هل يعقل ما يحدث !! ام استخفاف بالعقول !!

السلام عليكم ورحمة الله وبركاته ...

حيا الله الجميع ...

يا جماعة الخير هي الدنيا صارت فوضى والا وش العلم ؟؟؟

اليوم صبح انا في سوق العزيزية وابي مكعب الوافي وعلى حظي وجيتي للسوق تو التريلة (( سوق كامل وتريلة وحده ))ما شيل منها الشراع ..

المراد صفينا سرى وخلال ثواني معدودة السرى وصل 12 سيارة ... الحاصل سالنا عن السعر قالو ب 42 ريال وصاحب الجيب يشيل 20 كيس فقط وصاحب الدستن يشيل 10 فقط وصاحب المحل الله لا يوفقه يقول الي عاجبه والا بداله 1000 واحد يشري

قاطعنا الشعير بسبب تلاعب التجار والآن تلاعب في الاسعار حتى في الوافي .

وانا باذن الله السبت في شركة أراسكو نشوف وش الحاصل ...

وما نقول غير حسبنا الله ونعم الوكيل .

رد: هل يعقل ما يحدث !! ام استخفاف بالعقول !!

قبل اسبوع نبي نشتري علف الوافي ولا لقيتها في الجنادريه ولا المجمعه ولا ام رقيبه ولا القصيم الحاصل جت تريلتين للجنادريه وافي وكل شخص ۲۰كيس فقط كلمت الشركه يقول عليهم ضغط. غير متوقع والمصنع التريلات سرا ولا هم ملحقين قلت طيب ابي احجز مهو معقول انتضر بالسوق واخذ ۲۰كيس عطوني موعد بعد شهر ونص

رد: هل يعقل ما يحدث !! ام استخفاف بالعقول !!

قبل ثلاثة أيام مريت على هجرة تماني متوجه إلى دولة قطر الشقيقه ولمحت إن الآعلاف متوفره وبكثره في تلك المنطقه علماً أنني لم أتمكن من الحصول على أسعار الآعلاف هناك ولكن أستقرب وجودها هناك بكثره وتحديد عدد الآكياس في المناطق الكبرى,!!!

رد: هل يعقل ما يحدث !! ام استخفاف بالعقول !!

الله على الله يبو سعود

لاصدى لمن تنادي

رد: هل يعقل ما يحدث !! ام استخفاف بالعقول !!

اليوم

الوافي في الجنادرية ب 42

في حفر العتش ب 45

في الحفنة ب 47

واللة العظيم شيء عجيب

رد: هل يعقل ما يحدث !! ام استخفاف بالعقول !!

الله يعين ويغير الحال
حنا قطعنا المكعب وصرنا نعلف التمر الحويل وبرسيم

رد: هل يعقل ما يحدث !! ام استخفاف بالعقول !!

اليوم نبحث عن البديل تلتله وتقطيع ازرة خمس ايام ابحث عن علف ماحصلت

رد: هل يعقل ما يحدث !! ام استخفاف بالعقول !!

أطلبوا الله وكثروا من الاستغفار وبيرزقكم أكرم الأكرمين

رد: هل يعقل ما يحدث !! ام استخفاف بالعقول !!

الوافي ارتفع لانه ماعاد يقدر يغطي السوق

وش يبد عليه كلن يبيه وشاف الناس جايته وقال جيزي جيز اهل الشعير


لكن اشهد بالله ان الوافي علف لاغنى عنه مهوب الشعير اللي الناقه مغير تفلي بدمنها الله يكرمكم

تصبروا واستغفروا وسبحوا والله كريم

انشالله عقب نهاية موسم الحج بتجي اخبار تسر الجميع

رد: هل يعقل ما يحدث !! ام استخفاف بالعقول !!

تحيه خاصه لك اخي عبدالعزيز التميمي
واثني بالتحيه لجميع المتداخلين والمشاركين والزوار

نعم ..ان اللي يحصل امر يعقل لانها لعبت العرض والطلب

وهنا نكون نحن اكبر سبب رئيسي للاستخفاف بنا من الوافي وغير الوافي

ويتحكمون بالسوق على كيفهم

متى كان الوافي له قيمه في السوق من بعد ماكان بقيمة 15 ريال ولا يلتفتون عليه اهل الحلال

والله انه يخيس وتنتهي مدته محد شراه

قبل سنه تكلم مسئول مشهور في الصحف وقال على اهل الحلال بان يجدون بدائل عن الشعير

الوافي اوجد امحق البدائل ونشر البديل على قنوات الباديه ...وافي وحده كافي ههههههههههههههههههه

صاحوا الناس من قيمة الشعير انه غالي .......................وجاتك توصيه من هوامير السوق اشتروا الوافي ارخص من الشعير

والحين الوافي عزووه اهل الابل وارفعوا قيمته واصبح واقع فرض نفسه

طيعوني اتركوا الوافي وخلوه يخيس بالمستودعات حتى يعرفون وشلون يحترمون زبائنهم

الحل بسيط ابحث عن البديل ....!

