النصيحه ياجماعه الخير,,,,,,,,,,,,,,,,

السلام عليكم ورحمت الله وبركاته
يجماعه انا اول مره اشاارك معكم في ذا المنتدي الطيب الي جمعنا ويااكم .....................
وذالحين بعلمكم بعلوومي لحد يذخر بالنصيحه ,,,,,,,,,,
انا عندي قعود طيب امه من ابلي وابوه بعير طلال ابن اغنيم السبيعي واصل السووم علي ابوه مليون وميتين الف
والله عطي منه وانتج والقعود الي عندي طيب مواره ممتاازه بالحيل \\\ لاكن المشكله ان امه مااتت وذالحين مايشرب الحليب الي بطاااسه وشربه للحليب زين ماعليه \\ لاكن تنقد علي حااله اشوي ,,,,,
والذلحين وش النصيحه ( العمر ثلاث شهور ونص )
1> كيفيه الطعاام الي يكفيه ويشبعه ويسمنه ؟
2> وكميه الحليب ؟
3> ونووع الطعاام المنااسب ؟
وتقبلو تحيااتي

سعود بن ناصر

ياهلا وغلا فيك يابو ناصر وابرك الساعات تواجدك في هذا المنتدى الشامخ بأعضاءه

جميعاً . . .

بالنسبه للحوار وانا خوك اذا ياكل فمافيه اي اشكاليه عليه وبدايته لابد تتغير حالته لانه فقد الرضاع من امه

وارى ان يتم وضع الاتي له :

وضع مضله له وشبك خاص فيه او مع حيران ويفضل يكون وحده
حط له برسيم عنده على طول
حط شعير كميه قليله تدريجياً
راح يكون وضعه ممتاز ان شاء الله وخلك متابع له في الاسبوعين الاولين وعطنا علومه

والاخوان راح يدلون بدلوهم يابو ناصر

مسيك بالخير يبو ناصر

الامور سهله


والذلحين وش النصيحه ( العمر ثلاث شهور ونص )
1> كيفيه الطعاام الي يكفيه ويشبعه ويسمنه ؟-------برسيم خله ناقع عنده وشعير عطه اليوم طاسه صغيره وبعد يومين اكثر بالتدريج بعدين خله ناقع عنده دايم.
2> وكميه الحليب ؟---------الحليب زين بس خاف يبشمه ولا تنوع كل يوم من ناقه لانه يضره يعني مع المغرب جب قاروره موية صحه اللي بريال وشربه حط فيها رضاعه ولا تكثر خاف تضره(حتى الحليب مهوب لازم لاتحرص بتغفص الحوار وتشغله وبشغلك خله بدون احسن).
3> ونووع الطعاام المنااسب ؟------برسيم+شعير=بس.


اتمنى اكون افدتك

واهم شئ لاتحرص واجد عادي الحوار بيشين وبعد شهرين انتظر ردك بيتغير ويزين انشالله

اخوي سعود دعواه سهله ضير الحوار على ناقتن حمراء فيه حليب واجد

بسم الله الرحمن الرحيم

1- ان كانك تبيه فحل ضير ودور له البكرالخفوت ولا المصعد لو حليبها مهب واجد اللي يكفيه ولا تخليه ان كانه طيب الرضاعه والطاسه ماتسر الحوار لانها ماتجي على وقت جوعه لاكن على هوى راعيه هذا من ناحية الحليب .
2- من ناحية الحشايش عليك بالبرسيم الناعم مره والورق وتأكد انه ناشف .
3- من ناحية الشعير عطه مساءً كل يوم قليل ولا تحرص تزود له دامه يرضع امه وياكل البرسيم .

السلام عليكم انصحك نصيحة مجرب انت بتضم القعود فحل بقولك زي ماقال غيري جزاهم الله خير على نصيحتهم اشتر للقعود تاقه وضيرها واهتم بالقعود لان العود من اول ركزة لا تخلي القعود يضيع حالة خله يسمن ويجبر عظمه ويزين خااااااااطره نصيحة وياليت تكون حمراء ولا عمانيه لان لبنها حلو ومفيد للحوار ======اما بالنسبه للطاسة ماتنفع وتنوع الحليب من ناقة واخرى يجيب المغص والامساك للحوار علما ان حوارك صغير صيفي تحياتي

بيض الله وجيهكم يالنشااامي ووااافين علي ذا النصاايح الطيبه وبنطبقهاا وبتسر ان شالله
وبعلمكم بعلوومه عقب وقت

وتقبلو تحيااتي