ياللي تحرى شعير المملكه يرخص!!!!!...

السلم عليكم ورحمة الله وبركاته

الشعيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــر


قضيه لن تنتهي؟


اليوم الشعير ب 36ريال الاسترالي ليش ؟ مدري ؟ وش السبب؟ بعد مدري؟



امس بـ32ريال اليوم قفل نسبه


تصدقون شكل الدعوى اسهم !!!!!!!!!!!!!!.


ياليتني داري كان شريت وبعت اليوم

على العموم يالربع الشعير ارتفع نصيحه لحد يشري الا حق حلاله لمدة شهر بس يعني 30 يوم

انتظرواااااا المفاجأه

20 رمضان

هذي خطه من تجار الشعير رفعو سعره لغرض التمويه علينا والله من جد الخبر اكيد

قولوا ليش ؟

اهااااا قلتو ليش؟


اقولكم انا..........

عشان لاصار زي اليوم بـ36ريال ونزل بعد اسبوع بـ33ريال وش بتسون كني اشوفكم كل واحد ملبق الشاص ويحمل كنه بنزيم بيقول عب فوووول!!


وهذا اللي يبونه بس انتم لا نزل لاتشترون خلوه الى 20رمضان الله يلحقنا وياكم رمضان ويتقبل منا ومنكم

مانيب قايل وش بيصير برمضان انتم تابعوا وتعرفون


بينزل سعر الشعير الى 27ريال بشكل مبدئي وبعدها انشالله بينقص بس بعد فتره طويله

بالتوفيق للجميع


معاً الى شعير ارخص

ياللي تحرى شعيـر المـملكه يـرخص*الله يجيـب الربيـع ونتـرك شعيـره
امشي مع الوظح واوده وانــا ابخص*في وضع ذوداً هويته من مغاتيره
نصبر ونصبر نقول الوضع بيشخص*ولابـه تغيـر ولاكن يـالله الخيــره
البارحه شفت حلمن مــاهو مـرخص*ممنوع قوله وخطرن في تفاسيره
مالي ومـال الحلوم وهرجة مشخص*والعمر عند الولي بــاقي تدابيـره
الليـل تو ابتدى والعمر مـا يـبـخص*الا اذا كـــان لجل الوظح تقديـره

اخوكم/محمد بن عمير بن زبن

والله انك صادق تلاعب وتدليس


لاهنت يابن روق

لاهنت يامحمد وكلامك صحيح وانا ماحمل الا حق شهر
والله يزنينهااا والله يجيب الربيع

من أمن العقاب أساء الأدب


سلمت يا محمد

لاهنت على الموضوع

بسم الله الرحمن الرحيم

امس بـ32ريال اليوم قفل نسبه


تصدقون شكل الدعوى اسهم !!!!!!!!!!!!!!.


ياليتني داري كان شريت وبعت اليوم

مافات شي يمكن تنسّب بكره ترى ماحولك احد يعني العلم بيد التاجر لين يصّرف مستودعاته ثم يردها نسب شهر كامل والتاريخ يعيد نفسه ولكن نحن قوم لانتعلم وننسى كثيرا لاهنت يامحمد على لموضوع

ارررررررررررحب يابو عمير


مرحبااااااا ومسهلا

والله بيغنينا عنهم بالوسم المبكر سبحانه على كل شي قدير

صححححححح لسانك ولاهنت ياذيبان

صح لسانك يابن عمير
والمواساه شي جميل تعطي الامل

وضع الشعير مابه سهود ومهود * * * اسعارهم ماستوت والنفس مغبونه
دنيا عجيبه سرحانها صار مقرود * * * فيها الحصاني عايشه ومصيونه

ولله الأسعار هذي ماعرفنا لها
والتجار ذولا مايملا عينهم غير ...... بوجه العدو

سلمت يا محمد وصح لسانك

حاميها حراميها
والله لو انه مواطن عادي الي يسوي هالامور كان خفسو فيه

ولكن فيه من يحرك هذه الامور وطبعاً هو فوق القانون

ولاهي مسألة تاجر او من موزع

وش الحل بوجهة نظركم اخواني

[طامي معجب الدوسري]

امشي مع الوظح واوده وانــا ابخص*في وضع ذوداً هويته من مغاتيره
لاهنت اشعير في زود والخبر عن قريب

الاوربي 34

حسبنا الله ونعم الوكيل

إلى متى ؟؟؟ اين وزارة التجارة ؟؟؟؟

اين .......؟؟؟ !!!!!

الله يعطيك العافيه على طرح الموضوع

اشكر جميع الاعضاء على تفاعلهم

نطلب من التجار ينزلزون الاسعار

ونقول

اين وزارة التجاره؟

اين وزارة الزراعه؟

والسؤال الاهم من هم التجار ؟؟!!

التجار هم اعضاء الغرفه التجاريه , هم هيئة حماية المستهلك ,

هم المسئولين بوزارة التجاره والمسئولين بوزارة الزراعه .

يجب ان نكون لجنه من اعضاء هذا المنتدى للدخول على ابو متعب

وشرح الوضع كامل وطلب الحل منه

والله يوفق الجميع

جشع التجار وحب المال وغياب الرقابة الذاتية ورقابة الدولة
وكما قال الرسول صلى الله عليه وسلم :
( لَوْ كَانَ لِابْنِ آدَمَ وَادِيَانِ مِنْ مَالٍ لَابْتَغَى ثَالِثًا وَلَا يَمْلَأُ جَوْفَ ابْنِ آدَمَ إِلَّا التُّرَابُ وَيَتُوبُ اللَّهُ عَلَى مَنْ تَابَ )
فالى الله المشتكى والله يغنينا عنهم بما عنده سبحانه وتعالى