الفحل مطلوب اضهار عذاريبه بلا مجامل

[align=center]مرحبا أخوي راشــد

لاهنت على الموضوع وأنا معى أخوي بـندر البقمي وفيه شي بضيفه معى الملاحضات ألي عندك

أن أرقبـته حطاء وهذا عذروب قاطــع

أما بالنــسبه للهداد فأذا كان صاحب الحلال ماحولـه شي من الركاب يضرب أبله فالله يعينـه عليه

يضــرب بـه ماله ألا هو ,,,[/align]

مرحبا يا راشد

اشوف البعير ينهد وخاصة اذا اصله طيب

اما العذرايب فكل البعارين حتى اللي ترقم الاوئل

لاتخلو من بعض الملاحظات والكامل وجه الله سبحانه

والبعير اللي عرضت اشوف فيه ملاحظه رئيسة وهي رقبته

قصيرة وفيها عنجة وملاحظه اخرى بسيطة سنامه متقدم شوي

ولكن ارى انه ينهد والرزق على الله فأكثر البعارين المنتجة لك عليها ملاحظات

والله يمنحك منه

الله يسلمك ويبارك فيك وتسلم على الشور وعلى عدم المجامله وهلابك والله وتسلم على الرد

البعير وسط وينهد في الابل الوسط
ربما الصوره ظالمته من ناحية شكل رقبته
الله يوفقك

الله يسلمك ويبارك فيك اخوي حاتم وتسلم على الشور وعلى عدم المجامله ومرحبابك وهلابك والله

مرحبا ابو سنيده

البعير على شكله مايصلح فحل الا عند الرجال اللي يبي ابل تلقح وتلد ولا همه الا المناح

هذا من ناحية الشكل

واذا انتاجه مخبور فهو الفاصل
اما انتاجه طيب وهده ولا تمالي
ولا انتاجه ردي وعاد شكله اردى وبعه باللي يجيب ودور ابرك منه وعسى الله يرزقك

وانا اخبر بعير عند واحد من الجماعه ابله طيبه وانتاجه طيب وعنده بعير نسخه من البعير ذا وعذلوه الربع منه وقال لهم شوفو بناته وعقب شورو علي
وشافو بناته واضربو به لان بناته اخير من اماتها واجد ولا تقول انها عليه

وغيره كثير

فالفحل مايحكم عليه من الشكل فقط وخصوصا اذا كان ماتعرف انتاجه فلا تستعجل على الحكم عليه

الملاحظات :

1- الرقبة عوجا ( عني ) .
2- الرقبة قصيرة ونازلة تحت الغارب .
3- السنام متقدم .
4- الذيل قصير .
5- تقاطيع البعير ما هي طيبة .



يا بو سنيدة الفحل ما يصلح فيه عذاريب واجد واسمحلي على الصراحة حتى ما تضيع الوقت و تندم واذا على المناخ البعارين الطيبة واجد وحياك صوبي ...

مرحبا ابو سنيده

البعير على شكله مايصلح فحل الا عند الرجال اللي يبي ابل تلقح وتلد ولا همه الا المناح

هذا من ناحية الشكل

واذا انتاجه مخبور فهو الفاصل
اما انتاجه طيب وهده ولا تمالي
ولا انتاجه ردي وعاد شكله اردى وبعه باللي يجيب ودور ابرك منه وعسى الله يرزقك

وانا اخبر بعير عند واحد من الجماعه ابله طيبه وانتاجه طيب وعنده بعير نسخه من البعير ذا وعذلوه الربع منه وقال لهم شوفو بناته وعقب شورو علي
وشافو بناته واضربو به لان بناته اخير من اماتها واجد ولا تقول انها عليه

وغيره كثير

فالفحل مايحكم عليه من الشكل فقط وخصوصا اذا كان ماتعرف انتاجه فلا تستعجل على الحكم عليه

مرحبابك وهلابك والله وتسلم وبيض الله وجهك وشورك طيب وانت مشاء الله عندك خبره وكلامك صح الفحل انتاج ماهوب شكل وانا معاك

وهاذا الفحل لواحد من الربع شاريه ولا شاف انتاجه وحب ياخذ الشور فيه لنه واحد يسومه ويتشاور وانت اخوي راشد ماقصرت والربع الله يرحم والدينكم وتسلم على الرد والمشاركه وحياك الله

الملاحظات :

1- الرقبة عوجا ( عني ) .
2- الرقبة قصيرة ونازلة تحت الغارب .
3- السنام متقدم .
4- الذيل قصير .
5- تقاطيع البعير ما هي طيبة .



يا بو سنيدة الفحل ما يصلح فيه عذاريب واجد واسمحلي على الصراحة حتى ما تضيع الوقت و تندم واذا على المناخ البعارين الطيبة واجد وحياك صوبي ...

تسلم الله يبارك فيك اخوي زايد والله يبارك فيك على شورك في الفحل وتسلم على الرد اخوي وشور الي بلا مجامله