وش افضل علف للابل يالربع

السلام عليكم
مساكم الله بالخير
ياجماعه
وش افضل علف للابل اللي يزينها ويبين وصوفها
اللي عنده علم لايبخل علينا

اخوكم توه مربي ابل ويبي شوركم
ولاهنتو
اخوكم ياسر بن صالح الحربي

وعليكم السلام


اطيب الاعلاف الشعير الاسترالي الحب


والاطيب منه البرسيم ولكن لازم تستمر عليه ماتقطعه لانك ان قطعته بيثر فالبل اما الشعير لابغيت تغيره ما على البل منه

..

ياسر مرحبابك

عليك بمكعب الصوامع من واقع تجربة

انا اؤيد كلام اخوي فهد

كل العلف طيب

[منذر الدوسري]

البرسيم للخلفات ضروري

اما باقي الحلال يكفي رودس مع قليل برسيم

ارحب ياياسر والله يباركلك بحلالك
علف البل شعير اهم شي والخلفاااااات برسيم


ودمت

ارحب يا ياسر

ما فيه أطيب من البرسيم والشعير والشوار

عطها فطور برسيم
وعشاها .. نقع لها شعير مهروس وأخلط معه شوار ( نخاله )
بنسبة 2 إلى 1
يعني إذا تعطي البل 4 أكياس شعير تحط معها 2 شوار

وعقبها أكرمها برسيم خصوصاً في أيام البرد
ويزين حالها عقب شهر بإذن الله

وسلامتك

مكعب الصوامع

البل غذا بغيتها تسرك بمنظرها وزين وبرتها أكرمها بالطعام من كل شي . وبتشوف النتيجه .

طعام الجنبة في الشتاء شعير وتبن اعزكم الله كافي لها

اخوي الخلفة لازم تعطيها برسيم
وباقي البل يكفيها رودس وان بغيت تحط برسيم شوي ما يضر
اتمنى ان اكون افدتك

اخوي تبي شحم تبي الابل تزين عليك بكيس شعير مع نص كيس مكعب

وشف الابل خلال اسبوع

اما الرودس انحش عنه يجيب الامراض

تقبل مروري

احسن علف هو التبن والشعير ولاتقعد كل شهر تغير طعام ابعارك ابتل على هذا العلف وجرب شهرين ولاتنسا الدعاء

هلابك اخوي وسمع مني
ابعطيك الظرمه\\العلف\\ الطييييبه
علاك بالبرسيم والشعير والتبن والتمررر بس
وشف كيف تبا تزين حوااالهااااااااااااااااا
ملاحظه لاتكثر الشعير علاهااا ثم تبلاش تدمن البل علاه ولاعاد تبااا البل الاهو
والافضل\\ تحطلهاا الشعيرمرتين ولا ثلاث مرات فال الاسبووع
ونتبه اللقحاات لاتعطيهااا شعير ولاتقربه,, برسيم فقط
والخلفات مثل ماقلتلك شعير وتبن وتمرر
ولاتنسانا من دعااك
واي استفسار راسلني على الخاص وحناا في خدمتك
وسلامتك........