الابل تسمن وتزين على ماتعدوت عليه من علف

كثروا لها الحشائش من برسيم ورودس وذره

واعطوها القام من عجين وتمر وغيره

ونصيحه اللي مايقدر على تعليف ذوده ويرهي عليها بالعلف لاياخذ اثمها ..يعرضها السوق ويحط الدراهم في جيبه

والابل تلقى من يشريها ويعزها

هذي وجهة نظري وعن تجربه

ذودي مرهي لها البسيم وارد طبرجل والرودس كذلك

والابل من فضل ربي لايوجد فيها امراض ولا يوجد فيها اي مشاكل صحيه

والله ان لي سنتين لم اعلف الابل شعير ولا وافي

مركز على الحشائش واهمها البرسيم

الان القضيه اللي حاصله هو شح الاعلاف وخرجت عن قضية غلاء الاسعار

اقول

الله يغنينا ويغنيكم عن الاعلاف والاسعار وغلاها

الله يرزقنا بسحب ركاميه رعديه ممطره يعم خيرها عام على اديار المسلمين تاخذ شهر ماانشوف شمسها مره حقوق ومره وداني

رد: هل يعقل ما يحدث !! ام استخفاف بالعقول !!

الاخ احمد كلامك سليم 100%

حنا السبب بارتفاع الاسعار

لكن انت احسبها معي وش ارخص

انت تقول تعلف برسيم وتبن ورودس غير اللي تقول عجين وتلقم وشغله وتعب

نفرض ابلك عددها 30 بس ماني مكثر كم بيكفيها شبعه

اقل شئ 10 برسيم يومياً والبرسيم بكم حق طبرجل 17ريال فالجنادريه

17*10=170
غير التبن بكم ماني حاسب الباقي

170 تكفي شفوش ارخص 170ريال يمي والا 3 اكياس شعير او وافي ب 150ريال

ومرتاح من لقم وجب ورد

تحياتي

رد: هل يعقل ما يحدث !! ام استخفاف بالعقول !!

الاخ احمد كلامك سليم 100%

حنا السبب بارتفاع الاسعار

لكن انت احسبها معي وش ارخص

انت تقول تعلف برسيم وتبن ورودس غير اللي تقول عجين وتلقم وشغله وتعب

نفرض ابلك عددها 30 بس ماني مكثر كم بيكفيها شبعه

اقل شئ 10 برسيم يومياً والبرسيم بكم حق طبرجل 17ريال فالجنادريه

17*10=170
غير التبن بكم ماني حاسب الباقي

170 تكفي شف وش ارخص 170ريال يمي والا 3 اكياس شعير او وافي ب 150ريال

ومرتاح من لقم وجب ورد

تحياتي

وكلامك كذلك سليم يامحمد 100 %

وجهة نظرك على العين والراس

ولكن انا اقول

الان القضيه اللي حاصله هو شح الاعلاف وخرجت عن قضية غلاء الاسعار

فان كان الخلاف نسبيا على عشرين ريال فالامر بسيط ومقدور عليه

كما انه بالامكان التخفيف على حسب موقع الابل بعضها في شبك ولا تطلع منه

وبعضها في حدبه وراس ضلع وبعضها في دبدبه

المقصد من مداخلتي ووجهة نظري هو ان نتعامل معهم بالمثل ولانكون تحت رحمتهم

يعني اعتمادي على الوافي والشعير بنسبه ضئيله يعني لو ارفعوا الاسعار او اقطعوا الوافي ..الابل مايتغير حالها

اما بالنسبه للقام فهذا تخص به بعض الابل مثل الفحل والناقه الضعيف وغيره وانا ذكرته لمجرد البحث عن بدائل

شاكر لك مداخلتك يامحمد واسعدني تواجدك

اخوك ابوخالد

رد: هل يعقل ما يحدث !! ام استخفاف بالعقول !!

بارك الله فيك يأبو خالد وفي جميع الأخوة المشاركين..

أسمح لي يأبو خالد أن أطرح السؤال التالي عليك وعلى الجميع،

مقدمة:

نحن جميعاً نعرف أنا مكعبات الوافي أو الغدير هي عبارة عن مجموعة عناصر غذائية بنسب معينة لكل عنصر ومن ضمنها الشعير.

السؤال:

هل ارتفاع سعر الوافي أو الغدير بنسبة تصل إلى 95% من سعره القديم يتناسب مع نسبة الشعير في المركب ؟.

مع خالص تحياتي للجميع

رد: هل يعقل ما يحدث !! ام استخفاف بالعقول !!

بارك الله فيك يأبو خالد وفي جميع الأخوة المشاركين..

أسمح لي يأبو خالد أن أطرح السؤال التالي عليك وعلى الجميع،

مقدمة:

نحن جميعاً نعرف أنا مكعبات الوافي أو الغدير هي عبارة عن مجموعة عناصر غذائية بنسب معينة لكل عنصر ومن ضمنها الشعير.

السؤال:

هل ارتفاع سعر الوافي أو الغدير بنسبة تصل إلى 95% من سعره القديم يتناسب مع نسبة الشعير في المركب ؟.

مع خالص تحياتي للجميع

يامرحبا بك يالغالي

وسؤالك بالصميم ويكفي من الجواب السؤال

وانا معك ومارميت اليه من خلال السؤال قلبا وقالبا

اخوك ابوخالد