للأهميه

السلام عليكم ورحمة الله وبركاته
أخواني بالنسبه للأزمه التي ظهرت علينا وهي ارتفاع اسعار الشعير
ويجب علينا ان نقاطعهم
ولو نلاحظ اننا لو قاطعناهم نسبب للشركات وللتجار خسائر غير متوقعه
وشكرا لكم

حياك الله يالعتيبي
ولاكن الزمان حدنا عليهم
وفي تطورات حلوه الاسعار بتنازل بالوقت الحالي
السعر قبل اسبوع كان 51 ريال ووصل سعره يوم الخميس 46 ريال وامس يقولون وصل 38 ريال

والله يعيني

والله يرزقنا بالمطر وينبت الارض ونفتك منهم ومن علفهم

الســــــــــــلام عليكم ورحمة الله وبركاته

تحيه طيبه للجميع

اخوي علي
المقاطعة تحتاج بدائل وللاسف البديل محدودة جدا لدينا ولا تتوفر بشكل مستمر ولكن الا ترى انت وجميع الاخوة ان هناك امر غير طبيعي تاتي تسعيرة من الدولة وبعدهلا بأيام ترتفع الاسعار وبشك جنوني و تفتح السوق السوداء للشعير باسعار بعيدة كل البعد عن تسعيرة التاجر فعلى قدر ماتدفع تحمل وانت ما كملت بيالة الشاي ولكن في حالة طلب التحميل بالتسعيره(28) يقال لك قد يطولك السراء بعد اسبوعان فاكثر
فالسؤال اين الدولة اين وزراة التجارة ام نحن اصحاب الحلال بدو لسنا من اهل البلد على قولة الحضر

وتقبل تحياتي

والله انها صعبه شوي لان ماله بديل ولا له مثيل والشعير طعام للبل ممتاز
لكن التجار لعبوا فينا ومانقول الا الله يعين
شكرا لكم

المقاطعه صعبه جدآ وقد تكون شبه مستحيله 0

كـلآمـك في محلـه يالعتيبي ..

ولآكـن مثل ما تكرمو الاخـوة يبي لنـا بديـل يصبرنـا عنـه ..

الحين هم يدسوونه علشـان يكثر الطلب عليه ويزيد ويرفعوون سعرهـ وينجبر الشآري انه يشتري لو وش كآن سعرهـ

واحد من الربع شرى تريلتين شعير بـ 55 الف 1200كيس شعيـر ..

وبالليل بعد علشـان محد ينتبـه ..

وان شـاء الله انهـا تنزل اسعـارهـ وتستقرر ..

لأن النخآله الحين محد شـاريهـا طابت نفووس النـاس .. منهـأ ..

ولقو لهم عذر برفع السعر ..

آسف على الاطآلـه ..

لك تحيـاتـي ,’,

وعليكم السلام ورحمة الله وبركاته

ارحب يابو عبد الرحمن

اكثروا من الدعاء والاستغفار والصدقه فاانهاء تطفي غضب الرب .ودعوا الله بالوسم المبكر الي يغيناء عن الاعلاف كلهاء . لين التاجر مايلقاء من يسعرهاء .

يقولون الشعير من الخارج من منتجه غالي والمنتوج الداخلي مهو شي مايغطي شي
والمعلومه ان السعوديه بس تستهلك 60%من الانتاج العالمي للشعير

ومثل ماقالو الاخوان اكثرو من الاستغفار واطلبو اللله الغيث والبركه,والله يفكنا من الشعير والحاجه له


عموما مابه شين ماغلى هي وقفت على الشعير

أسأل الله السلامه

الله يكون في عونا ان شاءالله

بس أحب اقول لكم ما فيه غير حل واحد فقط

بس لو يصملونأهل الحلال ويسونها كان ذالك الوقت بيصير فيه لفت نظر لشعير ومشاكله


والحل عندي وأنا ابو هندي


وشرايكم براس البندق او بعمود الخيمه تاخذ شعير حلالك بالقوه

أنا عارف بتقول حرام مايصير بس وش نسوي عند الظروره تحل المحرمات ولا نترك الحلال يموت

والله أنطالت المسئله كذا أن يصير ناهب ومنهوب وذكروا كلامي يا جماعه

ودمتم بود

يالله المستعان

أخوي علي كلامك صحيح
وفي محله لكن الابل ماراح تموت بالعكس الشحم هو اللي لعب في الابل صح انه اللي زينها بعد فضل الله

لكن بعض المطايا ماتلقح من الشحم وخاصة العجوم والا المطايا الكبار عادي
ولكن مافيه بديل مثل ماتفظلوا الا خوان ولكن الله يعين يقول الوالد

من الاول البل بعافيه ولبنها حلو وسود ولكن عقب الطعام

صح انها سمنت لكن ماهي مثل عافيتها الاوله

حمد بن سنيد المري

السلام عليكم ورحمة الله وبركاته

رفع الشعير ورفع النخاله ومشتقات الاعلاف كلها هي حركه مقصورده للتاديب؟؟ وهذا الي صاير مثل المواد الغذائيه وشكل الوضع هذه البلد ماهو مطول كثير ( دول الخليج ) وهذا كله من الذنوب والناس ماهي تتصدق ولا تزكي والحرام كثير وكل واحد يقول ناقتي سيمت كذا وهو يكذب والغش على اخوك المسلم واسعار المواد الغذائيه كذلك .

يا اخوان البعد عن الله والذنوب كلها اسبا ب رفع اعلاف الحلال ورفع اسعار مواد الغذائيه ولا بد الرجوع الى الله والتوبه .



اللهم اغفر لنا وارحمنى وتوب علينا اجمعياً واهدينا اجمعياً يارب العالمين