(( حملة خله ينقعها ))

بسم الله الرحمن الرحيم

بسم الله والصلاة والسلام على رسول الله سيدنا محمد وعلى اله وصحبه اجمعين

من هذاالمنبر الشامخ وهذا الصرح العملاق ولثقتي بأن هذا المنتدى هو اكثر منتدى متابعه من اهل الماشيه من حاضره وباديه وكذلك من تجار الشعير والاعلاف هم يتابعون هذا المنتدى بعنايه ومن الجميع.....

يا أخوان لازم يكون لنا كلمه ومو لازم نتكلم الكلام لا يسمن ولا يغني من جوع لازم تكون لنا ردة فعل حتى البهايم (اعزكم الله) لها ردة فعل وحنا بشر ولا راح نسوي غلط!!!!!!!...

كل اللي بنسويه مقاطعة الشعير( 30 يوووووم) ولا راح يضر اي احد منكم شئ علفوا بأي شئ لمدة شهر بس شهر يا اخوان ترى مو صعبه كلن عنده حلاله غالي وندري بهالشئ ولا هوب بخل منا والا تقصير لا والله ادري انا نبدي الحلال على اي شئ من غلاه...

رساله الى راعي الابل(الناقه يسمنها شهر ولا يهدها دهر)

رساله الى راعي الغنم(الغنم ادنى ما اشبعها برسيم وخبز شحم)

تكفون خلونا يد وحده
تكفون خلونا يد وحده
تكفون خلونا يد وحده
تكفون خلونا يد وحده
تكفون خلونا يد وحده
تكفون خلونا يد وحده
تكفون خلونا يد وحده

طلبتكم لا تردوني وهذا للمصلحه العامه

وتكفون وصوا اي واحد عنده حلال

انا والله ما عاد اشريه لين يرخص

حملة خله ينقعها
معاً يداً بيد الى شعير ارخص

اخوكم محمد بن عمير

رد: (( حملة خله ينقعها ))

والله لو يقاطعون الشعير مربي الماشيه لياكلون تبن مورديه اكرمكم الله

المشكله بأنه لابد ان تكون المقاطعه جماعيه ياخوي انا اشوف الناس عندنا اذا زاد صاروا يشترون بزياده

مشكله عندنا ولا فيه اي ردة فعل بصراحه


تقبل التحية والقدير واحييك على هذه اللفته الجريه والرائعه

رد: (( حملة خله ينقعها ))

كلامك صح وانا من عندي يابو عمير اعين واعاون وباذن الله يد بيد

رد: (( حملة خله ينقعها ))

انا معك والله ان شاء الله اني ما اشتريه حتى يرخص وان ابدله باي شي ثاني ذره برسيم خبز رودس اهم شي ما اشتريه

تكفون ياشباب الهمه الهمه يالربع

في عهد عمر رضي الله عنه اشتكى الناس من غلاء اللحوم فقال لهم عمر رضي الله عنه
دعوه لهم اي اتركوه ولا تشترونه ففعلوا الناس فعفنت اللحوم واضطر تجار اللحوم
لاعادة السعر الى سابق عهده

الشاهد قاطعوا الشعير حسبنا الله على التجار

رد: (( حملة خله ينقعها ))

بارك الله فيك اخي الكريم
خطوة قيمة وان شاء الله تنفع هالخطة وشهر ماهو كثير ومثل ماتفضلت مايضرها شهر

رد: (( حملة خله ينقعها ))

ابيض وجه ياروقي على هالطلبه, اليوم اعلنها مقاطعه لشعير و سوفى اوصل المعلومه للي اقدر عليه من البدو (الظاهر ان البدوي البدوي مقاطعه غصب).

رد: (( حملة خله ينقعها ))

بارك الله فيك اخي الكريم
ان شاء الله اني ما اشتريه حتى يرخص

رد: (( حملة خله ينقعها ))

تم الانضمام الى حملة ، خلوهم ينقعونهاا ، وتم مقاطعة الشعير ، تحياتي لك يا الروقي

رد: (( حملة خله ينقعها ))

تم الانضمام الى حملة ، خلوهم ينقعونهاا

رد: (( حملة خله ينقعها ))

مستحيل يقاطعون الشعير وانت ياخوي تنفخ في قربة مشقوقه صحيح كلامي والله انا بقاطع وانت تبي تقاطع قل جميع اعضاء المنتدى يبي يقاطعون لكن انت تبي تبد على اللي الناس الباقين من البدو وغيرهم وبيسمعون في كلامك والله مايتوحون والشعير والله ماعنه غناه ولاهوب راخص الا بتدخل من الحكومه ودعهما
وتقبل مروري

رد: (( حملة خله ينقعها ))

تم الانضمام الى حملة ، خلوهم ينقعونهاا

رد: (( حملة خله ينقعها ))

انشاء الله اني ما اشتريه لين يرخص
وامس بالليل كنا عند احد جيرانا متجمعين وكلهم قالو مانا بشارينه ويد بيد مع المقاطعه

رد: (( حملة خله ينقعها ))

وانا بعد وياكم وكل شي له حل انشالله والحل بيد الله عز وجل ومن ثم ولي الامر انشالله

رد: (( حملة خله ينقعها ))

بيض الله وجهك يالروقى وانا انضم مع ها لحمله عسا الله ينفع بها ويرد كيد تجار الشعير فى نحورهم آمين يارب العالمين
وبعدين يا اخوان ترى والله يجوز العيد بلا حنا
وانا شايف مشاريع التسمين الابل حقت شركة الراجحى ما يعطون الا رودس وبس وشحم فوق ما تتصور يارجل
ولك منى جزيل الشكر والله الله فى المقاطعه

رد: (( حملة خله ينقعها ))

الحمدلله من عرفنا الدنيا وحنا مانعلف الا بالشوار

والمقاطعه صعبه جدا خصوصا من اهل الغنم