قاطعوهم افضل حل!!

السلام عليكم يالربع قاطعو الشعير والمكعبات والله مافيها فايده أبد وترى الوضع نفسية فقط!!
أنا ابكمل الحين3 سنوات ولاقد حلفت بالشعير وحلالي بالبرسيم والذره فوق الطيب والوبره فوق الطيبه
وكل من شاف الحلال تعجبة ويحسبون أني اعلف شعير وجربو الطريقه هم واستأنسوا بالحيل
وانتم جربو واحكمو وراح تشوفون الي يسركم
تكفون خلو التجار يندمون ؟ وشكرا يالقروم

رد: قاطعوهم افضل حل!!

هلا صالح تقطعت حلوقنا بقولت قاطعووو بس للأسف نشوف السراوات تزوود

رد: قاطعوهم افضل حل!!

من غلي الشعير ماعمرنا وقفنا عليه سرى

لان 5 ما تعلف الابل ربع علف
قاطعوه يا يتوفر يا ينقطع

رد: قاطعوهم افضل حل!!

الحمدالله مقاطعين الشعير من يوم مارتفع
والحلال بخير

رد: قاطعوهم افضل حل!!

مشكورين ع المرور العطر
الرودس تراه طيب وفيه الي يسرك اهو والحشايش بشبه عام !

رد: قاطعوهم افضل حل!!

ان شاء الله ثم ان قادها مسفر الوجه بالمقاطعه لاللشعير والمكعبات ليطيحون على ركبهم وحبون رجلينكم ويتسنعون مثلهم مثل غيرهم

رد: قاطعوهم افضل حل!!

الله المستعان

رد: قاطعوهم افضل حل!!

الصحيح اشتكوهم

لانه من غير المنطقي أخذ الاعانة والبيع بالسعر القديم وعدم التوفر ايضا

رد: قاطعوهم افضل حل!!

يالربع لاحد يطعم الذره ترها تطرح الحوار

رد: قاطعوهم افضل حل!!

مالكــــــــــــم غناه عن الشعير ابد وماتسمن الناقه على الحشايش ابد

مغر تحشو بطن وفيده مامن فايده امسكو سرء وامر الله من سعه

وحطو دراهم ذا الحشايش في شي ينفعها ويمسكها

وانا شخصين اعلف اباعري شعير حطيت لها في بداية الازمه برسيم اعوذ بالله

مغر عيناااء يم البرسيم ولا ودها تجنب عنه ولا تسرح سحر للبل ونفعه محقااا

رد: قاطعوهم افضل حل!!

يالربع لاحد يطعم الذره ترها تطرح الحوار

هذا بامر رب العالمين ماهو من الذرة وفيه غير الذرة حشايش واجد وافيد من الشعير

رد: قاطعوهم افضل حل!!

مالكــــــــــــم غناه عن الشعير ابد وماتسمن الناقه على الحشايش ابد

مغر تحشو بطن وفيده مامن فايده امسكو سرء وامر الله من سعه

وحطو دراهم ذا الحشايش في شي ينفعها ويمسكها

وانا شخصين اعلف اباعري شعير حطيت لها في بداية الازمه برسيم اعوذ بالله

مغر عيناااء يم البرسيم ولا ودها تجنب عنه ولا تسرح سحر للبل ونفعه محقااا

من قال ان الحشايش ماتسمن؟؟ لا اخالفك الراي وانا اخوك شف دمن الحلال وانت بكرامة الي تطعمه بشعير ! وشف حبات الشعير فيه!! هذا الدليل انه هو الي ينفخ بطن المطيه بس! شاكر ومقدر

رد: قاطعوهم افضل حل!!

يالربع من يقول ان الشعير ما هو علف تسمين هذا انا اخالفه الراي وبشده الشعير علف لا يعلى عليه ولكن من ينقذنا من لعبه التجار القذره لا منقذ الا الله ومكعب الغدير ممتاز ومكعب الشرقيه جيد ونظيف وعلفت بهم وكانت النتيجه ممتازه من ناحيه التسمين والجلاه والوبره واحذركم من مكعب الوافي ابو ريحه الله لا يوفق من غشنا به وضحك علينا واللي ما هو مقتنع بكلامي يشوف اعزكم الله دمن الحلال المعلف باابو ريحه الوافي ويحكم بنفسه

رد: قاطعوهم افضل حل!!

مكعب الصوامع رقم1 عندي ولاكن للضرورة ويفرق الحلال 180 درجه

رد: قاطعوهم افضل حل!!

يا اخوي صالح مكعب الصوامع مثل الكفيار نسمع به ولا نشوفه والله لا يحد اهل الحلال عليه ولا على المسئولين عنه