الي يعرف لايبخل علينى

حياكم الله ومبروك عليكم المطر الله ينفع به



ودي اشتري بيت شعر وبي اعرف وش المقاس الزين طبعاً عند الابل مهوب ثابت يعني
وكم الاسعار تقريباً وش النوعيات خشب ولا حديد الاروقه العصي الي فيها خشب ولا حديد خفيف
الي يعرف لايبخل علينا بي شي عن الموظوع

يامرحبا يافالح
انا فصلت بيت شعر ويطلع يوم الاربعاء في حفر الباطن
مقاس عشره في سته العمدان والاروقه حديد
والفليج مقاسه ثلاثه متر الماني يعني تشوف البيت فوق فليج واحد
والسعر أربع الاف ريال وتراني عميل له .

بيظ الله وجهك

ياليت تعطيني اسم المحل ورقم صاحبه علشان اقدر اكلمه

وبعدين كم يوم يجلس يشتغل فيه

عبدالله يعطيك العافيه

ومشكور على كل حال

ولاكن الرقم الي ارسلت لي ماهوب شغال
كان عندك غيره ارسله

البيوت في الحفر واجد

انا توني ماخذ بيت من الحفر مقاس 11 في 6 الماني

كله حديد وبنيته وممتاز بــ 3800 ريال

وفي انواع في السعودي وهو خفيف ولا يفضل استعماله

وفي التركي وهو ممتاز لاكن يشيل تراب

واللماني ترا يخر من المطر من على الأجناب وهذا في بيوت الشعر كلها

وين في اي مكان في الحفر

وهل هي جاهزه احصلها ولا تفصيل وي نوع الافضل

الجاهز موجود وبكثره والتفصيل موجود


ابد من تدخل الحفر تبي تلقاهم على يمينك ويسارك

ومحلات البيوت واجد بالحفر يوجد اكثر من 30 محل

والنعيريه سمعت ان في مرأة تسويه ولاكن اسعارها غاليه

وافضل نوع اللماني هو النوع الممتاز