استشاره

السلام عليكم
ومبارك عليكم ماتبقي من الشهر
عندي سؤال ياخوان وانشالله اللقي اجابته
بنشتكم عن نوع من الابل ينقاله الرقيعيات واهي اباعر اهل الشمال
هل لها سوق بالخليج ورغابه ؛ اتمني من يملك الخبره يفيدنا .؟
وشكرا

وعليكم السلام ورحمة الله وبركاته

يامرحبا يالمسعودي

الزين وانا اخوك ياخذ حقه ...وكل شارب له مقص

ولولا اختلاف الاذواق لبارت السلع

وهالمنتدى يعكس صورة البيع والشراء فالخليج

انت اعرض اللي عندك فالمشاركات القادمه لان اكثر المشاركيين من الخليج

واسال الله سبحانه ان يوفقكم للي يحبه ويرضاه

تقبل تحية اخوك ابوخالد

لا هنت يالمطيري...
الظاهر مافهمت وش اقصد ...
اقصد الرقيعيات { وضح مجاهيم } تجي الناقة وضحا خراطيمها سود وشعفتها سوده مع العكره ...
هذا السواد اللي فيها ... وزينها زين المجاهيم وتاخذ لون المغتر .؟ ومنبتها سنجار الي الموصل بالعراق عند شمر
سؤالي الله يحيك هل هالنوع من الابل له رغبه بالسوق او غير معروفه .؟

مرحبا يالمسعودي

والابل الي وصفتها واجد الي يبونها
وانا اولهم اذا عندك الهاصور او مقطع فديو نزلها هنا

الاخ خالد أسعد الله أوقاتك

حسب علمي ان الرقيعيات زياده علي اللي تفضلت به أن خشومها سود فيها مثل الرقيعي وهي مافيها كلام خاصة الزين
منها وطبعها عجيب وأقترح اذا تقدر ترفق صورة يكون افضل .
هذا والله يرزق الجميع من فضلة.

لا هنت يالمطيري...
الظاهر مافهمت وش اقصد ...
اقصد الرقيعيات { وضح مجاهيم } تجي الناقة وضحا خراطيمها سود وشعفتها سوده مع العكره ...
هذا السواد اللي فيها ... وزينها زين المجاهيم وتاخذ لون المغتر .؟ ومنبتها سنجار الي الموصل بالعراق عند شمر
سؤالي الله يحيك هل هالنوع من الابل له رغبه بالسوق او غير معروفه .؟

كلامك واضح مثل وضوح الرقاعي على خشوم الوضح

وانا مازلت اقول ان هذا المنتدى يعكس الصورة الحقيقيه للخليج لان اكثر رواده تقريبا من الخليج

لذلك اعرض الابل يامال الشحم ويجونك الزباين باذن اللي ماتنام عينه

تقبل تحية اخوك ابوخالد

ابشرو بالصور انشالله ... واشكر من ساهم بالردود