معرفة عمر البعير

السلام عليكم ورحمة الله

كل عام والجميع بخير واسأل الله ان تكون سنة خير على الجميع

اخواني اشتريت جمل قبل سبعه شهور يعني في بداية شهر 6 وقال لي صاحبه بانه لقي وبيجذع فى الشتاء الجاي
وبعد شهرين بدأ يطارد الابل ويبرك الابل ويفرز سائل اسود فوق الرقبه دون ان يفسر لمدة شهر على هذا الحال ثم توقف من ذالك الوقت واصبح كالناقه حتى هذه اللحظه والشتاء قد حل علينا واخوكم قليل خبره باسنان الابل

ارجو توضيح ماحصل قبل 4 شهور

وتوضيح ماذا حصل للبعير الان

وكيف اعرف سنه الان بشرح بسيط


وفق الله الجميع

[align=center]يا ليت أخوي صورة واضحه لبعيرك[/align]

هذه الصور بعد وصوله بشهرين

مع تقديري وشكري لك


والصوره الثانيه اول ما اخذته

اعتقد ومن خلال الصور ان سنه لقي الان ولم يجذع الى الان

والشباب راح يفيدونك

الف شكر يابدر على التجاوب

حفظك الله

[align=center]الأخ عبدالله لا شكر على واجب

وبالنسبة للقعود والعلم عندالله الموسم القادم ربما يعشر

لانه من خلال الصوره سن القعود تقريباً لقي

لكن نصيحة أعزله عن البلل[/align]

ابشر ومن اليوم اعزله انشاء الله

ومشكوووور بارك الله فيك

أخوي على ما اعتقد ان بعيرك صغير
ويمكن يهد السنه الجايه

مشكور يا عبدالعزيز


وفقك الله

اخوي عبدالله اللي طلع من جلمد البعير يعني من رقبته هذا صنان البعير وشي عادي يطلع من كل البعارين اللي في سنه اذا شم ريح يسره الشي الثاني قعودك لقي هالسنه ولاحوله اجذاع الا في اخر هالسنه والله اعلم ومثل ماقالو العيال هده في سهيل الجاي ان شاء الله يعشر ابلك وشكرا لك اما بالنسبه لسنه وكيف انك تعرفه هذا بسيط يعني سهل شف ثنايا البعير اول مايثني تطيح اسنون اللبن الثناي ويجي مكانها السن الثني الصحيح اللي هي ثنايا ثنتين كبار اكبر من باقي سنونه وبعد سنه يزودن الثنايا مثلهن ويصير رباع وبعد سنه يزودن الرباع سدس يعني ست اسنان كبار اكبر من اللي الحين هن فيه وبعدها يشق نابه يجي بدال الناب الصغير اللي فيه الان ..................وشكرا