اقتراح لحماية اهل الحلال

الســـــــــــــــلام عليكم
يا اهل المنتدى عندي اقتراح الاوهوا,,,,,,مطالبة وزارة الزراعه بوضع مقاس و وزن للبنة الحشائش و لفة الرودس . و تشرف على ذليك هيئة المواصفات و المقاييس,,,,, بعض الناس يستكثر على اهل الحلال ان تقوم الاداراة المذكوره بهذا العمل, ولاكن اذا كان هناك بداية مطالبه فأنا متأكد ان من سار على الدربِ وصل. ودمتـــــــــــــــــــم

رد: اقتراح لحماية اهل الحلال

ياابو ذيب خلهم يوحدون الأسعار وعقبها يصير خير
الأجانب المزارعين اللي هم الأفغان والمصريين والهنود والبنغال جالسين يخزنون البرسيم لعرضه في فصل الشتاء بأضعاف الأضعاف
ولاحسيب ولارقيب

رد: اقتراح لحماية اهل الحلال

شكراً على المرور يا خوي محمد........ يوم تجي لسوق تجد جميع الاحجام من متر الى سبعين,,,ولاهي بمشدوده من يوم تمسك السيم تنفرط!!!!!و كل مقاس له قيمه.........من طبعنا نشتري الارخص!!!!!و الاجانب يزيدون في السعر..........ولاكن لو الادارات المعنيه بمراقبة السوق موظفة هالشباب العاطلين للمراقبه كان صدنا عصفورين بحجر.

رد: اقتراح لحماية اهل الحلال

مطالبنا في الاعلاف كثيرة ومنها
1-توحيد وزن ومقسات وشد لبن البرسيم والذرة والتبن وجعلها بوزن وشد واحد
2-توحد وزن ومقسات الرودس الكبيرة
السبب (لأن اختلاف الاسعار بسبب اختلاف المقسات وثبات المقسات قد يساعد على التحكم في توحيد الاسعار )
اما عن الشعير فالحل من وجهة نظري
1- ان تكون هناك نقاط بيع في كل مدينة ومنطقة وقرية وحتى الهجر
2-ان تكون هذة النقاط مستودعات وليست مجرد تيدرات غير ثابتة وقت الازمة يبع برى ويمنع بيع الشعير إلا في المستودعات
التي تملك سجل تجاري ولوحة ومقر ليسهل التحكم فيهم
3-ان يراعى في الدعم بعد المنطقة عن المينى سوى ميناء جدة او الدمام بأظافة اجرة التريلة لان فية مناطق تبعد عن الميناء اكثر من الفين كيلو متر فأجار التريلة ياخد الربح
فتكون النتيجة اما انقطاع الشعير او ارتفاع الاسعار

رد: اقتراح لحماية اهل الحلال

فكرة رائعه أخوي عبدالله

ولابد الآن من نقاش الفكرة والاتفاق على الصيغة النهائية

للرفع بها للوزارة سوء أخوا بها أو لا فنحن نقدم اللي علينا والتوفيق من الله

رد: اقتراح لحماية اهل الحلال

الرجال الي مفتح يعرف الزين من الشين ولاهو مشكلتنا ان بعض الناس ما يعرف يشتري
انت قلتها فيه مقاسات مختلفة وأسعار مختلفة وين المشكلة هنا
كل رجال والي يخارجة من سعر
تبي ب10 ريال موجود وتبي ب25 ريال موجود وكل واحد وشطارته

رد: اقتراح لحماية اهل الحلال

اخوي صديق الشطارة من عدمها ماهيب مجالنا

الاخوة يتكلمون عن ضبط الاسعار وهو الشاهد في الموضوع

وهذا حل اشوف انه ممتاز وياليت يفعل

رد: اقتراح لحماية اهل الحلال

اشكر جميع الاخوه المشاركين,الحقيقه ان المنتدى هذا هو الاجدر بان يتبنى هذا الاقتراح لوجود مشرفين و اعضا و اعين جداً,,,,,,,,,فمن المنتدى تنطلق مطالبنا(البدايه) و الحمدُ لله انَّ في دولة قانون و ليسى كما قال اخي صديق كلاً و شطارته ,

رد: اقتراح لحماية اهل الحلال

الله يجزاكم بالخير فعلاً هالمنتدى صوت ماهو سهل ولو بدينا الموضوع من هذا المنتدى بإذن الله سنجد أصداء قويه خصوصاً بأن الجميع بالمنتدى متفقين على كلمة واحدة هي المصلحة العامة 00 وأقدم شكري للأخ عبدالله وللجميع

رد: اقتراح لحماية اهل الحلال

والله مايجي من وزارة الزراعه منفعه مدام وزيرها فهد بن عبدالرحمن بالغنيم

مانفعت المواطيين في مشكله موت الابل

مانفعت المواطنيين في مشكله الشعير

مانفعت المواطنيين في مشكله تحديد سعر الشده للاعلاف

مانفعت المواطنيين في مشكله تحديد طول الشده

مانفعت المواطنيين في مشكله بذور البرسيم اذا ارتفع شده البرسيم ارتفع قيمة البذور

يالربع والله ان الطاسه ضايعه ولكم نطلب من الله العون والخراج

رد: اقتراح لحماية اهل الحلال

اقتراح رائع ووايدك في هاذا الاقتراح