الحرشا (ناقة مجهم) كم تسوى برايكم؟

ارحب يامدعث

الناقه اذا هي من مراح طيب وخواتها طيبات ماعليها تسوى

واسأل راعيها عن خواتها واذا انت قناي والناقه لقحه امسك عليها لين تشوف الانتاج.

والله يبار فيها

بارك الله لك في حلالك

الله لا يهينكم جميع واشكركم

ما الفرق بين الحرشاء والمجهم وهل الحراشه لون - كما هي الحمراء الصفراء السوداء أم انه نوع وكيف اجتمع حرشاء ومجهم

[align=center]

مع الاخ راشد العرق والسعر يعتمد على مجراها لقحه وللا حايل.

أنا أتفق مع الاخوان راشد العرق وعلى آل مرعي[/align]

مرحبا يامدعث الله يباركـ لراعيها فيها

والناقه فيها نواقـص وفيها الزين

الناقه مهيب وافيه في عمرها على الصورة أنها قـصيره ورقبتها قصيره وعنجاء

وراسـها أعتبره من الدرجه العاديه صح أنه كبير لاكن مهب المطلوب

وأنا أسعرها بيما أنها لقحـه من 8 ألاف إلى 10 ألاف

والسموحه إيذا أخطينا في حقها الصوره تقول كذا ألا إيذا هي أزين من الصوره هذا شي ثاني

اشكر الجميع

الاخ مدعث واضح ان الصوره ماخدمت الناقه
لان الصوره اللي في الموضوع الاول الناقه وجها كايف جدا
ولو الناقه واقف قدامها واحد بعصى فيه لقمة عجين ورقبتها منطلقه ومتهايق
كان انا متاكد ان الكثر الربع بتغير ارآئهم لانه احيانا الصوره تخدم كثيرا وتظلم كثيرا

بارك الله لك في حلالك

الفاضل
المطيري

اشكر مروركم العطر

ولاهنتوا يا النشاما

السلام عليكم
كيف حالك يا مدعث؟

الناقة مافيها شي من الزين يذكر ما عدا اللبن الى غدا فيها. وحدودها من الخمسة وفيها.

لكن سؤالي من هي من حرشه؟

لاهنت طال عمرك

ازين مافي الناقة وجهه والناقة اذا لقحه تسوا من الثلاثين الى الاربعين واذا حايل من عشرين وتحت ويابو مطر تراك ظلمت الناقة الناقة تسوا اكثر ممن تقول

السلام عليكم ورحمة الله وبركاته

الاخ مدعث الموضوع مر عليه سنه بالضبط ما الداعي لبعثه من جديد هل لازلت تبحث عن تقييم للناقه بعد عام ؟؟

وتقبل تحياتي

السلام عليكم ورحمة الله وبركاته

الاخ مدعث الموضوع مر عليه سنه بالضبط ما الداعي لبعثه من جديد هل لازلت تبحث عن تقييم للناقه بعد عام ؟؟

وتقبل تحياتي

الاخ العزيز ابو عبدالعزيز

السلام عليكم ورحمة الله وبركاته

كل عام وانت بخير

نحن في منتدى طال عمرك ،ومنتدى الاسئلة والاستشارات ولسنا في منتدى البيع او منتدي العرض

وردي لو لاحظته كان رد على الاخوان اولا وثانيا لاخذ المزيد من الاراء من الاخوة الاعزاء رواد المنتدى

ولا اظن انها عيب او فيها منقود

واتمنى لك الصحة والعافيه وطول العمر

وسعه الصدر

وشكرا لك

الاخ مدعث

حياك الله مافيه احد قال فيه عيب او منقود ولكن كنت استفسر لا اقل

شكرا