الحمى (الدهناء) المحمية نبي علوم من وصلها

السلام عليكم ورحمه الله وبركاته

نبي اخبار الحمى ومن وصلها اشلون ارضها وانواع نبتها ,عسى الله يسقيها ويسقي البلاد
وهل الحمى محدود بفترة معينة ثم يحمونها وكم مدتها (انا في طريقي لهاا )

رد: الحمى (الدهناء) المحمية نبي علوم من وصلها

والله ياخوي ماجد الحمى ماجيتها لكن حسب كلام واحد من الربع يمدحها وهو اللحين شد بابله لها ويقول فيها العبل والنصي وانشاء الله انها بتخفف علينا من الطعام
لكــن يقول البدو حايلين اللحين يبون الحمى

رد: الحمى (الدهناء) المحمية نبي علوم من وصلها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مدام انهم حموهااا

كان انتظروا لين يرزقها الله بالامطار وتربع ثم يفكون الحمى


طريقتهم خطـا وبس

..

رد: الحمى (الدهناء) المحمية نبي علوم من وصلها

لاهنت يانوااف وماقصرت والله لايهينك الله يبارك فيك
اخوي عبدالعزيز البقمي لاهنت على المرور
وبالنسبة للحمى ماهم غلطانين , خل الناس تربع وتتيسر امورها ويخف عليها عناء العلف الغااالي
المطر يبجيبه الله في شرق ولا في غرب ولا في اي مكان ياهلابه , وعسى الله يطرح البركة
ونشووف الارض كلها مربعة بإذن الله

رد: الحمى (الدهناء) المحمية نبي علوم من وصلها

مريت على الدهناء يوم الجمعة الموافق 4/1/1432هـ

طبعاً طريقنا طريق شوية مروراً برماح وبعد ماتعدينا عرق الحمراني أخذنا يسار وبعد قطع 25 كم وجدنا الناس اللي كلهم على الثاني من كثرتهم مجتمعين في صياهد تشبع البل فيها قصام ((نصي)) لكن مانظتني تاخذ بهم وقت كثير لأن الناس واجد وموقع القصام محدود أما باقي المناطق تحصل فيها رمرام والعروق فيها صبط والخير واجد والعاذر كوم من فضل ربي

الخلاصة
شهر واحد اللي ماهو ثابت وبيتنقل من مكان لأخر ماهو محتاج حشايش

لكن المشكلة إنهم يقولون إن السماح شهر واحد ويطلعونهم لكن عسى مايكون صحيح

هذا ولكم أطيب الأمنيات

رد: الحمى (الدهناء) المحمية نبي علوم من وصلها

نتمنى انشاء الله انه يستمر ولايعودون يحمونه ثانيه

رد: الحمى (الدهناء) المحمية نبي علوم من وصلها

لاهنت يافهد على المروور ,, ويابندر نقوول امين عسى مايحمونها داايم

رد: الحمى (الدهناء) المحمية نبي علوم من وصلها

يالربع تراهم ماحموها الا كم شهر ولاجاها مطر وحسب كلام بعض الناس مافيها الا العاذر والناس واجد

رد: الحمى (الدهناء) المحمية نبي علوم من وصلها

لاهنت ياخالد ونفس كلامك جاني من رجال شرواك وانا عند الحلال الناس واجد والله يكثرهم واللي عنده رمث يجلس محله..

رد: الحمى (الدهناء) المحمية نبي علوم من وصلها

كلام أخوي ماجد صحيح

الله لايهينكم علي المعلومات الطيبه والله يغيثنا ونحا في رجاه ...؟