(التمر) يا أهل العرف

كلنا يعرف فوائد التمر للحلال ولكن هناك من يقول أن التمر يصعد بالناقة اللقحة ..هل هذا الكلام صحيح من تجارب الأعضاء وأهل العرف؟؟؟؟؟؟؟؟؟؟؟؟
نرجو التفاعل المعتاد منكم للأستفادة...............

نعم له تاثير على اللقحات ويمكن يصعد بها اذا كثرت فيه ولا انصح به للقحه اما باقي البل فعلى قول الشيبان(سره وسنام)

عز الله انه يصعد باللقحات اذا كثرت منه .. وهذا الشي صار مع ناقة عندي .. لعبت في التمر ثمن عقب يومين نطلت اللي في بطنها ..
أما باقي البل فهو مفيد لها ويسنها على الرعي .. وبالتوفيق للجميع .

اسأل مجرب الكلام غير صحيح إطلاقاً فأنا مجرب ولي سنين أطعم التمر بالشكل التالي نبله بالماء ونخليه 4إلى 6 ساعات ثم نخلط معه الشوار أو شعير مجروش أو نذر عليه المكعب
وابشـــــــر عوآآآآفـــــــــــي شحم وزين ووبره

وسلامتــــــــــكـ

التمر يحتوي على فيتامينات واملاح وبروتينات ويعتبر علف ممتاز
للبل بس يكون يابس ولايصعد باللقحات ولاالمعاشير بس لازم تضريهن
عليه واي شي اذا اكثر منه يضر ماهو التمر لحاله

التمر ما فيه شك انه علف ممتاز لكن قوي على اللقحات اذا كثرت فيه يصعد بها وحنا نقول اذا كثرت فيه والبل اكلها ماهو بواحد ...يمكن وحده اكل من الثانيه وتنفرد بالعلف ويضرها وغيره من الاعلاف اللي ما منها خطر على اللقحه ما يغني عنه ...تجنبه وفك نفسك ولا تعرض لقحاتك للخطر اما باقي البل ما عليها منه وتراه يكفي منه القليل سواء مع الماء والا علف اخر

اغتثت اللقحات عندي من الاطعمه كلها ولا اصعدت الا التمر عصرها الين حذفت حوارها وغيري ناس واجد مجربينه ....اما اللي يعرف وزنته ولا يخلي بعض البل يتوحد به دون بعض واكرر الحرص واجب ...انت تعبت على ضرابها ولقاحها وتنتظر الانتاج ...لا تحطها حقل تجارب حتى تثبت صحة النظريه من عدمها...

عطوك الاخوان العلم
ولاقصرو

;ghl كلام جميل وما قصروا الأخوان

بارك بالأخوان جميع من شاركوا بمعلوماتهم ولكل من مر علي الموضوع ......شكرا للجميع