سؤال يبحث عن إجابة أهل الخبره

السلام عليكم ورحمة الله وبركاته

عندي سؤال يالنشاما لأهل الآعلاف والمستهلكين

والسؤال يقول لو إشتريت كميه كبيره من الشعير تقدر بعشرة آلاف كيس وخزنتها لمدة ستة شهور هل يصير بالشعير شئ أو لا,؟؟

ياليت إجابتكم تكون واضحه بكل أمانه ولكم الشكر والتقدير..

بسم الله الرحمن الرحيم

يامرحبا ياراشد فاقدك من فتره عسى المانع خير ان شاء الله نورة المنتدى بالنسبه للاستفسار حسب المستودع
1- تهويته المستودع
2-ارتفاع الشعير عن سطح الارض ووضع عازل تحت الشعير
3- رش بعض المبيدات على الارض حتى تطرد السوس
4- عدم وجود رطوبه داخل المستودع
5- مدة التخزين وممدى الاستهلاك

بسم الله الرحمن الرحيم

يامرحبا ياراشد فاقدك من فتره عسى المانع خير ان شاء الله نورة المنتدى بالنسبه للاستفسار حسب المستودع

1- تهويته المستودع
2-ارتفاع الشعير عن سطح الارض ووضع عازل تحت الشعير
3- رش بعض المبيدات على الارض حتى تطرد السوس
4- عدم وجود رطوبه داخل المستودع
5- مدة التخزين وممدى الاستهلاك

والبقا بك أخوي خالد وياجعلك ماتفقد غالي يالسنافي,وإسمحلي يالقرم على الغياب ومثلك عارف عطلة الصيف والدنيا تبي والآخره تبي وإن سلمنا من المدارس وهمومها جاتنا العطله ومواعيدها للوغدان ههههههه..

وعموماُ يالنشمي بيض الله وجهك من حد باب بيتي إلى حد باب مكه وعساك ذخر يامشرفنا الغالي ولاهنت على التوضيح,وبإذن الله العلي القدير إن الله عطانا عمر أن أنافس التجار بالتخزين ومتى ماشفتهم رفعو السعر نزلت عنهم بريالين حتى أصرف اللي عندي قبلهم وعساهم للخسارة اللي مايقومون منها هاللي ذبحو المسلمين بالآسعار الغير مستقره..
والله الله ياهل الحلال لاشفتوهم إرفعو السعر دقو علي وفالكم طيبب أبانزل لكم السعرعناد للتجار<<أشهد إن الفقير حلمه مدوج ههههههههه..
ولك التقدير والتحيه ولاهنت ياذيبان..

بيض الله وجهك يا راشد

تقول وتطول

واعتبرني زبون عندك

وبعد أذنك أطرح أستفسار على طاري التخزين في صفحتك : تسلسل الموضوع

عندي أستفسار شبيه لأستفسارك بإختلاف التوقيت في التخزين
بالنسبه للعلف اللي عندي ( برسيم , وافي ) تخزين شهري ( اللي يكفيها شهر )
في غرفه (صندقه) شينكو بدون تهويه مستمره
( تهويه مرتين في اليوم تقريبا .. إذا فتحنا الباب عشان ناخذ العلف اليومي )
العلف على الارض مباشره و البرسيم فوق بعض والاكياس كذلك )
أرش جاره برا الغرفه دار مادار بس ماهو بستمرار !
والقصد العقارب ماهو السوس .. دايم القاهن داخل . يمكن عشان الرطوبه !!

هل طريقة تخزيني فيها مشكله أو غير صحيحه ؟

أرش جاره برا الغرفه دار مادار بس ماهو بستمرار

لا ترش جره يا عادل ..

الجره مجرد انها تنشف يروح مفعولها

عليك طال عمرك بالديزل رش على الصندقه دار مدار

وقابلني اذا دخل في الصندقه اي دابه ..

لا عقرب ولا حيه ولا اي هامه

بس تأكد اذا رشيت ان ماداخل الصندقه شي

لانها مستحيل تطلع اذا رشيت

بيض الله وجهك يا راشد

تقول وتطول

واعتبرني زبون عندك

وبعد أذنك أطرح أستفسار على طاري التخزين في صفحتك : تسلسل الموضوع

عندي أستفسار شبيه لأستفسارك بإختلاف التوقيت في التخزين
بالنسبه للعلف اللي عندي ( برسيم , وافي ) تخزين شهري ( اللي يكفيها شهر )
في غرفه (صندقه) شينكو بدون تهويه مستمره
( تهويه مرتين في اليوم تقريبا .. إذا فتحنا الباب عشان ناخذ العلف اليومي )
العلف على الارض مباشره و البرسيم فوق بعض والاكياس كذلك )
أرش جاره برا الغرفه دار مادار بس ماهو بستمرار !
والقصد العقارب ماهو السوس .. دايم القاهن داخل . يمكن عشان الرطوبه !!

هل طريقة تخزيني فيها مشكله أو غير صحيحه ؟

بسم الله الرحمن الرحيم

ياهلا يا عادل بالنسبه لما ذكرت مدة التخزين قليله ماعندك مشكله هذا استهلاك ماهو تخزين بس احذرالشمس والماء على المكعب اما الهوايش فما له حل الا الديزل ودار مادار من برا كما افاد اخوي طلال الله يوفقه .
ملاحظه / المكعب لا تردم جديد على قديم حتى تستخدم القديم كله وتأكد من ذا الكلام جيد ترى العمال ما يوثق فيهم الا من رحم الله والله انه مذبح حلال واحد من ربعي مكعب له سته شهور كل ماجاب جديد ركمو فوقه لين ابطى

[glow=00FF00]
ابوبندر

ابوفالح
[/glow]
بيض الله وجيهكم

لا خلا و لا عدم