-عمَار-مزيون-عواد-عشيو

الاخوان /
سلطان المطيري
علي فيصل البقمي
شاكركم على المرور,ونتمنى ان اهل الابل الطيبه يشاركون
في المزاينات,ومنهم ابوفارس.والله يبارك للمسلمين في حلالهم.