تصدق والا ماتصدق (قوقل محشش)

السلام عليكم ورحمة الله وبركاته



ياجماعه ونا اتصفح العم قوقل لقيت المعلومات التاليه

سعر طن الشعير عالميا = 1200 ريال
الدوله تدعم الطن = 400 ريال

يعني تجارنا يصلهم سعر الطن = 800 ريال

الكيس يزن =50 كيلو
الطن فيه =20 كيس

يعني سعر الكيس يطلع على التاجر 40 ريال اذا ماحسبنا تكاليف التعبئه والنقل للأسواق

في سوق الاعلاف في جده سعر الكيس = 37,5 ريال

يا اما انا ضاربه فيوزي والا مافيه شك ان العم قوقل المره هذي محشش ولافيها كلام

اما سابع المستحيلات ان تجارنا يبيعون بخساره


سلااااااااااام

رد: تصدق والا ماتصدق (قوقل محشش)

تصدق الفهم فالرضيات صعب جدآ والتجار الكرام لا زم يكسبون

اما يبيعون بخساره هذي ماتخش العقل صرآآآآآآحه.

رد: تصدق والا ماتصدق (قوقل محشش)

الاخ فهد سعر الشعير بتاريخ 6/6/2012 يعني بالامس عالميا 237 دولار للطن
يعني ما يعادل 888.75 ريال للطن والحكومة تدعم الاعلاف بنسبة 50% معنى ذلك يكون سعر الطن على التاجر المستورد 444.375ريال بعد الدعم
الطن فيه 20 كيس 444.375 ريال / 20 كيس = 22.21 ريال للكيس وهذا هو سعر كيس الشعير على التاجرالمستور 22.21 ريال ؟؟؟؟؟؟؟
وذلك بدون سعر الشحن وسعر التعبئة اللي لا يمكن ان تتعدى الخمسة ريالات على الكيس الواحد هذي حسبة بسيطة
وهذا بحث طيب منك يا اخ فهد اقل شيء نحسس المستوردين ان اصحاب الحلال اصبحوا يعرفون و يتساءلون عن السعر العالمي للشعير لان صاحب الحلال مل من العذر المعروف دائما عند وزارة الزراعة (نحن نستورد نصف الانتاج العالمي من الشعير) والتاجر يقول( اسعار الشعير ارتفعت عالميا) مستغلين بذلك عدم معرفة راعي الحلال البسيط بالاسعار العالمية للشعير

رد: تصدق والا ماتصدق (قوقل محشش)

المفروض ان يكون هناك متحدث رسمي باسم وزارة التجارة يبين فيه الاسعار العالميه وكمية الدعم ويعطينا حسبه وخلاصة لكل ها الكلام ويقول السعر على المستهلك بكذا - لكن (لقد ابكيت لو اسمعت حيا --ولكن لاحياة لمن تنااااااااااااادي) وبصراحه حنا شعب اجواااااد ما نحرك ساكن - وطني لقيتني - ولو يخرج من ها المنتدى ناس يتكلمون بشان الشعير ويقومون بالتنسيق من اجل الخول الى الملك يبي يجي علم يبهج

تحيااااااااااااااااااااااااااااااااااااااااتي

رد: تصدق والا ماتصدق (قوقل محشش)

لاهنت على الطرح واثراء الموضوع

رد: تصدق والا ماتصدق (قوقل محشش)

حنا والله المحششين ان كان صدقنا ان التجار يخسرون

(التاجر يدرس الموضوع عشر مرات) واحلق شنبي ان كان فايدة التاجير في الكيس تقل عن 10 ريال

وسلامتكم .. والله انا حششنا من التجار .
((((((((عاد فسروها 1- حششنا --بفتح جميع الحروف.
.....................2-حششنا --بضم الحاء وتسكين الشينين وفتح النون والالف.)))))))))

ســـــــــــــــــــــــــــــــــــــلااااااااااا اااااااااااااااااااااااااااااااااااااااااااااااااا ااااام عليكم