قهر الحيران

السلام عليكم ورحمة الله وبركاته
أخوني عندي أستفسار وأرجو ممن عنده معلومه يفيدنا فيها لتعم الفايده وجزاكم الله كل خير
الاستفسار كيف يتم تطبيع أو قهر الحيران على الرحول يعني وين ماتروح الرحول الحيران معها
وجزاكم الله خير

وعليكم السلام ورحمة الله وبركاته

يامرحبا ياظافر

والله بالنسبه لنا حنا , نقهر الحوار على الرحول من ولادته ولانطلقه لين ينفرد وبكذا ماعاد يفارق الرحول

ويمكن بعض الاخوان يبدي فكره افضل

ولاهنت طال عمرك

لا زياده على كلام الأخ سعود

لا زياده على كلام الأخ سعود

أرحب أخوي سعود
وبيض الله وجهك على المعلومة
أخوي كيف الطريقه تربطه في الرحول واذا كانت الحيران واجد وش السوات

أخوي محمد وأخوي راشد الله لايهينكم على المرور

تبقا ياظافر

مايربط الحوار فالرحول

وقهر الحيران على الرحول بردهن على الرحول بس , حتى ولو كثر عددهن

ومع الايام يركدٍ على الرحول لين يتطبعاً عليها

اخوي ظافر بالنسبة لتطبيع الحيران على الرحول يكون بعد الولادة بثلاثة ايام تقريبا ويكون العدد من ثلاثة فاكثر والطريقة لابد من شبك الحيران مع الرحول في شبك حتى توالف عليها

وتقبل تحيتي

السلام عليكم


لقهر الحيران على الرحول في المفلى

ياخذ الراعي معه خبز او سكر ويعطي الحيران من خرج الرحول ويقهرها عليها

اسبوع ثم هي تطبع وتجي للراعي والرحول عند المفلى


واذا رجع للعزبة يصك عليها مع الرحول بالشبك

أخواني سعود بن جبر و فيصل العاطفي ونواف الحربي
جزاكم الله كل خير وبيض الله وجيهكم كفيتو ووفيتو