البرسيم في نجد 27 ريااال

بسم الله الرحمن الرحيم

ياخوان وش الي يحصل

اليوم كلمت افغاني متعامل معه يجيب برسيم

قلت له كم اللبنه الوحده شد متر قال 27 ريال

وشد 85 - 90 بسعر 25

حقيقه الوضع ما عاد ينطاق وفيه تلاااااااااااااااااعب كبييرررررررر

ارجو من الحكومه التدخل بأأأسرع وقت

رد: البرسيم في نجد 27 ريااال

صحيح هالكلام يامساعد ..

البرسيم غالي جدا جدا

واليوم الله يكرمكم التبن لحق البرسيم بالغلا البلكة بـ 16 ريال

والشكوى لله ..

والحكومة والله ماهي بيمنا ..

لنا الله ..

الله يغنينا بفضله عمن سواه

أكثروا من الأستغفار

رد: البرسيم في نجد 27 ريااال

اللهم لك المشتكا اللهم اغثنا اللهم اغثنا امين رب العالمين

رد: البرسيم في نجد 27 ريااال

هذي نتائج أم رقيبه والبيعات الي تجاوزت المليارات سببت اغراء لمثل هالعينات الي ما عليها رقيب ولا حسيب ...

إذا المسؤول ما عليه حسيب ورقيب شئ طبيعي يصير هالشئ ...

يا الربع الحين نعلف النص من علفنا وقت الرخا وعلى كلامكم هذا شكل الشعير بيطق60 ...

لكن حرام لنحرم انفسنا ونكد عليها بعون الله ...

ملاحظه الي أشوفه نايم ومهوب يم أحد مهوب الحكومه انا يااهل البل الي نايمين الي ماارسلنا خطابات او مجموعات يومين عند ولاة الامر الي لن يرضون بما يحدث وانا اولكم لكني معكم ... والأدهى والأمر من ذلك أهل البل الكبار الي ما شفنا منهم الا المهايط وفلان مخيمه كذا والثاني اكبر والثالث وهذا مدري ايش ولا وقفو معنا وقفه صادقه الا من رحم ربي لكن اذا واحد منهم في لقاء بعد ما سأله المذيع عن ارتفاع الاسعاروتاثيرها على ملاك البل الي ما يملكون غيرها ؟؟ يقول يطلبون الله ... !!!!!


وأنا أقول نعم بنطلب الي اكرم منك ومن غيرك ...


يا جماعه لحد يعتب علي هذول قهرووونا .

لا يجي احد يدافع عن المهايطيه والا يقول تبيهم يشترون للمسلمين ويعلفون حلالهم لاني ببساطه برد عليه بقول صوته اقرب للجهات العليا أسرع مني والا مثلي .

رد: البرسيم في نجد 27 ريااال

يأخوان الوضع مزري والتاجر الفاجر اكلنا تلاعب عيني عينك لانهم عارفين الشعب لم يغير ساكن ابك حتى الاجنبي طمع فينا فمالها الا ابومتعب الله يطول بعمره شكوى شكوى
ياجماعه لايمكن انه ينسكت على هذ الوضع الى متى ؟؟؟؟

رد: البرسيم في نجد 27 ريااال

من ناحية التلاعب فيه تلاعب

لكن لاحياة لمن تنادي

الله يرزقنا واياكم بالمطر

رد: البرسيم في نجد 27 ريااال

لسان حال التاجر يقول الملايين اللي تتطاير في ام رقيبة انا اولى بها فالازم ينتزعها بطريقة او باخرى يعني لا حد يتعجب اذا وصل التبن 30 ريال وسلامتكم

رد: البرسيم في نجد 27 ريااال

الله المستعان
الله يغيث البلاد والعباد

يالربع مافيه تاجر سعودي يشتغل بالبرسيم .. كلهم أجانب
السعودي يأجر الرشاشات والمزارع وهم يحصدون ويبيعون

من يتحكم بالأسعار هم الأجانب باكستانية وبنقاليه وهنود ومصريين
صار كل واحد منهم تاجر
الرشاش الواحد تقريبا بشهر يطلع من 3000 الى 4000 لبنة برسيم وعليك الحساب

ليش مايكون هناك تثبيت لسعر لبنة البرسيم من 10 الى 12 ريال ؟
تقريبا كل سنة في الربيع تنزل الأسعار الى 9-10 ريال للبنة وهم يبيعون وهم كسبانيين

الله المستعان

رد: البرسيم في نجد 27 ريااال

يوم الخميس اللي طاف مرينا من عند مرات والمكمكية وقفنا عند السوق العلف غرب الديرة نبي ذرة ولقينا نوعين واحد ب 13 والثاني ب 20 انا مادري هالفرق اللي بينهم وشووووله اخذنا ابو 13 واتكلنا على الله واظن الاوضاع في دهوور زااايد والله يغيثنا

[منذر الدوسري]

رد: البرسيم في نجد 27 ريااال

والله يا أخي العزيز ليس البرسيم او الشعير او الأعلاف هي التي غاليه ففط
فالإبل غاليه والغنم وكل المواد الإستهلاكية ارتفعت للنصف وأكثر

ليش ما قلت
ليش الناقة الخلفه قبل 5 سنوات تسوى 5 او 6 الاف والآن ما دون ال12 الف والأغنام كذالك
كان التيس ب250 والآن ب700

رد: البرسيم في نجد 27 ريااال

لاحول ولا قوة الا بالله

رد: البرسيم في نجد 27 ريااال

اللة المستعان