مافوائد التبن؟؟

رد: مافوائد التبن؟؟

يصلح مع الاعلاف الخضراء

يعني

عشان مايصير اسهال لها التبن عزكم الله تعالى

يساعد في توازن العلف

رد: مافوائد التبن؟؟

وعليكم السلام ورحمه الله وبركاته

مامنه فايده بس يشبع

رد: مافوائد التبن؟؟

عز الله انه عديم الفائده والبل تشين عليه وشعرتها تغير
ويخي الدود ببطونها

رد: مافوائد التبن؟؟

ابو سالم
مرحبا ومسهلا
وكل اراء الاخوان على الراس والعين
انا اتكلم من واقع تجربه حاليه
لنا 3 اشهر وحنا ما نعطي الابل الا (تبن+شعير) وبطونها زينه والشعره صافيه وقبلها (رودس وشعير) ..
وعندي خلفتين اعطيها (برسيم) ماله خلط ...
طبعا كلها مدوجه تسرح الساعه 7 وتعود الساعه 5 ولا عندها اي خلاف .
وختاماً التبن في وجه العدو مع الشعير يزود البل ما ينقصها ...
وتقبلوا تعليقي ...

رد: مافوائد التبن؟؟

خلك مع البرسيم و بس
التبن يخلي الأبل المتالي تصعد
و البرسيم فوائدة كثيرة و منها :-
1- اللون للناقة المجهم
2- الحليب
3- الشحم - السمن
و غيرها الكثير

و أتمنا أني أفتك

و شـــكـــرًا

رد: مافوائد التبن؟؟

الاخ محمد العنزي

السلام عليكم ورحمة الله وبركاته

انت تقول ان الحلال عندك يزين على التبن !!

ممكن توضح لنا وش محددات الزين اللي انت شفتها بالحلال ؟؟
هل هو شحم والا بدنه وبطن ؟
وبعدين وش الاعلاف الاخرى اللي تعطيها مع التبن؟؟


كثير من الاخوان يعطي مع التبن اما شعير او مكعب او نخال ويرى ان البل تسمن والصحيح
نعم انها تسمن ولكن لو ترك التبن واعطاها نفس هذه الاعلاف لكان التسمين مضاعف
ولازلت اقول بان التبن عديم الفائده وما هو الا ماده مالئه وليس من واقع تجارب فرديه فقط وانما من واقع علم درسناه وتحاليل اجريت عليه في الكثير من المختبرات وانصح بعدم استخدامه كعليقه كامله وانما يؤخذ كماده مالئه فقط للمجترات

وتقبلوا تحياتي

مرحبا يبو عبدالعزيز


انا برد عن العنزي


انا اقول ان التبن مع الشعير رقم 1

100% في ذمتي انا ورد العلم عني

واللي مهوب مصدق يجي يشوف الابل ويحكم

وشئ اكيد انك لو تعطي برسيم وشعير افضل واحسن

وبعد لو تعطيها برسيم تنقعه دايم افضل بـــــــ100000000000000000 مره

وكلن بحلال له دبره

واللي عنده ابل على وشك ولاد التبن افضل وابرك من غيره

عشان مايبلش كل شوئ حوار ذارق الله يكرمكم


الزبده

علف تبن فقط خله ناقع وشعير كل 10 من الابل كيس

وشف كلامي صح والا غلط

رد: مافوائد التبن؟؟

مساء الخير للجميع

طبعاً كلن يتكلم عن واقع تجربه

بنسبه لي انا اعطي البل تبن وتمر ومالها الا في زود مااشوفها نقصت

رد: مافوائد التبن؟؟

يصلح مع الاعلاف الخضراء

يعني
عشان مايصير اسهال لها التبن عزكم الله تعالى

يساعد في توازن العلف

أتفق معك أخوي فلاح

وكذلك أرى أن التبن ضروري مع الأعلاف الغير معروفة المصدر
مثل البرسيم اللي فيه زيادة لمادة اليوريا أو الحبوب اللي تكون سيئة التخزين

مع أن التبن لاتوجد له قيمة غذائية تذكر .. ولكن مع هذا فهو ضروري لأنه :

يساعد في عملية الهضم ويمنع بشكل كبير من الإضطرابات الهضمية ( البشمة )
وبالنسبة لتجربتي معه فهي خلطة دائما مع البرسيم

مشاركة بالرأي والتجربة لا أكثر

تحياتي

رد: مافوائد التبن؟؟

والله حيرتونا يالاخوان كلكم اهل عرف وتجربه

التبن لحاله نقص لكن مع الشعير طيب بالحيل بالحيل
واعتقد انه اشوى من الرودس على شعرة الابل واطيب للابل

والمصغر مايصلح لها الا هو اول عشرة ايام
ويكفي منه انه يسد جوع الابل هذا لحاله كافي في هالوقت ومع هالغلاء

رد: مافوائد التبن؟؟

ارحب ياللي تنشد .
بالنسبة للتبن أنا سمعت أنه يقتل السموم داخل بطون البل و الغنم .
ومره أنا سيرت على رجال عنده أبل عددها تقريبا حول 70 متن ( وضح ) وفيها خلفات واجد ماشاء الله ، المهم بعد صلاة المغرب شربنا من حليب الخلفات وأعجبني وسألت عن العلف تدري وش قال راعيها : ! ! ! ! ! ! !! ! ! ! !
يقول نعلفها ( تبن و شعير ) فقط ،،،،،، ومن سنين وهذا علفه ولا يعلف برسيم أبداً والحقيقه أول مره أشوف واحد يعلف شعير وتبن وحليب حلو وحال البل يعلم الله أنها سمان ومتعافيه .
وسلامتكم .