قعود اوضح وابي منكم الراي

السلام عليكم ورحمة الله وبركاته

مساكم الله بالخير واسعد الله اوقاتكم بكل خير ان شاء الله

هذا قعود سنه على مااعتقد جذع جاني العام واللي جابه لايعرف سنه تماماً ويقول انه على بعير الامير سلطان بن عبدالعزيز
اللي خذه او اشتراه من فنجال الشيباني ويقال انه رمان اللي اخذ جائزه نوفا قبل عشر اعوام طبعاً يوم كان بملك فنجال
وبعد ان اخذة الامير سلطان جلس مع ابله حتى مرض قبل سنتين تقريبأً وارسلوه لمستشفى الاحساء ومات هناك
ولكن اللى جابه يقول انه شاريه من دوسري وهذا الوسم حق راعيه

حبيت اسئلكم رايكم فيه..؟

وهل تظنون انه بيلقح ذا الزمان ولالا ..؟

والوسم الي عليه منهوله..؟

هذي الصور..امامكم


















وهذي الصوره قبل ست شهور تقريباً

ماشاء الله تبارك الله

البعير انشاء الله يلقح هالسنه

الاخوان اللي عندهم خبر يفيدونك عن الوسم

ماشاء الله تبارك الرحمن

القعود مبروك ان شاءالله
فيه قصر العظم
وفيه عرنونه عادي ومشاربه رديه
اما الضراب بعون الله بيضرب وان كانك عجل سبح
القعود كل ليل ولا تقيده خله طلق مع امهاته

الله يربح البايع والشاري

القعود لاباس فيه
وبالنسبة للوسم اللي على العرنون هي رثمة الهوامله الدواسر واضن هوامل مطير يحطونة اما ذا اللي على الخدة اول مرة اشوفة

السلام عليكم

أما وسم الخد ما اعتقد بدوي ياسم مثل الوسم هذا

القعود انشاء الله مبروك

اما الوسم فظاهر انه تابع لمصرف الراجحي


















لا تزعل اخوي ترا ء حبينا نمازحك

يعطيكم العافيه جميعاً

وبيض الله وجيهكم

وبيجيب الله احد يعرف الوسم

ارررحب والقعود اشوف وحسب رأيي الشخصي انه طيب

وبالنسبة للقاح فان شاء الله انه يلقح ولكن ربما متأخر شوي

وتم النقل الى القسم المناسب (الاسئلة والاستشارات )

مرحبا يافالح الله يحييك، القعود طيب ومواصفاته زينه وشكله مغتر 100% وإذا هاج تغير شكله في نظرك للافضل وهذا الوسم اللي عليه وسم واحد من العذبه عنده مغاتير في وادي العجمان وتقبل تحياتي.

يعطيكم العافيه
يعني اهده فحل
وبعدين الوسم يقولون حق دوسري
انا والله اني ضعت وبي من يقولي 100 / 100

فالح

الوسم اللي على الخد من وسوم آل عذبة من آل مرة

والوسم اللي على العرنين هو الرثام

وفيه احتمالين اما ان يكون البعير عليه وسمين وهو وسم الهوامله ووسم آل عذبة

او ان يكون القعود لآلعذبة والرثام هو شاهد يخص راعي القعود

القعود مبروك ان شاءالله

تصحيح يافالح ترا الوسم اللي على القعود حق السكيني من الدواسر وياسمون نفس وسم العذبه بالضبط بس يختلف في الرثمه ، كلام اكيد 100%