وش بلى الفحل يالربع

مرحبا ياخالد، احتمال بعيرك مغتث من اللعلف وموجعتة اللغثه واجد حتى انها تسببت في حدوث الذيبه مع بداية موسم الهياج، واحتمال يكون مستوجع من بطنه(منفضخ) يعني مضرب له شي من البل عاد بطنه كبير في بداية الموسم.تحياتي

يبدو لي أن البعير هرش صح ولا لا

اللي فيه ما هي ذيبه وأنا أخوك

أعطه أبرة (كوربرال) 25 س عقب ما تعشيه وفكه الصبحو بيضرب إن شاء الله
وللعلم الأبرة ما تضره أبد ولا لها أي تأثيرات أو مضاعفات
هي مجرد علاج عن الحلل والطقطه للمفاصل وبإذن الله ما عليه شر.

أخوك
أبوفيصل

الشكر للجميع على تعطيرهم لصفحتي وردودهم
الاخ فهد البعير نشيط ما شاء الله علية والسنة الماضية يضرب ما يحتاج وعمر البعير له نابين والناب الثالث صغير مرة دوبه شاق والله مدري هو هرش والله لا
ومحل الابرة من وين اضربه وهل ضرب الابرة بعد عشاه