عااااجل /كيس الشعير في الرياض 33 ريال

السلام عليكم ورحمة الله وبركاته

سعر كيس الشعير في الرياض بمبلغ 33 ريال في سوق النظيم ويبدء البيع من بعد صلاة الفجر الى بعد صلاة العشاء
وحصة الشخص 10 كياس فيما يباع الكيس الان في الاسوق الاخره 55 ريال

تقبلوو تحياتي

رد: عااااجل /كيس الشعير في الرياض 33 ريال

مشكور اخوي فايز على الخبر السار لملاك المواشيء

وعسى الله يفرحك ويسعدك في الدنيا والآخرة

رد: عااااجل /كيس الشعير في الرياض 33 ريال

اكيد الخبر يا فايز بدون شك فيك
بس انت عارف من كثر الاخبار والعلوم نبي التاكيد
الموضوع فيها قومه من الصبح والصفره متعودين عليها ونفقدها الا في الخميس والجمعه
هههههههههه

رد: عااااجل /كيس الشعير في الرياض 33 ريال

اكيد الخبر يا فايز بدون شك فيك

بس انت عارف من كثر الاخبار والعلوم نبي التاكيد
الموضوع فيها قومه من الصبح والصفره متعودين عليها ونفقدها الا في الخميس والجمعه

هههههههههه

حياك الله اخوي خالد الخبر اكيد وانا عندهم اليوم بس في زحمه عندهم الي يبي يجي بدري الناس تمسك سرا من الليل

ولــــــــــــــــــــــــــــــــ عظيم الـــــــــــودـــــــــــــــك

رد: عااااجل /كيس الشعير في الرياض 33 ريال

لاهنت على اخبر

رد: عااااجل /كيس الشعير في الرياض 33 ريال

شفت اللي يبيعون بـ 55 ريال
والله مالهم إلا حمران عيون يأخذونه قهر ويحاسبونهم على 30 ريال

ولا أقل بعد لاصار الحكومة دورها ماتفعّل وتركوا السرقان من التاجر الى اصغر سروق يعبثون في المواطنين

حسبي الله عليهم

رد: عااااجل /كيس الشعير في الرياض 33 ريال

لاهنت أخوي على الخبر السار
بس الشعير هو الاسترالي ولانوع ثاني

رد: عااااجل /كيس الشعير في الرياض 33 ريال

لاهنت أخوي على الخبر السار
بس الشعير هو الاسترالي ولانوع ثاني

الاخوان جميعا
السلام عليكم ورحمة الله وبركاته
الي يتكلم عنه الاخ شعير التعاونيه وهذا عندنا بالقصيم منذ فتره اول كان 28 ريال واليوم 33 ريال
والمكعب في التعاونيه 23 ريال
والنخال 12 ريال

رد: عااااجل /كيس الشعير في الرياض 33 ريال

بـيـض الله وجـهـكـ يا فـايـز

رد: عااااجل /كيس الشعير في الرياض 33 ريال

لاهنت الله يعطيك العافيه والله يعجل علينا بالوسمي ويغيث البلاد والعباد ونفتك من الشعير وغيره

رد: عااااجل /كيس الشعير في الرياض 33 ريال

السلام عليكم ورحمة الله وبركاته


جزاك الله الف خير على الخبر نعم صحيح في النضيم تجي تريلات وتبيع بالسعر الي قال اخوي ولاكن اتمنى من جميع اهل الحلال ان يقاطعو اصحاب المباسط ويقاطعو الشعير الي يبعون اهل المباسط الي يبعونه على المسلمين 55 ريال وياخذون من الي في النضيم 33 ر يال ويخلون الي سعره غالي والله تشفون اهل المباسط ينزلونه اكثر واليوم فيه نزول بالجنادريه 52 ريال واول يبعون على 55 ريال والمباسط الي قدام دخله الحشوى قاطعوهم يحاربون اهل المباسط الثانيه عشان مايبعونه بسعر رخيص وصاحب المباسط الي قدام دخله الحشو على الشارع الثاني يبي يرفع السعر وعندي معلومات انهم ماخذيه على 28 ريال ومخزنينه الي مايخافون الله حسبي الله عليهم وعلى من ضر المسلمين امين ... واتمنى من الجميع اهل الحلال غنم او ابل مقاطعه الشعير واهل المباسط وياخذون مقعب الوافي 37 وياخذون من عند النظيم على 33 ريال ويخلون اهل المباسط اتمنى من الجميع التعاون والتكاتف جميعا في انحاء المملكة ومقاطعة الشعير واهل المباسط ,,

اخوكم ,,, عبدالله

رد: عااااجل /كيس الشعير في الرياض 33 ريال

اؤيد فكرة مقاطعه اهل المباسط الجشعين
وفكرة الشركة اللى تبيع ب33 بالسرا بالنظيم عظيمة
ياليت الصوامع ووزارة التجارة تنظم مثل هالطريقة وبطريقة تقنية والحمد له الامكانيات التقنة متوفروممكن عن طريق رقم البطاقة يحدد لكل مواطن عدد معين حسب احتيياجة الاسبوعي يعطى فاتورة ويسدد المبلغ المطلوب وياخذ علف ماشيتة بسهولة