ماسبب إرتفاع أسعار الأغنام ؟

ليه دايم نقول الشعير بكم

نقول زاد نقول نقص

ولا قلنا زاد سعر الذبايح ولا نرحم المساكين اللي حالتهم حاله من المواطنين اللي صار مايقدر يذبح لبيته ولعياله

لايصير همنا الشعير والبرسيم فقط

الشعير رخيص والبرسيم رخيص والذبايح ناااااااااااار ليه

انا بدوي وراعي حلا أن شاء الله مانقصني شي

والله اعرف ناس يدعون ليل نهار ان الشعير يرتفع كثير علشان الحلال يرخص


يالربع المشكلة منا فينا ماهو من الشعير وبس


لاحول ولا قوة إلا بالله العلي العظيم

أخوي عبدالله المشكله كل يغني على ليلاه,!!
راعي الحلال يبي الأعلاف ترخص ولاهمه إرتفاع أسعار الماشيه على المستهلك وأهم شي إنه يكسب واللي حوله في قريح,!!!
ومتى إرتفعت أسعار الآعلاف قام يتذمر وأخذ يلوم المسؤلين اللي ما كبحو جماح تاجر الآعلاف ونزلو سعر العلف !!
تناقض عجيب..!
وتجار الآعلاف يجارون الموضه فكل مازاد سعر الماشيه لابد من زيادة سعر الآعلاف,والحجه الواهيه ترديدهم مقولة الإرتفاع دولي وعام’!!!
عموماً لن يعتدل الحال إلا بتطبيق نصيحة الفاروق عمر إبن الخطاب رضي الله عنه حيث أنه جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا ،فقال: أرخصوه أنتم ؟ فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟
(قال اتركوه لهم)

صدق الفاروق رضي الله عنه

ومشكور أخي عبدالله..

المشتكى الى الله

مانزل بلاء الا بذنب

فنسأل الله ان يرفع عنا الذنب ويتوب علينا

اولا : ا لمشكله ماهي في المواطن راعي الحلال المشكله غلا الحلال عالمي مماسبب توقف الاستيراد من بعض الدول مثل سوريا ولا ردن او اذا تم استيراده يكون سعره مقارب للانتاج الوطني ,

ثانيا : عدم الاستيراد من الصين ولاعرف سبب التوقف رغم طيب حلالهم وهو مقارب للنعيم .

ثالث :صعوبة استمرار الاستيراد من الصومال بسبب الامن هناك .

رابعا : مزاين ام رقيبه صار يستهلك حلال يقارب حلال عيد الاضحى مما يودي الى شح في المعروض ويسبب

ارتفاع الاسعار .

اولا : ا لمشكله ماهي في المواطن راعي الحلال المشكله غلا الحلال عالمي مماسبب توقف الاستيراد من بعض الدول مثل سوريا ولا ردن او اذا تم استيراده يكون سعره مقارب للانتاج الوطني ,
إسمحلي يا أخ سعود أن أختلف معك بأن الغلا عالمي وأن المواطن راعي الحلال مامنه مشكله,!!
فلو نظرنا للغلاء الموجود لدينا لوجدنا أن الغلاء ليس له مبرر لإن السوق يعج بالماشيه والعرض أكثر من الطلب ولكن بحكم أننا في دوله لديها عدد من مختلفي الدخل هنا تجد أن هناك من يشتري حتى لو وصلت الآسعار إلى أرقام فلكيه ولكن هؤلاء المشترون لايمثلون سوى عشره في المئه من المستهلكين شرائياً,!
والمتضرر في الآول والآخير هم المربين الصغار والمستهلك صاحب الدخل المحدود..
ثانيا : عدم الاستيراد من الصين ولاعرف سبب التوقف رغم طيب حلالهم وهو مقارب للنعيم .
هنا أقولـ لك أنه مصداقية لكلامي أن العرض أكثر من الطلب تم منع الإستيراد من الصين وغيرها من البلدان الآخرى لإن السوق لايستحمل ذلك بسبب وفرة العرض وقلة الطلب..
ثالث :صعوبة استمرار الاستيراد من الصومال بسبب الامن هناك .
..............
رابعا : مزاين ام رقيبه صار يستهلك حلال يقارب حلال عيد الاضحى مما يودي الى شح في المعروض ويسبب

ارتفاع الاسعار .

ههههههههههههه
ياساتر حتى ملتقى أم إرقيبه آصبح شماعه نعلق عليه أخطاءنا,ياساتر إستر بسترك,!!
عموماً يا أخ سعود رآيك ونتقبله بكل صدر رحب ولكن أتمنى أن يعو أصحاب الحلال قبل أن تزيد أسعار الآعلاف لأرقام فلكيه ويضطرون لبيعها بأبخس أثمانها تفادياً لنفوقها عندهم,وليتذكرو سعر كيس الشعير عندما توصل إلى مبلغ 50 ريال وكيف أن بعضهم إضطر إلى بيع حلاله بنصف الثمن ومؤجل إلى حين..
وأتمنى أن تكون مداخلتي على ردك خفيفه على نفسك لإن الإختلاف لايفسد للود قضيه..

دمت بخير.

