ابي رايكم بصراحة جدا جدا جدا

[مشاري الشيباني]

السلام عليكم ورحمة الله وبركاتة
هذي الناقة لواحد صديق عزيز علي اشتراها من الحراج وهي حائل واضربها من فحول الامير سلطان
وابي رايكم فيها بصراحة وهل هي شمالية والا لا وكم تسوا في نظركم [IMG]

الاخ مشاري الشيباني

اولا الله يبارك لصديقك في ناقته ويرزقه منها

وثانيا تم تعديل المشاركة واظهار الصور بدلا من الروابط

وثالثا تم نقل المشاركة من سوق مزاين إلى هنا بواسطتي لأنها غير معروضة للبيع


وتقبل تحيااااتي

أخوك

هلابك يا مشارى والله يبارك لراعيه فيها

السلام عليكم
اخوي مشاري باختصار شديد الناقة عادية جدا جدا جدا .
وليست شمالية والله يبارك له فيها

تبي الرأي بصراحة الناقة كل ما منها وسط وما فيها شي متميز يعني خدتها مهيب عريضة وذنها مهيب منفهقه(شمالية) والسبال تنقد عليها واللحي قصير والعمر بعد والخشم وسط
واذا جابت لك ثمانية تسع بع وانت الرابح والله يرزقك اطيب منها
هذا رأي بصراحة جدا جدا وارجو انك ما تزعل

هلا اخوي مشاري الناقه طيبه جدا ولا يلحقها كلام
او هي جنوبيه تصلح لاهل الجنوب
ولاهي من ابل المزاين
بس شوف بطنتها ترا تجي طيبه من شكل امها لاصارابوها كفو
ماعليك خوف والله يبارك الراعيها او لا يقطعها منه

[مشاري الشيباني]

تبي الرأي بصراحة الناقة كل ما منها وسط وما فيها شي متميز يعني خدتها مهيب عريضة وذنها مهيب منفهقه(شمالية) والسبال تنقد عليها واللحي قصير والعمر بعد والخشم وسط
واذا جابت لك ثمانية تسع بع وانت الرابح والله يرزقك اطيب منها
هذا رأي بصراحة جدا جدا وارجو انك ما تزعل

اولا اشكر مروركم الكريم ورأيكم اللي اعتز فيه

ثانيا ياأخ مسعود انا ماني زعلان لأن وجهة النظر من حق اي شخص

وبالعكس يامسعود رأيك على الراس من فوق انت وجميع الاعضاء

والناقة لقحة من فحل طيب وان شاء الله تطرح شي طيب مثل ابوة

مادام الناقة لقحة وعلى فحل طيب فلا تفرط فيها والله يطرح فيها البركة والانتاج الطيب وانت تستاهل الطيب وشكراً على رحابة صدرك وتواضعك في تقبل رأيي
والله يكتب لنا ولك ولجميع الاخوان الخير والصلاح

الاخ مشارى انا اضم صوتى لشباب والله يبارك لك ويبارك لصديقك

[مشاري الشيباني]

اشكركم جميعا على مروركم الكريم وآرائكم الكريمة التي تشرفت بها

والله لا يهينكم

الناقه مافيها من اوصاف الزين شي ناقه عاديه جدآ ؟

اولا الناقه عاديه ولاكن انا قد شفت ناقه اردى منها بكثير وحمراء وجايبه بكره تسام في ذلك الوقت بثمنين الف ولك تحياتي

صبحكم الله بالخير

الناقه مثل ما قالوا الربع عاديه جدا
بس ما تلاحظون ان الرجال كان عرض صورتها من 9 شهور؟ يعني يمكن معد هيب على حظه

وتقبلوا تحياتي

الاخ مشاري ا

الله يرزق رفيقك منها بالطرح الطيب

ولا الناقه عاديه ولا فيها زين ولاهي شماليه لكن يصبر ويشوف انتاجها

تحياتي لك