يالنشامى استفسار بسيط

السلام عليكم يالربع

عندي استفسار بسيط وابغي شوركم يالمطاليق,,,

فيه عشرى جايزة لي وطيبه لكن عذروبها انها مكويه على الصبه

واول ماتقوم تضلع شوي وعقبه تسير مسير زين ماكن فيها شي

السؤال هو

هل الصبه ترجع للناقه مره اخرى وهل اللقاح يثر عليها وتنصحوني اشتريها ولا استخير واحط دراهمي في مخباي؟؟

اخوي سفر صل صلاة الاستخارة واستخير ربك احسن من خلقة

مرحبا بك اخوي سفر

كن الناقه جايزة لك ولاهي بفاطر فخذها وتبارك بالله

لان الضلاع البسيط ما يظرها وهي اللقحه

والله يبارك لك في ما ينفعك

اخوي سفر صل صلاة الاستخارة واستخير ربك احسن من خلقة

مرحبا بك يافيصل

واكيد من استخار ربه افلح

لكن مالقيت الاجابه الشافيه اللي تقنع

والله لايهينك على كل حاال

مرحبا بك اخوي سفر

كن الناقه جايزة لك ولاهي بفاطر فخذها وتبارك بالله

لان الضلاع البسيط ما يظرها وهي اللقحه

والله يبارك لك في ما ينفعك

مرحبا بك ياعايد

الناقه ماهي بفاطر

اما ام ثالث ولا ام رابع

لكن انا ذال اني اشتريها وثم الا لقحت وثقلت تثر عليها رجلها

وسمعت ولاني بمتأكد ان الصبه ترجع مره ثانيه للناقه اللي قد سلمت منه

فاأبغي لي واحد باخص في مثل ذا الحالات يفيدنا اكثر

والله لايهينك ياعايد على المرور

توكل الله واشتر والصبه ماتفك اذا مشت الناقه اعتقد انه من مفصل الرجل وهو بسيط

توكل الله واشتر والصبه ماتفك اذا مشت الناقه اعتقد انه من مفصل الرجل وهو بسيط

بيض الله وجهك ياعيد

والله لايهينك على كل حال

ماخاب من استخار اخوي سفر


واللـه يكتب لك الخير والتوفيق فيها وابغيرها.....