بحاجة رايكم لاعدمناااكم !!

السلام عليكم ورحمة الله وبركاته

يا الربع في واحد ٍ يستفسر ولا يستغي عن مشورتكم لاهنتوا

ويقول انه يعطي الابل برسيم وتبن الضحى

ويعيشيها خبز معه شوي تمر واحوالها وسط ..

مع العلم ان الابل حولها رمث وتدوووج الضحى كله

هل علفها هذا كافي وصحيح ولا وش رايكم جعل من جابكم للجنه

لا خلا ولا عدم

وسلامي عليكم

أرحب ياقرناس ويالله تحييه وتبقيه.
ياطويل العمر ماذكرت عدد البل ولاذكرت كمية العلف علاشان نساعدك هو كافي ولالا..

الرمث الأن الأبل ماتاكله للأنه حار عليها بس شي بسيط ..
عليه بالشعير المجروش ولايكثر منه في البداية لأنه يغثها ويشوف الشحم ...ألا أذا فيها دود في بطونها

أرحب ياقرناس ويالله تحييه وتبقيه.
ياطويل العمر ماذكرت عدد البل ولاذكرت كمية العلف علاشان نساعدك هو كافي ولالا..

البقا يا راشد

الابل عددها حول العشرين او اكثر

الكبار منها عشر والحيران ست والمفاريد حول خمس

يقول افكها الصبح كله وان جيت عقب الظهر حطينا لها ربطة برسيم

وعقبه احط لها ثلاث ربطات تبن لين تعشي واحط كيس ونص خبر مع نص سطل تمر

والرجل مايبيها تردم شحم عشان اللقاح وسلاااامتكم

بل هل طريقته سليمه هذا المقصد وما منها ضرر

وجزاكم الله خير

الرمث الأن الأبل ماتاكله للأنه حار عليها بس شي بسيط ..
عليه بالشعير المجروش ولايكثر منه في البداية لأنه يغثها ويشوف الشحم ...ألا أذا فيها دود في بطونها

صادق ياذياب الرمث اكثره خضر

لكن تدوج وتلقط

والرجال مايبحث عن شحم بس يقول مبي الابل تتضرر لا اكثر ولا اقل

وسلامتكم

بسم الله الرحمن الرحيم
من واقع تجربه اعطي تبن اعزك الله ومكعب الصوامع وبتدعيلي علما ان البرسيم في الصيف ابرد لها .
لكن مع التبن تحط المكعب اوالشعير رقم واحد .
والله يبلي اني ماعطي غير ما ذكرت مكعب وتبن وان الشحم كاسيها وياخوي انه يشكل وان ابله دون .
ملاحظه : الخبز زين لكن تراه يجيب دود افتك منه .

بسم الله الرحمن الرحيم
من واقع تجربه اعطي تبن اعزك الله ومكعب الصوامع وبتدعيلي علما ان البرسيم في الصيف ابرد لها .
لكن مع التبن تحط المكعب اوالشعير رقم واحد .
والله يبلي اني ماعطي غير ما ذكرت مكعب وتبن وان الشحم كاسيها وياخوي انه يشكل وان ابله دون .
ملاحظه : الخبز زين لكن تراه يجيب دود افتك منه .

الله يجزاك خير على هالمعلومات القيمه

وماقصرت ياخالد كفيت ووفيت

مرحبااااااااا ياقرنااااااااس
بالنسبة لضرر ماضن ان هالعلف بيضرها
بس لايكثر التمر
وعلية بالمجروش

جزاك الله خير يامرداس

وكفيت ووفيت

المجروش والتبن طيب