ثورة صغيره والله يستر من الكبيره

رد: ثورة صغيره والله يستر من الكبيره

مع احترامي وتقديري للجميع وتعاطفي مع الباديه اينما كانوا
لكن الحق يقال
لا يجوز لاحد ان يظلم من ظلمه يوما ما
والتعدي على املاك الغير لايجوز شرعا
وفي المقابل الشركات يجب عليها تقديم ماتستطيع لخدمة المواطن في اماكن استثماراتها
لو كانت الامور هكذا لاصبحت لحلّت الفوضىى وكل اهل ديره يعتدون على الشركات اللي تعمل عندهم وبالتالي تتوقف التنميه
لا اعتقد ان احد يتمنى ذلك

ارحب يبو حاتم رغم عدم ايماني كما قلت في بداية الموضوع بالتطرف والهمجيه ولكن

اذا كان طايح الارض بعد الحصاد ودخول البدو للرعي منه قبل حرقه

وما دفعهم ارتفاع اسعار الاعلاف سيوقف التنميه فجعلها ما تنمى ذا الشركات ولا تقوم ولا تعمل

وش قدمت للمواطن ؟

وش ساهمت في دعم البلد ؟

وش قدمت لتوظيف العاطلين من ابنائنا ؟

وش رصيدهم يبو حاتم صفر حتى الدور الثاني لم ينجح احد

فلا تلوم الناس جوعانه وذبحها الفقر

سألت البدو اهناك يقولون بعضهم ماعاد علف ابد وبعضهم يعلف نخاله

رد: ثورة صغيره والله يستر من الكبيره

يرفع

التاجر له حصانة

لكن إلى متى..؟


......


أعلاف مرتفهة وحلال يبي يعيش
وناس عايشين على الحلال



.....

رد: ثورة صغيره والله يستر من الكبيره

كل الحوادث مبدأها من النظر ومعظم النار من مستصغر الشرر

ثورة صغيره هناك وان لم تعالج من الدوله والنظر بمدى خطورة الوضع فسوف تكون نار من الصعب اخمادها

الواجب ان المحميات الخاصه وخصوصا محميات شيوخ الاقطاعيات من شيوخ القبايل اللي كل واحد منهم مد شبك كاانه يبي يخلد في الدنيا

جعل من اخذ منهم شبر من الارض من غير وجه حق

جعل ربي يطوقهم بنار جهنم ويحرمهم رائحة الجنه ....مثل مااحرموا اهل الحلال من ارزاق الله حسد وعدوانا

اولا : هم يبدؤون بفتح محمياتهم احتساب وخوف من الله سبحانه ثم رحمة بااهل الباديه ومواشيهم ...

والله لا ادري متى يشبعون من تشبيك الاراضي والمراعي وبدون حسيب ولا رقيب

يقول الرسول عليه الصلاة والسلام لايملئ فم ابن ادم الا التراب ......او كما قال عليه الصلاة والسلام

الله المستعان عشنا وشفنا ناس حتى من التراب لم يشبعوا

هذا يسكتون عنه لان ولد عمه وزير ...والثاني يسكتون عنه علشانه شيخ قبيلة

والموت المواطن الحرامي اللي يشتري ارض مسافتها طول 40 كيلوا وعرض 40 كيلوا ...
من شيخ القبيله في لحظه غفله من الحكومه ثم يصدر صك شرعي

شلون وكيف لا تدري

واللي ضاع البدوي اللي كل يوم يشوف وجه الارض اتغير ويتم حصاره على مر السنين ...

حتى يجد نفسه محاصر و مسجون في شبك من جميع الجهات ويجد اعدود الماء مشبكه ومشتاء ذوده مشبك ومقيضه مشبك
والربيع يشد له مرورا بحقل الغام من الشبوك مثل بيت العنكبوت ..لين يزهد البدوي من البداوه كلها

حسبنا الله ونعم الوكيل

يالله ياربي ياكريم ياجزل العطايا فوضنا امرنا اليك

يالله ياربي ياكريم ياجزل العطايا ..
أسالك سحابه اترادم مزونها يسبق مطرها كل رعاد وجعل سيلها يشيل اشبوك المحميات ويسقى اديار محيله بمزون مزابير
يالله ياربي ياكريم ياجزل العطا نسألك توبه مابعدها معصيه ونسالك العفو والعافيه وحسن الختام

رد: ثورة صغيره والله يستر من الكبيره

لاحول ولا قوة الا بالله
.. لكن ..
بيرزقهم الله بالصيف في ديآرهم
والله كريم
..
لاهنت يالفالح ع النقل

رد: ثورة صغيره والله يستر من الكبيره

ولا انتم مخلين رحمة الله تنزل
اخوي محمد استغفر من هالكلام

رد: ثورة صغيره والله يستر من الكبيره

يالربع تدرون من فوائد الزكاة ان الفقير لما يعرف ان الغني سوف يعطيه زكاه من ماله فانه يتمنى له الخير لانه سيشاركه في هذا الخير وكذلك اهل البل لما يعرفوا ان اهل المزارع سوف يسمحون لهم بالرعي في هذه المزرعه فانهم سوف يدعون لهم بالخير الوفير وهذه اسمى مافي الحياة عندما يعطي الغني الفقير ويحرص الفقير على حلال الغني