استبدل علف جديد (( حرب الشعير))

هناك طريقة إعلاف للأبل جديدة

تغنيك عن الشعير والمكعبات

وأقل تكلفة بــ(70%) عن الإعلاف المتعارف عليه

لكن ستؤدي إلى مشاكل في جهات أخرى

وبصرااحة متردد في بث هذا الخبر

ولكن إن حصل واستبدلتم هذا بهذا

سوف يحدث زوبعة
بين وزارة التجارة والزراعة والصوامع....
لو أخبرتكم
هذا الكلام ليس دعاية
بل حقيقة


وخلو تجار الشعير يزرعونه ........!!

يا ولد الدعوه كلها استغلال واتفاقيات
والطق في راس المستهلك اللي هو انا وانت وغيرنا من اهل الدبش
ودام اكتشافك مافيه شق لحد من حدود الله واللي فيه كله نفع للمسلمين
فانت تعتبر ساكت عن الحق
والساكت عن الحق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ترا الاخيره مزحه
الحق علينا وخلهم يحترقون يابالحميدي

ماعن الشعير غناه يعزيز الله يرضا علاك
حتى المكعب ما سد الزوم لعب بالبل بالخرجان

الظاهر ان علومك كلها سواليف وانك تحب تمزح مع اعضاء المنتدى
لكن كان علمتنا علشان نضحك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع الاسف عزالله اني شرشحت تجار الشعير عندنا فالديره عقب قريت موضوعك لكن هالحين الله يعيني افزع للرياض اجيب شعير وكلها بركاتك ياعزيز

هههههههههههههههههههههه يا محمد بن رشيد الله يصبحك بالخير
وكاد أن عزيز الحميدي وهقك با أكتشافه وخلاك تفز و تشرشح تجار الشعير
خلاص أنا بصير قاضي بينكم , الله يعينه يطعم حلالك لمدة ( 3 ) أيام بلياليهن .
وأنت عليك بالركاده الله يطولي عمرك , الشعير ما عنه غناه . هههههههههه
أتمنى أن حكمي بينكم أرضى الطرفين ههههههههههههههههه

هههههههههههههههههههه اي والله زانت علومك
والله يسلمك يابن جدعان انت وعزيز ويكثر خيركم
وابشرك الخير واجد ولله الحمد بس اني اعجبني موضوعه وعلقت عليه ولا شفت منه رد وحبيت احركه شوي بس
وخبر مثل هالخبر تراه حساس لانه يحدث تغيير عند ناس واجد وعند التجار بالذات ولحد الان ماعلمنا عزيز باكتشافه
لكن انا واثق فيه ومتأكد انه يسعى للمصلحه العامه والله يقويه

الرجال يتكلم من القهر في غلا الشعير
وتبغون رايي
عليكم وعلى الذره الحمراء/ شريت تريله فيها 1470 حبه على خمسة ريال والحمدلله غنتني عن الشعير والنخاله
تفل الابل من الصبح وترجع على الذره
والخلفات على برسيم ولا اكثر لها برسيم يادوب والحمدلله طيبه وحالها طيب وشكلها زين يسر النظر

المكعبات والشعير كثرتها ما منها خير ابلتنا بالخرجان والصيد والشحم الزايد

[align=center]
مرحباً بالأحبة :
محمد
وحمود
وعبدالله
وسهيل

أعتذر من الأخوة عن التأخير في الرد
ومسموح ومدموح

أركبت وأنا في طريقي زول سوداني فالرياض
أوصله
( طبعاً ماني أتكس)
يامحمد ولا يهونون الأخوة
طبعا أنا على طول بدأ التحقيق :

عزيز:وين تشتغل يازول
زول: في حايل
عزيز:وين رايح
زول: قدام للمحطة
عزيز: ومنين جاي
زول:من السفارة تجديد جوازي
عزيز:وش حلالكم
زول :إبل
عزيز : وش تعلفون
زول: قال ........
عزيز:البل تعلفونها.........
زول:قال ماشفتها عندنا ثلاث مية مطية نعلفها.......ثلاث أكياس
عزيز:بس
زول :والله ثلاثة

حالها كيف يازول؟
زول : لاتنشد أبد عمنا يبيع على سبعين ألف ومية .....

عزيز: ماشاء الله مادام إنه يبيع كذا ليش مايكرمها بالشعير والبرسيم؟
زول :عندنا حمض وشجر وال..... نافع معها لأنه جاء بيطري وخبره إن لب البذور أنفع من قشورها

عزيز :كيف تعلفون ال... للبل
زول :لما تجي البل تبي ترد
نفتح المويه عليه لين يختلط مع الموية ويصير قريب للموية
تشربها البل
وتروح تبرك وما غير تتجرر وتجضع مستانسه
ثم تثور البل للحمض مرة ثانية بعد ما أتقها وأتغدى
عزيز : والله
الزول والله


عليكم بالطحين الرايب فالموية

الطحيــــن

ستكون ثورة مثل ثورة الخبز قبل سنوات إذا عمل أهل الحلال بهذه الطريقة








[/align]

[align=center]
اكتب لوحة على الشاص
الطحين علف للبل

لأن بعض الجماعة بيطالعون ويطلعون الدرابيل وبيقولون :

ماشاء الله والله فلان اغتنى فتحه له مخبز
[/align]

الظاهر ان علومك كلها سواليف وانك تحب تمزح مع اعضاء المنتدى
لكن كان علمتنا علشان نضحك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عزالله انه صدق وماكذب انه يوم وصل الشعير المره الاوله 50 ان الجماعه ما يعلفون الا طحين ويجيبونه من جده بالتريلات لين صارت ازمة الطحين والتفتت الحكومه للشعير ودعمته لين وصل 12 ريال والله انه صادق واسالو الدواسر اهل الوادي عن ذا الكلام يعلم الله انه جاب لكم العلم الوكاد وان ابلهم زانة عليه واجد

أخواني حبيت اشاركم في ها الموضوع

أما الطحين اشوف عزيز مستغرب والله إني أعرف ناس واجد يحطونه للبل من زمان
لكن البل تداحم عليه ولاتروى منه وإذا هي واجد بعضها قويه وماتجنب عن الحاض وتكثر ويذبحها

لكن أنا عندي خبر
علف جديد غير الطحين وسعره اقل ب 4 ريال

حطيته للبل يومين وتركته خوف من مضرته

لقيت واحد يحطه للغنم واستغربت وقلت البل أولا فيه من الغنم لكن ما دري تاكله ولا لا
قال خذلك كيسين وجربها
واخذت كيسين وحطيته للبل وأكلته
وقررة اخذ منه خمسين كيس وطلبتهن من الرجال ونصحني واحد بأستشارة البيطري
وأستشرته ونهاني عنه يقول يصيب بتخمه لانه زي ارز

وهو يا ربع
الأندومي
يجيبه خياش من المصنع



على قول الشباب الشعير وبس

اما الاندومي ..... يالطيب ياليت تبين لنا اي نكهة افضل !؟

الطحين ناس واجد يحطونه للبل من زمان وليس سرا أو غريبا (بس لا أعلم هل له سلبيات )
و صارت ازمة الطحين يوم ارتفع سعر الشعير قبل فترة وصاروا يعلفون طحين

طحين واندومي وش بعد الله يحفظكم باقي نعطيها مكرونه وحليب نيدو


والله اني اعرف رجال يعلفها تمر
مره يعطيها تمر
ومره يحله في الماء وتشربه