الزين

السلام عليكم ورحمة الله وبركاته
أخواني عندي أستفسار عن مواصفات الزين في الهجن هل هي نفس مواصفات الابل المجاهيم أوتختلف

معقوله 51 رجال قرو الموضوع وكلهم مايعرفون مواصفات الزين وحنا في منتدى مزاين

ياليت ياظافر يبلغونا بـ مواصفات الهجن لان الكثير وانا منهم يجهل مواصفاتها ولو لم تكن له الرغبه بإقتنائها

ولاكن كل شي في معرفة الابل مكسب

ولاهنت على الموضوع المتميز

مرحبا اخوي ظافر الدوسري اسمحلي ان اشرح بعض مواصفات الهجن على قدر المعرفه اولا:
1-الجرم الكبير
2- الصدر الوسيع 3- الرقبة4- الراس 5-الغارب6-تركيبه الرسغ على الخف 7-الفجحه
واذا تلاحظ كل هذه الاجزاء يركز عليها في الالوان الاخراء ولكن لايطلب ان يكون سبلة الهجن كبيرة ولايكون الخف كبير
وشكرا

انا مع اخوي محمد المنصوري لاكن بعد الي لها سبال انا في نضري بتكون ازين

وراعت الغارب الطويل كبيرت الجوف مجذوبت السنام راعت الورك الطويل المالي من وصف الابل الاصايل الطيبه

وربع بيفيدونا كلنا بذن الله اهل الخبره ومرحبابكم

طبق ما تعرفه في زين المجاهيم على الهجن
بالنسبة للزين والنظر فقط


أما المركاض فأموره مختلفه

والله ياخوي ا عندي معلومه وحده بس

ان ابل الهجن والسباق تكون صغيرة الخف إلى ابعد درجه

يعني كل ما صغر الخف كل ما صارت مطلوبه ومرغوبه اكثر

وهذا الشيء عكس المجاهيم تماما

لان المجاهيم كل ما كبر الخف صارت ازين وارغب

هذا من معرفتي المتواضعه

ودمت

البدو يوصفون زين الهجن وصغر خفها

بالدرهم

يعني صغير بحجم الدرهم

الله يجزاكم خير
ومشكورين ولاهنتو ياأخواني على المعلومات وكثر الله من أمثالكم