[CENTER][ارتفاع اسعار الحلال عامه الخروف الناهي كان ب 400 عام 1407 والحين ب 1000
وارتفاع السيارات الجيب كان ب 65000 والحين نفس الفئه ب 145000
راتب الجندي المستجد 1800 والحين نفس المستجد 4500 واكثر حسب القطاع
لوحسبناها تطلع نسبه وتناسب بمعامل 2 تقريبا
هذا تفسير للوضع الحاصل

ولو نرجع للغنم تحديدا نشوف انها الشيء الانسب للذبح لتكريم الضيوف و توطيد العلاقات بين اطراف العائله
والمجتمع .
اللي صار ان الدنيا تغيرت للاحسن ولله الحمد وصارت رخا وامن وامان والشي هذا واضح
طيب من المعروف ان الانسان الطيب ما يبين فرقه عن الردي الا بوقت الشده (( عكس الرخا))
وحنا اللحين برخا من فضل الله له الحمد والشكر جزيلا
يعني صار الردي يذبح والطيب يذبح و كلن يرائي ويقول انا احسن واحد زي ما هو واضح بالقنوات الفضائيه المهتمه
بالمجتمع السعودي وكأن كل قناة لقبيله معينه
بالعربي انتشر عندنا التفاخر الزائد عن الحد وهو له مصطلح مشهور جدا م????يط
وهو السبب الاول اللي طير الغنم حتى ان بعض العزايم مالها سنع بس وده الواحد يذبح
عشان يقولون عنه كريم والكريم فعلا من يعطي حتى وهو محتاج مثل حاتم الطائي
اللي ذبح حلاله كله لين خلص والحقه فرسه ومشى رجلي
/CENTER]

[CENTER][ارتفاع اسعار الحلال عامه الخروف الناهي كان ب 400 عام 1407 والحين ب 1000
وارتفاع السيارات الجيب كان ب 65000 والحين نفس الفئه ب 145000
راتب الجندي المستجد 1800 والحين نفس المستجد 4500 واكثر حسب القطاع
لوحسبناها تطلع نسبه وتناسب بمعامل 2 تقريبا
هذا تفسير للوضع الحاصل

ولو نرجع للغنم تحديدا نشوف انها الشيء الانسب للذبح لتكريم الضيوف و توطيد العلاقات بين اطراف العائله
والمجتمع .
اللي صار ان الدنيا تغيرت للاحسن ولله الحمد وصارت رخا وامن وامان والشي هذا واضح
طيب من المعروف ان الانسان الطيب ما يبين فرقه عن الردي الا بوقت الشده (( عكس الرخا))
وحنا اللحين برخا من فضل الله له الحمد والشكر جزيلا
يعني صار الردي يذبح والطيب يذبح و كلن يرائي ويقول انا احسن واحد زي ما هو واضح بالقنوات الفضائيه المهتمه
بالمجتمع السعودي وكأن كل قناة لقبيله معينه
بالعربي انتشر عندنا التفاخر الزائد عن الحد وهو له مصطلح مشهور جدا م????يط
وهو السبب الاول اللي طير الغنم حتى ان بعض العزايم مالها سنع بس وده الواحد يذبح
عشان يقولون عنه كريم والكريم فعلا من يعطي حتى وهو محتاج مثل حاتم الطائي
اللي ذبح حلاله كله لين خلص والحقه فرسه ومشى رجلي
/CENTER]

كقيت وفيت يالمري

ياجماعه اللي رافع سعر الحلال هو قلت الحلال في البلد وكثر الطلب علي الحلال ولا راعي الحلال ماله ذنب المسئله عرض وطلب وسلامتكم
وبعدين راعي الحلال المسكين اللي تاعبن عندها ويعلفها ويعالجها ومحافظ عليها ومضيع وقته كله عندها يستاهل البيع الطيب

كلامك ياشامان سليم ميه بالميه

مساكم الله بالخير انااااااا من وجهة نظري ان السبب الريئسي في ارتفاع اسعار الغنم زيادة اعداد الشريطيه حتي بعضهم والله يزاود في السلعه وهو ماشافها وهذاا شي انااا شفته بعيني والبدوي بعد اذا اطمن ان الاعلاف سعرها رخيص قال خلهااااااااا للاضحيه وصارت ازمه الله يرزقهم بحلالهم ومن كد يستاهل

أشكر كلاً ممن قام بالرد والتفاعل مع الموضوع

وبيض الله وجيهكم جميعاً

والشكر موصول للأخوان

راشد الكدادي

طلال الروقي

سعود الزيادي

نواف عيد الردعي

خالد الحجي

راشد ال لزيز العجمي

شامان المري

نايف المشعلي


والله يبعد عنا الغلا

اول شي السلام عليكم

المشكله بنظري مو مشكله اعلاف المشكله الغلاء العام بكل نواحي الحياه هذي تاثر على راعي الحلال .العائله اللي كانت تكفيهم اربعه الاف ريال بالشهر اول اللحين سبعه ماتسد حاجتهم ومقاضيهم هي هي .

انا اتمنى ان الدوله تسمح لدخول المواشي بكميه اكبر من عده دول لتخفيف حده الاسعار .
ولازم نعترف ان الموطن يستهلك نوعيات معينه من الماشيه وهذا احد اسباب ارتفاع الاسعار .
اتمنى من اقسام الزراعه بالكليات الاهتمام بايجاد نوعيات من الاعلاف يستطيع مربي الحلال شرائها باسعار مناسبه وشكرا لكم

تبون الربيع الزين والخير ورخص الطعام



اطلبوا ان الله يخف أغنام التجار اللي فوق 2000 راس و الف الخ .. حسبي الله عليهم اللي ادهروابالارض واقطعوا الا شجار .. حتى البر ماسلم من تجارتهم ..

تبون الربيع الزين والخير ورخص الطعام

اطلبوا ان الله يخف أغنام التجار اللي فوق 2000 راس و الف الخ .. حسبي الله عليهم اللي ادهروابالارض واقطعوا الا شجار .. حتى البر ماسلم من تجارتهم ..

جزاك الله خير

تري اغلب اصحاب الحلال شيبان. طول عمره يربي فيها

اما التجار اذاشم ريحه بعها بكلبا(وانتم بكرمه) سرق اهله

ولا يجوز اللعن

والسموحه

الذبايح مرتبطة بسعر برميل النفط