احترنا رودس ولا ذرة....

السلام عليكم
احترنا والله في التعليف فالبرسيم صار ينفخ البل لين تصير مثل البالون
والرودس يقولون ماهو بعلف والذرة خطيرة على البل وتسبب حالات
تسمم والتبن صار يجي كله رمل وحصى ,وش السالفة ياجماعة؟

رد: احترنا رودس ولا ذرة....

السلام عليكم

احترنا والله في التعليف فالبرسيم صار ينفخ البل لين تصير مثل البالون
والرودس يقولون ماهو بعلف والذرة خطيرة على البل وتسبب حالات

تسمم والتبن صار يجي كله رمل وحصى ,وش السالفة ياجماعة؟

كيف حالك يامحمد
عملية التوازن مطلوبه والبرسيم ممتاز
والذره طيبه ولافيها خلاف ومن قال انها تسبب تسمم؟
والتبن اللي يوصل بالاسواق من نظرته تعرف هو طيب ولا لا
والرودس طيب
اختصار الموضوع يامحمد سوى خلط بالاعلاف المذكوره
ولو علمتني عدد ابلك علمتك وش تعطيها علف

رد: احترنا رودس ولا ذرة....

الله يحزاك خير يامحمد جيت على الجرح
قبل شهر ماتت ناقه عندي قالو من الذره
بلشنا من جد ماعاد ندري وش نعلف
ودنا بس راي اهل الخبره

وش افضل شي للبل خاصه للي دخله متوسط

رد: احترنا رودس ولا ذرة....

من واقع التجربه

كل 12 من الابل بلكتين برسيم تبوك في الصباح

والمغرب كيس شعير وكل خمسه ايام تبدله مره واحده بكيس مكعب الوافي

رد: احترنا رودس ولا ذرة....

الاخ محمد التميمي طاب حالك ,واللي حذرني من الذرة البيطري بالنسبة لعدد البل
عندي 12راس بعير و3لقاح و3 عشاير وحايل و4بكار مفاريد.

رد: احترنا رودس ولا ذرة....

الاخ محمد السلماني وانت كذالك وعسى كلامي دايما مفيد ومثل ماقلت على الجرح
ومع هذا الغلى ماعاد فيه دخل متوسط وانا اخوك.

رد: احترنا رودس ولا ذرة....

الاخ فهد انا عندي البل فيها الكبير وفيها الصغير واللقحة والعشرا
وهذا الوضع يحتاج تنويع في التعليف وشكرا لاهتمامك.

رد: احترنا رودس ولا ذرة....

مساء الخير يامحمد علف مكعب وافي وانسي الهم مره

وخلها تاكل من الحمض رمث او عرفج اورطا او هرم
اللي على ذا الوضع تسع شهور والحمد لله البل زاينه وحالها فوق الطيب
ولكـ فائق احترامي

رد: احترنا رودس ولا ذرة....

مرحبا ياابونايف
انا اعلف ابلي مكعب وافي من سنين ولكن لان ماعندها حمض
فلا بد من علف مع المكعب,علفت التبن والمكعب لفترة طويلة
ولكن التبن صار يجي معه حصى ورمل.

رد: احترنا رودس ولا ذرة....

التنويع بالعلف زين قال وش جابرك على المر قال اللي امر منه الله يجيب الخير والحيا ويرزق المسلمين

رد: احترنا رودس ولا ذرة....

انت سألت بيطري واحد عن الذرة انا اول مرة اسمع انها تجيب تسمم