متا نشتري البرسم والتبن؟؟؟؟؟؟؟؟؟؟

السلام عليكم


يا اخوان اهل الخبر وتجار البرسيم والحلال

متا انسب وقت لشراء البرسيم والتبن


خصوصا للي يخزنه لحلاله في الشتاء






الله يرزقنا الحيا

رد: متا نشتري البرسم والتبن؟؟؟؟؟؟؟؟؟؟

الوقت الحالي مناسب

واذا كنت ناوي تشري كمية يمكن التوجه للمزارع مباشرة بدلاً من السوق

كما أنه بعد أيام تحصد الذرة وتوفرها يخفض اسعار البرسيم نسبياً

رد: متا نشتري البرسم والتبن؟؟؟؟؟؟؟؟؟؟

نعم انا مع اخوي مسعود الايام هذي نازل سعر البرسيم وفرصه الشراء

رد: متا نشتري البرسم والتبن؟؟؟؟؟؟؟؟؟؟

وين ناااااااااااااازل ..؟
البلكة بـ 22 ريااااااااال

عسى ربي يفرجها من عنده هو القادر وحده

رد: متا نشتري البرسم والتبن؟؟؟؟؟؟؟؟؟؟

وعليكم السلام

رأيي لا تشتري هالوقت الا على قد حاجتك

وأفضل وقت مناسب هو لين يشتد الحر تقريبا شهر 8 ميلادي (بداية رمضان )
تنزل اسعار البرسيم في المزارع من 10 الى 12 ريال تقريبا
والأفضل الشراء لمدة سنة تقريبا حتى بداية الصيف القادم (يعني برسيم يكفي حوالي 10 أشهر )

شراء 1000 لبنة برسيم ب حوالي 10000 ريال تقريبا أفضل من الشراء الشهري تقريبا توفر 50 %-80% من التكلفة

واحد من الربع حسب متوسط تكلفة كل مطية شهريا
في الصيف تقريبا كل مطية مكرمة تكلف من (200- 300 ريال) حسب أسعار الاعلاف بالصيف
في الشتاء والربيع تقريبا التكلفة تزيد من 50% الى 100% حسب أسعار الاعلاف بالشتاء

رد: متا نشتري البرسم والتبن؟؟؟؟؟؟؟؟؟؟

حنا الان عندنا البرسيم على 9 و10 ريال في منطقه الشملي غرب حائل

رد: متا نشتري البرسم والتبن؟؟؟؟؟؟؟؟؟؟

الان حنا في شهر خمسه عربي وانا انصحك لو بتخزن تشتري في شهر 7 او 8 عربي وان شاء الله بتكون الاسعار مناسبه

واشتر مباشره من المزرعه والله يوفقك والمسلمين

رد: متا نشتري البرسم والتبن؟؟؟؟؟؟؟؟؟؟

سعر البرسيم حالياً واصل ب 12.5

واختلف مع الاخوان اللي يقولون انه في شدة الحر يرخص السعر

لان البرسيم في شدة الحر والبرد يقل انتاجه ويرتفع سعره أما حاليا وقت وفرة البرسيم

فكل 25 يوم يحصد

رد: متا نشتري البرسم والتبن؟؟؟؟؟؟؟؟؟؟

هالوقت ماهوب وقت مشترى وتخزين

اذا شفت البرسيم في السوق متوفر ولاحد يشتريه

والمزارع امتلت مستودعاتهم

بتلاقيه رخيص اما الحين السحب قوي والتخزين ماخذى كفايته في المزارع فلازال غالي نسبياً

وجهة نظر

رد: متا نشتري البرسم والتبن؟؟؟؟؟؟؟؟؟؟

شهر رمضان هو الانسب لتخزين

رد: متا نشتري البرسم والتبن؟؟؟؟؟؟؟؟؟؟

وعليكم السلام ورحمة الله وبركاته


عبدالعزيز الفضلي

حاب اشكرك كثييييير الشكر على مواضيعك الي اكثر من ممتازه وانا من متابعين مواضيعك .


فعلا والله كل واحد منا محتاج يشتري الاعلاف اذا رخصت بس متى ؟؟؟!!!!


كثيره الردود ولكن ما طلعنا بنتيجه الي يقول لا تشتري والي يقول اشتر والي يقول اصبر شوي

والي يقول خله يلين يكثر العرض ويقل الطلب والي يقول اشتر من المزارع والي يقول ؟؟؟؟؟



شوفوا حل يا اصحاب البيع والشراء واحد ياصل السوق الي عنده في المنطقه ويسأل اهل السوق اهل الخبره والدرايه

اهل التجاره الي من سنين وهم في السوق يا ناس يا عالم

مره ثانيه اشكرك يا عبدالعزيز على طرحك للموضوع

رد: متا نشتري البرسم والتبن؟؟؟؟؟؟؟؟؟؟

السلام عليكم

اري بعض الاخوان يقول سعر البرسيم 15 / والاخر 12 والاخر 22

اتمني من الاخون توضيح
المنطقة التي ذكر فيها السعر
وهل هو سعره في ارضة او مضاف عليه اجرة النقل
ثانيا كم شد البرسيم
ثالثا هل اللبانة جندير ... ام كلاس

* انا كلمت واحد في حايل قبل يومين قال عندي شد 65 سم لبانة كلاس بخمسة ريال وماجز لي السعر اعرف شهدهم مو شي البالة من برسيم تبوك تعادل 4 من برسيمهم

اما سعر تبوك 17 ريال من ارضة

من وجهة نطري ان التخزين خلال 15 يوم القادمة افضل عندما تنزل الذرة للاسوق لانها تؤثر علي سعر البرسم بنزول خفيف
وللمعومية افضل انواع البرسيم شد هو من تبوك وميقوع حسب علمي

والله اعلم

رد: متا نشتري البرسم والتبن؟؟؟؟؟؟؟؟؟؟

في جو سمين غرب الجبيل يجي برسيم قريه على دينات 240 بلكه مشدود وعوده ناعم وكلها ورق ومن 90الى 95 سم وسعره واصل العزبه اذا انت في نفس المنطقه ب 13.5 ريال

والرودس على 125 ريال

والوافي 44 ريال

رد: متا نشتري البرسم والتبن؟؟؟؟؟؟؟؟؟؟

السلام عليكم ورحمة الله وبركاته
تعقيبا على ماذكروه الأخوان بخصوص أفضل وقت لشراء البرسيم من أجل التخزين هو في منتصف شهر 7 الهجري لهذا العام
حيث يكون الانتاج وافر في المزارع والطلب اقل مما كان وهذا الكلام من واقع خبره في السوق وكذلك يوجد لدينا توريد لسوق الابل بالجنادريه من طبرجل
ومن احب ان نوفر له برسيم بكميات وشد ممتاز عليه بالاتصال على الجوال الأتي : 0555447048
هذا وبالله التوفيق

رد: متا نشتري البرسم والتبن؟؟؟؟؟؟؟؟؟؟

افضل وقت للتخزين هو السعر

والبرسيم معروف اقل قيمه يوصلها وانا اتكلم عن برسيم طبرجل

اذا وصل فالجنادريه فالرياض البلكه بـ13ريال اشتر بالقيمه اللي تقدر

والتبن اذا وصل 10او 11 اشتر

وسلامتك