ابشروا بالشعير

خبر من مصدر موثوق

ان المتعهد الآن هو المهيدب بدلاً من الراجحي

وأمس (الجمعه) جاء تريلتين شعير في سوق (الجربوع) غرب الرياض وتم توزيعها

وبداية من الاسبوع هذا والشعير بيتوفر في الجمعيات إن شاء الله تعالى

هذه هي المعلومات الي وصلتني اليوم وحبيت انقلها لكم

وشكراً

رد: ابشروا بالشعير

الله كريم ورحيم. لاهنت على الخبر الطيب

رد: ابشروا بالشعير

الله يفك كرب المسلمين ويبدل الأحوال

رد: ابشروا بالشعير

خبر إن شاء الله إنه صحيح من مصدره اللي وصلك إياه,وعلى العموم ماكان يجب أن تصل الآمور إلى هذا الحد ولكن مانقول إلا حسبنا الله ونعم الوكيل..

رد: ابشروا بالشعير

الســـــــــــــــــــــــــــــعر عســــــــــــاه ارخص من اول؟؟؟؟؟؟؟؟؟؟؟؟؟؟؟؟

رد: ابشروا بالشعير

عساه يتوفر ................... لو اني اشك انه يتوفر في القريب

طحنا في تجار مجرمين .................. من الاسهم حولو لشعير

رد: ابشروا بالشعير

اخوانى الأعزا ممكن يتوفر الشعير لاكن انصحكم بشراء كميات لانها ما راح تنتهي يعني جاك الذيب جاك وليده

رد: ابشروا بالشعير

ارحب يبو عبدالله عساك بشير خير وتسعى به

المهيدب

اليس هو من القائمه التي اعلنوا عنها في الماضي بايقاف نشاطهم لمدة خمس سنوات لاتهامهم بتخزين وتجفيف السوق

سبحان الله كيف يسرّح الراعي الذيب بالغنم ويأمن عليها

رد: ابشروا بالشعير

انشهد انه صدق الي قال الشعير هو سيد الاعلاف

اجل من يوووم انقطع الشعير ما شفنا ولا علف


لاهنت على الخبر

رد: ابشروا بالشعير

عسى الله يرزق الجميع الحلم والصبر ويجعل العاقبة إلى خير
ويرحم الله هالبهايم وأصحابها من كل من لا يخاف الله
وعلى قرب هالشهر الفضيل ابتهلوا لله سبحانه بالدعاء فهذا بلاء
وما نزل بلاء إلا بذنب وما رفع إلا بتوبة .. والله كريم يكشف الغمة

رد: ابشروا بالشعير

من تسمم الابل قبل كم سنة الي انعدام الشعير ياقلب لاتحزن والمشكلة لايعلم منة المتسبب

رد: ابشروا بالشعير

حياك الله اخوي تركي انشاء الله انك بشيرخير لكن المهيدب ما ظنتي وراه خير الرجال هذا مادخل في مشرو ع الا تسبب على المسلمين دخل فى الحديد وارتفعت الاسعار دخل فالرز وارتفعت الاسعار والحين بيدخل فالشعير العالم الله بنحرج على الحلال اتمنى مايتم هذا الموضوع.

رد: ابشروا بالشعير

صبحكم الله بالخير جميعاً
توني جاي من العزيزية وشفت شي يكدر الخاطر ويئسى له
اقسم بالله ميات السيارات شباب وشياب بسراوات مالها اخر
شي يهول وبالاخير سراهم على امل انه فيه تريله بتجي ..
انكانها تريله او ثنتين مالهم الا يعطون كل موتر كيلو شعير بصره وعساهم يسدون هالعالم،،،،،

حسبنا الله ونعم الوكيل

وحبيت اذكرك اخوي تركي بالمثل اللي يقول
(( ما بالفار طااااهر ))

رد: ابشروا بالشعير

والله ان الراحجي والمهيدب مثل عساسه ؟؟؟

رد: ابشروا بالشعير

يالربع اللة يعين بس كل شي ارتفع مع قل الشعير حتى البرسيم كان 19 ,20 الان على 24,25

وقابل الزيادة اللة يعين اهل الحلال واللة انهم في عزرو واذا اشتكو قالوا البدوي يبيع بالملايين

ههههههههههههه يجيب اللة المطر اللي يخلي اهل الاعلاف في دبور قولوا امين

وانشاللة الخبر صحيح وينفذ في اقرب وقت .