ابشركم الشعير بريال!!!!..

والله قريت هالكلام ومنشور في جريدة الحياة بتاريخ 3/1/2011 الاحد

والجنادريه فاااااااااااااضيه مافيه ولا كيس شعير العصر امس وهذا يدل على مصداقية الخبر

وانا جاني طرف علم مدري هو صدق والا كذب الله اعلم يقولون ان سبب انخفاض سعره

ان المينا والمستودعات متكدسه من سنه مليانه وخايفين يخرب (شبعوا ورحمونا شوي)

ويقولون انه بينزل بعد زود...........وانا والله ما عاد اصدق احد فالشعير زيه زي الاسهم يمكن تشري وتربح ويمكن تخسر

حظك نصيبك يانسبه فوق يانسبه تحت

و36ريال اذا طلع صدق والله غالي مير شئ اهون من شئ


((( ملاحظه))) :-

اللحين بسئلكم الشعير علا يقولن من مصادره صدقنا معليش لانه مستورد صدقنا غصب بس نهضمها شوي

مع بيبسي وسفن تنهضم

لكن البرسيم وش دخل امه فالقصه هذا القهر والا بعد يستوردونه من برى

يزرع هنا والكيماوي والمركبات مازادة اسعارها يرتفع ليش هذا اللي ماينترقع!!!!!!!!...

والا مع الخيل ياشقراء

شئً يترقع وشئ ماينترقع

الزبده انا غلااااااااااااااابا

الله يفرج لنا من عنده صايرين كوره هذا يرفع وهذا ينزل وهذا يشوت

واخر شئ بيض الله وجيههم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


سلام يالمملكه يا أرخص بلاد الشعير 00000 الناس تشكي غلاه وعندنا مارخصه

بريال سعره بلاش (سيم سيم)هو والعصير 00000 نمشي ونكبه كذا فلارض وننقصه

من كثر ماهو رخيص يحط فوق الحصير 00000 صرنا نتمنا يزود السعر ونشخصه

مليت رخص الشعير ابي يزود الشعير 00000 الى متى وهو رخيص ودولتي ترخصه؟

دمتم بود/ محمد بن عمير

رد: ابشركم الشعير بريال!!!!..

اتوقع بيواصل نزوله والمفروض ماحد يشتري بكميات كبيره

رد: ابشركم الشعير بريال!!!!..

لاهنت يا محمد الموضوع وما فيه اذا اهل الاعلاف اللي في جنبك زادو في السعر اكيد بتزيد ولا قلبك

اطيب من قلوبهم مستحيل والاعلاف يرفعها قلة من الناس لا بارك الله فيهم لانهم سارو سبب على البلاد

والعباد والله يجعل هالبلوى في رقابهم واموالهم يتزايدون وكأنهم يلعبون كرة قدم من هذا الى هذا

وشكرا

رد: ابشركم الشعير بريال!!!!..

ابو عميرررررررررر

مرحبا مليون

لاهنت على الخبر

وصح قلبك

والحمدلله 36 اهون من 52

رد: ابشركم الشعير بريال!!!!..

تم التحميل اليوم من السير (المعجل) ب36ريال