سعر النخال حالياً ؟

بعد الدعم الملكي الاخير لـ 31 عنصر من مدخلات الاعلاف

هل لاحظتم نزول في سعر النخالة ومكعب الصوامع ؟

طبعاً أسألكم لأني اسمع بمنتجات الصوامع ولا أجدها ؟

ولكن حسابياً المفترض تكون بالمجان أو أخوه

لان البند السادس في الجدول الصادر من المالية قيمة دعم نخالة القمح ب 420 ريال للطن



نسبة الدعم ( التخفيض ) 210/20 كيس = 10 ريال بالتقريب ( ازين للحساب)

يعني النفترض ينزل سعر النخال 10 ريال

فإذا كان سعره حالياً 12 ريال فيكون ب 12- 10 = 2 ريال

والامر ينطبق على معكب الصوامع ولكن تحديد السعر يعتمد على معرفة مكوناته

ولكن الوافي زعم التخفيض ب 5 ريال للكيس فأقل تقدير مكعب الصوامع ينزل 5 ريال للكيس

فيا ليت الصوامع تعدنا بالتخفيض ولو مثل الوافي اللي حدد السعر ب 41 ويبيع في السوق ب 52 ريال

بس أهم شيء يعطونا حسابياً تخفيض وإحترام وعلى أرض الواقع يأخذون راحتهم وياكلون بيديهم ورجليهم

وهذي مجرد حساباتي الشخصية قد تصيب وقد تخطأ

وكل عام وأنتم بخير

رد: سعر النخال حالياً ؟

وعليكم السلام ورحمة الله وبركاته
بالنسبه لنخاله لااعلم كم سعرها
اما مكعب الصوامع 23 ريال وقبل الدعم كان 18 ريال

رد: سعر النخال حالياً ؟

الله يصبحك بالخير ابو محمد
للأسف ان القرارات مانفذ منها شي
للمعلوميه النخاله لها اكثر من ثلاث سنوات لم نراها في مدينة الرياض
وسعر مكعب الوافي لهذا اليوم 45 ريال ولا نشوف التخفيض اللي اقرو في ارسكو
الشعير متكدس اليوم والعمال يصوتون لزبائن تعالو اشترو!
ولاهنت اخوي مسعود على هالجدول التوضيحي ونسمع ارء الاعضاء لعل وعسى يزفون لنا اخبار طيبه

رد: سعر النخال حالياً ؟

بالنسبه للنخاله

في صوامع الرياض الشتاء ذا اللي راح ب/ 12 والكميه ماهي كبيره ويعطون على البروه 15 - 20 كيس

وفي الخرج تسعيرته / 10 متوفر وما عندهم غيره ويعطون على البروه 20 كيس

رد: سعر النخال حالياً ؟

وين طلال هو اللي يعرف لهم ويعرف خباياهمــ

رد: سعر النخال حالياً ؟

عيدكم مبارك

الدعم للتجار وعلى الأعلاف المستورده

اما النخال فهو منتج محلي في صوامع الدوله

النخال المدعوم بالجدول ليس للتسويق

فقط لاستخدام مصانع الاعلاف المركزه اراسكو وغيرها


واصلا الدعم جاء لانقاذ هذه المصانع


وتقليص الفارق الكبير بينها وبين الشعير


ولو استمر سعرهم ستبور بضاعتهم


ومن المستحيل ان يشتري احد المكعب ب50 والشعير متوفر ب 40


والشعير لجل الابل افضل


المكعب فقط للحيران والمفاريد

رد: سعر النخال حالياً ؟

وعليكم السلام ورحمة الله وبركاته
بالنسبه لنخاله لااعلم كم سعرها
اما مكعب الصوامع 23 ريال وقبل الدعم كان 18 ريال

وينه يابو فالـح بشرنااا عنه وألاّ حمل لنا منه وارسله يمنا ..

ومكعب الصوامع عندنا من 65حسبي الله ونعم الوكيل

والوافي بـ بعضهم يبيع من 50 وبعضهم من 55 ريـال .

واخذت عشرة اكياس نخال من احد مباسط الاعلاف من 55 ريـال ..

حسبنا الله ونعم الوكيـل

بدنا وبـاد رشانا

رد: سعر النخال حالياً ؟

الظاهر حنا فاهمين خطأ

الدعم يعني رفع السعر

فمثلا يقولون فلان دعمته سياره يعني طيرته

والان اللي نشوف الاعلاف كل يوم تطير حتى فيه مكعبات خضراء

الظاهر تكرمون أنها دمن مجمع من الحوشه سعره في السوق بـ 60 ريال

وفي الختام مبروك للتجار هذا الدعم وحظر أوفر لجميع المواطنين الذين لم يحالفهم الحظ

رد: سعر النخال حالياً ؟

جبت الغا يبه يا مسعود كلا مك صح

رد: سعر النخال حالياً ؟

النخال لو بريال انحاشوا عنه ويرزقكم الله

رد: سعر النخال حالياً ؟

لاحول ولا قوه إلا بالله

رد: سعر النخال حالياً ؟

مسلسل الاعلاف حلو 3000 حلقه ( مسلسل مكسيكي) بس طول قالوا من الشعير لانه العنصر الفعال والمؤثر ونزل الشعير وطارت الاعلاف الاخرى
ســــــــــــــــــــــــــــــــــــــــــلامــــ ـــــــــــــــــــــــــــــــــــات

رد: سعر النخال حالياً ؟

يالله بنوآ من مباكير الاوداق***نوآ على مثناة نجد يتحول

ياخذ ثلاث ايام والسيل دفاق***لين الصمود وكل وادآ يحول

والبل تزوم ظهورها جرد الاعناق***عقب الهزل تلقى شحمها متول

رد: سعر النخال حالياً ؟

وعليكم السلام ورحمة الله وبركاته
بالنسبه لنخاله لااعلم كم سعرها
اما مكعب الصوامع 23 ريال وقبل الدعم كان 18 ريال

مكعب الصوامع كان بــ16 ريال قبل سنتين

رد: سعر النخال حالياً ؟

[poem=font="anaween,5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله بنوآ من مباكير الاوداق = نوآ على مثناة نجد يتحول

ياخذ ثلاث ايام والسيل دفاق = لين الصمود وكل وادآ يحول

والبل تزوم ظهورها جرد الاعناق = عقب الهزل تلقى شحمها متول
[/poem]

[ALIGN=CENTER][TABLE1="width:95%;"][CELL="filter:;"][ALIGN=center]
الله الله

صح لسانك والله يسمع منك
[/ALIGN][/CELL][/TABLE1][/ALIGN]