هل الشعير وصل بـ25ريال؟

الســــــــــــــــــــــلام عليكم و الشهر مبارك..... جعلكم من صوامه و قيامه..... امين
يالربع هل الشعير يباع في المملكه بـ25 ريال!!!!! من يستطيع يثبت العلم.....يالله جعله صدق, حتى ترخص الحشائش.

رد: هل الشعير وصل بـ25ريال؟

بينزل الشعير بعد الدعم ويمكن يصل لآقل من 25 ريال ولكن توقع صعوده مرة أخرى لإن الملاحظ أن أكثر المستهلكين لايهمهم غلاء ورخص الشعير أهم شي تواجده !!

والشهر عليك مبارك.

رد: هل الشعير وصل بـ25ريال؟

عســـــــــــــــــــــــــــــــاه ينزل بالسعر 25, انا شخصياً لا اعلف حلالي شعير او مشتقاته, يهمني من توفره شيين, الاول:وفرة الشعير في السوق يرخص الحشائش. الثاني:نزوله الان صفعه على ارصدة التجار.

اتضح لنا ان الشعير و مشتقاته لا يوثق بها....المثل يقول (من كلاه الداب خجه الرشا)

رد: هل الشعير وصل بـ25ريال؟

قبل يومين في السوق 15 تريله شعير تقريبا ببريدة الكيس بـ 40 ريال دعم او بدون دعم هذ سعره مافيه مراقبه (((تلاعب))

رد: هل الشعير وصل بـ25ريال؟

سلمك الله يالغالي الشعير مهوب جاي بـ 25 لين تخلص الكميات

اللي مخزن في المخازن ويبيعون بـ 40 لين تخلص الكميه ثم ذيك

الساعه يشوفون يعطونكيه من الخمسه والعشرين ولا يكملونه على اربعين

وانشاء الله بيرزقنا الله بالربيع ونخلي شعيرهم يخور عندهم

رد: هل الشعير وصل بـ25ريال؟

يااخوان يذكرون بالأحساء انه ب٢٥ ريال واللي يذكره الاخ محمد العجمي
http://www.mzayan.com/vb/showthread.php?t=31473&page=8

رد: هل الشعير وصل بـ25ريال؟

ياليت الاخ محمد العجمي يكد الاخبر؟

ياخوفي ان الدعم الملكي مغير للتجار....و الخساره على الطرفين (الدوله و المواطن).الله يستر

رد: هل الشعير وصل بـ25ريال؟

الشعير على هذا الدعم رايح ينزل اقل من20 ريال ولكن يحتاج متابعه التجار من الجهات المعنيه