الشعير المجروش

السلام
استشارتكم الله يوفقكم
واحد من الشباب يمدح لي الشعير المجروش للبل كلها لقحاتها وخلفاتها وفحولها ويقول انه يرفع السنام ويزيد شحم البل ويزين شعرتها
رأيكم الله يوفقكم
العدد 27 راس كم يكفيها لاهنتوا

رد: الشعير المجروش

المجروش طيب واطيب من شعير الحب

وابلك يكفيها كيسين مجروش مخلوط معه كيس مكعب اذا تبغا الشحم والحال الزين

رد: الشعير المجروش

من واقع تجربة المجروش عطيته البل ثلاث شهور وماش
البل ماحرصت عليه وترفع راسها منه بسرعه
راغبته حب اكثر
كانك تبي شوري وتبي طعام يسحر البل
اخمر الشعير في الماء من الصبح الى العصر وفك البل عليه
يجي للبل هبال عالحوض

رد: الشعير المجروش

من واقع تجربة المجروش عطيته البل ثلاث شهور وماش
البل ماحرصت عليه وترفع راسها منه بسرعه
راغبته حب اكثر
كانك تبي شوري وتبي طعام يسحر البل
اخمر الشعير في الماء من الصبح الى العصر وفك البل عليه
يجي للبل هبال عالحوض

100% 100%

مع الإنتباه من الماء المنقوع يجب التخلص منه قبل تشربه الأبل

رد: الشعير المجروش

كلها طيبه لا المجروش ولا المنقوع
بس يبيلها واحداً متفرغ للموضوع
انا اطعم شعير حب
والمكعب هلاك في وجهت نظري
تقبل مشاركتي

رد: الشعير المجروش

المجروش احسن ان الحب تلقا نصه بدمن البل الله يكرمك

رد: الشعير المجروش

[Q=مرضي عيد;2]المجروش احسن ان الحب تلقا نصه بدمن البل الله يكرمك

نعم كلامك صحيح وهوالواقع

رد: الشعير المجروش

لكل واحد وجهة نظر - وكل يتكلم من واقع تجربه عايشها وملاحظات يشوفها ويتابعها انا شخصيا اعلف مكعب وافي

والله يا اخوان ما شفت منه الا الشحم والحليب والركاده فالبل - - وصدقوني انا استغرب من اللي يسبه ما ادري وش ملا حظاته

والمجروش يا اخي اسمع ناس يمدحونه بس ان يسبب بشمه -ونصيحه اول ما تعطي ذودك عطه بكميات بسيطه ثم تدرج في الزياده

وفقك الله

رد: الشعير المجروش

لكل واحد وجهة نظر - وكل يتكلم من واقع تجربه عايشها وملاحظات يشوفها ويتابعها انا شخصيا اعلف مكعب وافي

والله يا اخوان ما شفت منه الا الشحم والحليب والركاده فالبل - - وصدقوني انا استغرب من اللي يسبه ما ادري وش ملا حظاته

والمجروش يا اخي اسمع ناس يمدحونه بس ان يسبب بشمه -ونصيحه اول ما تعطي ذودك عطه بكميات بسيطه ثم تدرج في الزياده

وفقك الله
اوافق اخوي على كلامه ؟؟؟

رد: الشعير المجروش

نعم المجروش اقوى مفعول من الحب والمنقع في الماء اقوى من المجروش حيث يستفيد الحيوان منه بشكل طبيعي وبعد الغسل يتم التخلص من الشوائب والمكروبات والاوساخ المجوده في الشعير ويصبح نقي وصحي وهو افضل علاف للحيوانات ويقيها باذن الله من كثير من الامراض والاوجاع الناتجه عن الاوساخ الموجوده في الشعير وبعده غسله يتخلص ايضاا من الغبار الموجود بكميات كبيره داخل الكيس هو السبب الرئيسي للكثير من الامراض وخاصة صغار الابل حيث يتم ابتلاعه مع العلاف ممايسبب نزله معاويه لدى الحيوانات فاكثير من البيطريين ينصح بغسل الشعير وهو الافضل والاصح والاجدر
ودمتـــــــــــــــــــــــــم

رد: الشعير المجروش

عطها كيسين شعير مجروش مع اربع لبنات تبن في وجه العدو صدقني علف ممتاز

رد: الشعير المجروش

المجروش بشمته خطيره جداجدا اقول الكلام هذا من واقع تجربه فقد نفق عندي فحل البل بسببه لازم اذا بغيت تعلفه تكون حذر منه

رد: الشعير المجروش

مرحبا بالجميع عدد ابلنا 25 مجاهيم نعطيها 2 كيس مجروش مغرب وكيس مكعب وافي الصباح فقط الاعلاف ما نعطيها نهائيا من سنتين والبل سمان وبخيروانفك من تخزين الاعلاف وشيلها بس هناك نقطه مهمه لازم ترش الشعير المجروش بمويه تبلله لان البل تغصبه وغصته قشراء بس رشه يشوي ماء

رد: الشعير المجروش

لا هنتوا

رد: الشعير المجروش

مشكور اخوي
المجروش اذازودته شوي يتخم