أخواني الأعزاء
السلام عليكم ورحمة الله وبركاته
وأسعد الله أوقاتكم بكل خير
كما تعلمون أنه في يوم الجمعه الماضيه الموافق 1/12/2006 هطلت أمطار غزيره ومتفرقه على أنحاء المملكه جعلها الله سقيا خير وبركه
وجايب لكم اليوم علوم الحيا في الجريبيعات التي تبعد عن نطاع حوالي خمسه وثلاثين الى أربعين كيلو بإتجاه غرب من نطاع
وتبعد عن النعيريه حوالي ستين كيلو بإتجاه جنوب الى غرب من النعيريه ( صور وفيديو)
في يوم الخميس الماضي الموافق 30/11/2006 غبشت بعد صلاة الفجر مباشره صوب البل والبل حول الجريبيعات أنا وربع شرواكم ووصلنا البل بحفظ الله
وكان الجو فالصباح صحو ويوم جا قريب المغرب (العصير) فأيها يوم أدلهمت من شمال (غيم الجو) المهم مالكم في طويل عازه سمرنا ذاك الليل وأمسينا هناك ويوم جات الساعة حول 12 تقريبا في الليل
فنتوعى على صوت المطر فالخيمه أمطرت علينا وجاتنا سبرات طيبه مراً حقوق ومرةً وداني ويمدنا ربي من مدات جوده وزوايد فضله سبحانه ولا وقف المطر إلا الساعه ثمان صبح فيوم وقف المطر وركد الجو
ركبنا مواترنا ناخذ لنا جوله عقب ذا المطر والخير
فالحمدلله لقينا القاع مسيله وريانه والله يطرح فيه البركه ويتبعه بخير
وحفرنا القاع ولقينا الحفر سبق يعني حفرنا إلين توسدنا رقابنا ولا لحقنا مدى الحيا
فلله الحمد كما ينبغي لجلال وجهه وعظيم سلطانه
هذي علومي بإختصار وعفاكم
وإليكم بعض من الصور ومقاطع الفيديو لرحلتنا
صوره لشبة الضو (شبة المنزل اتداوي جروحًا لي.......والنشامى والهبوب الطبيعيه)
غضارة الحليب تدور بين الرجال وهذي طراة الرحله
صوره للغثير أي السحاب اللي قد نثر ماه
صوره ألتقطت من بعد لبرق (جبال) الجريبيعات ويتضح في الصوره ماء متدفق بعد نزول المطر
صوره لشاهد سيل أي أثر سيل
صور متعدده لهجله
مقطع فيديو لهجلة وفالمقطع واحد من الربع يتذوق طعم ماء الهجله ليرى إن كانت صالحه للشرب ورد الوايت عليها
مقطع الهجله من هنا
مقطع فيديو أثناء الرحله وفيه جره صوت لي (متهيض مبطي ماشفت مثل المنظر ذا وجريت صوتي وعسى الله لا يحرمنا وياكم الربيع الزين ذا السنه وكل سنه)
المقطع من هنا
وفي النهاية
تقبلوا فائق إحترامي
أخوكم الصغير/ سفر المري
السلام عليكم ورحمة الله وبركاته
وأسعد الله أوقاتكم بكل خير
كما تعلمون أنه في يوم الجمعه الماضيه الموافق 1/12/2006 هطلت أمطار غزيره ومتفرقه على أنحاء المملكه جعلها الله سقيا خير وبركه
وجايب لكم اليوم علوم الحيا في الجريبيعات التي تبعد عن نطاع حوالي خمسه وثلاثين الى أربعين كيلو بإتجاه غرب من نطاع
وتبعد عن النعيريه حوالي ستين كيلو بإتجاه جنوب الى غرب من النعيريه ( صور وفيديو)
في يوم الخميس الماضي الموافق 30/11/2006 غبشت بعد صلاة الفجر مباشره صوب البل والبل حول الجريبيعات أنا وربع شرواكم ووصلنا البل بحفظ الله
وكان الجو فالصباح صحو ويوم جا قريب المغرب (العصير) فأيها يوم أدلهمت من شمال (غيم الجو) المهم مالكم في طويل عازه سمرنا ذاك الليل وأمسينا هناك ويوم جات الساعة حول 12 تقريبا في الليل
فنتوعى على صوت المطر فالخيمه أمطرت علينا وجاتنا سبرات طيبه مراً حقوق ومرةً وداني ويمدنا ربي من مدات جوده وزوايد فضله سبحانه ولا وقف المطر إلا الساعه ثمان صبح فيوم وقف المطر وركد الجو
ركبنا مواترنا ناخذ لنا جوله عقب ذا المطر والخير
فالحمدلله لقينا القاع مسيله وريانه والله يطرح فيه البركه ويتبعه بخير
وحفرنا القاع ولقينا الحفر سبق يعني حفرنا إلين توسدنا رقابنا ولا لحقنا مدى الحيا
فلله الحمد كما ينبغي لجلال وجهه وعظيم سلطانه
هذي علومي بإختصار وعفاكم
وإليكم بعض من الصور ومقاطع الفيديو لرحلتنا
صوره لشبة الضو (شبة المنزل اتداوي جروحًا لي.......والنشامى والهبوب الطبيعيه)
غضارة الحليب تدور بين الرجال وهذي طراة الرحله
صوره للغثير أي السحاب اللي قد نثر ماه
صوره ألتقطت من بعد لبرق (جبال) الجريبيعات ويتضح في الصوره ماء متدفق بعد نزول المطر
صوره لشاهد سيل أي أثر سيل
صور متعدده لهجله
مقطع فيديو لهجلة وفالمقطع واحد من الربع يتذوق طعم ماء الهجله ليرى إن كانت صالحه للشرب ورد الوايت عليها
مقطع الهجله من هنا
مقطع فيديو أثناء الرحله وفيه جره صوت لي (متهيض مبطي ماشفت مثل المنظر ذا وجريت صوتي وعسى الله لا يحرمنا وياكم الربيع الزين ذا السنه وكل سنه)
المقطع من هنا
وفي النهاية
تقبلوا فائق إحترامي
أخوكم الصغير/ سفر المري
]
تعليق