ياهل البل العلوم

السلا م عليكم ورحمه الله
ياهل البل العلوم جزاكم الله خير
معلوم ان الخير عام ولا كن هنا اماكن ماجاها وسم حتى .. عطونا علومكم ولا تبخلون في التفصيل
تقبلوا تحياتي

[align=center]والسلا م عليكم ورحمه الله وبركاته

مرحباً يا فيصل بن مرخان

بالنسبة لي بعطيكم علومي وهي كما يلي مريت الخميس والجمعة على رماح ثم منه على كنهرا وجوء النظيم ثم عديت يمة سحمة تمشيت في هذه المناطق وأمسيت في جنوب شرقي سحمة بحوالي 40 كيلو م تنشدون من العشب فالحمد لله الأرض طيبة وعلى أول فيه بعض الأماكن يقولون أن الحاشي يشبع وبعضها دون شوي والأرض التي تأخذ لها سبوع من النزل طيب نباتها بالحيل واللي يكثرون عربها تشر على نباتها وبالنسبة للبدوان فحدث ولاحرج من كثرتهم ولكن رزقنا ورزقهم على الله .

أما بالنسبة لعلوم الفقع فحصلت لي وحدة فقط وصغيرة

أما أغرب ما حصلت هو دحول بالصمان وهي أو مرة أشوفها على الطبيعة

وتقبلوا خالص تحياتي،،،،،،،،،،،،[/align]

تحيه وبعد...
الدهناء من السحمه الين حومه النقيان وا طرافها عشب في الصياهد والصمان والخبب والشقوق والمطر يلحق الثر من الوسمي والحمد لله على نعمه

أخوي فيصل العلوم اللي عندي انا رحت لي روضة التنهال والخريم ما شاء الله الربيع طيب والارض علية المطر الحمد لله

وفيه الخزامي كثير وانا رجع من الرياض الي القصيم في ربيع بسيط بس روضة التنهال تشبع البل الحمد لله وفيه نياق الامير

العبدالعزيز بن فهد واحد العتيبي بيض الله وجه والا بحايل ما عندي الربيع أبــــــــــــد

والسلام..