الله على الظالم

السلام عليكم ورحمه الله وبركاتة

اسعار الاعلاف في زيادة وما هو السبب البرسيم سعرة في الرياض تجاوز 25 ريال وحينما توجه اهل الحلال للارخص وهو التبن كرمكم الله والذرة ماذا عملو اصبح البرسيم ليس علية طلب رفعو سعر التبن والذرة اسعار مساوية لسعر البرسيم لكي يظطر صاحب الحلال لشراء البرسيم وهذا اليوم الي صار وشاهدتة امامي فما هو الحل حسبي الله على من كان السبب في ذالك ويرينى فية عجايب قدرتة 000000

الله يكون بالعون

عليكم بالدعاء وكثرة الاستغفار

هذا ابتلاء من الله عز وجل

الرودس وصل الاسبوع الماضي 380 ريال

هل يعقل ذلك

وإلى متى

المشكله نسمع بالدعم من الدوله

وهذا القرار له اكثر من ثلاث شهور

وين اللجان الي كلفتهم الدوله بمراقبة الاسعار

حماية المستهلك اصبحت تناصف التجار

والي يقول غير ذلك اتحداه ولا وش سكتهم على هالوضع

ماعندك احد لا دعم ولاغيرة والله مادرو عن احد تظايقو من الحياة الفطرية

الله يعين الجميع الي عنده حلال والي ماعنده حلال

كل حاجه ارتفع سعرها لا طعام حلال ولا معيشه اوادم

والظغط زاد على المواطن من قلة الدخل وراعي الحلال الي دخله بسيط

مكفي هله وحلاله قبل الغلاء ولا بعد الغلاء تبذهل بس ما نقول إلا حسبي الله ونعم الوكيل

ووكلها على جاه كريم إذا قال كن كان ربما تكرهون شي وهو خير لكم ربما هاذا اختبار من الله

وامتحان لنا الله يجعلنا من الناجيحين عنده جل جلاله

كل شيئ مدبر وليس مجرد صدف
الاسبوع الماضي كنت انا وعبدالعزيز العبدالله في ضيافه الاخ والمشرف تركي القرفي الهاجري بيض الله وجهه
مرينا حنى وابو براك على صاحب اعلاف وسئله ابو براك عن الرودس قل السعر
500 ريال للوحده
اسعار فلكيه ومحبوكه

الحل بسيط يالعرجاني

لو ان اهل الحلال يتكاتفون ويتركون البرسيم الرودس والتبن .....صدقني يطيح سعر البرسيم وغيرة من الاعلاف

ويركزون بس على الشعير وبعض اللقام مثل التمر او العجين لين الله يفرجها......اللي يصير من ارتفاع الاسعار فهي مهزله


تقبل تحية اخوك ابوخالد

والله صادق اخوي عوض المطيري (( انها مهزله))

البرسيم كان عندنا يتراوح سعره مابين 12ـــ 15 ريال

والتبن مابين 4 ـــ 6 ريال

والان البرسيم 30 ريال

والتبن 16 ريال

شوفوا الفرق ياجماعة الخير

ماقول غير الله يكون في العون والله يرحمنا برحمته انه على كل شيء قدير

إنا لله وإن اليه راجعون
الله يعينا ياهل الحلال
..........ويعين الحلال علينا بمانقدمه له نشاء الله
ماتضيق والاتنفرج نشاء الله

الحل بسيط يالعرجاني

لو ان اهل الحلال يتكاتفون ويتركون البرسيم الرودس والتبن .....صدقني يطيح سعر البرسيم وغيرة من الاعلاف

ويركزون بس على الشعير وبعض اللقام مثل التمر او العجين لين الله يفرجها......اللي يصير من ارتفاع الاسعار فهي مهزله


تقبل تحية اخوك ابوخالد

الاخ عوض ولا يهونون باقي الاخوان

كلامك في محله ولو اكل يعمل عليه كان حلالهم بخير والعلف ماعاد هم سائلين عنه زاد ولا رخص سعره

ولكن المشكله

وووووين الطحين اللي بتسوي منه اللقام المخابز الايام ذي مقفله وعلى الابواب لوايح زاعتذار من الزباين لعدم توفر بودره الطحين واصحاب المحلات لو يلقون الطحين والله يوصلونه الى 100ريال للكيس عشان ماتوقف مخابزهم

الحل الوحيد
هو التوجه الى الله والاكثار من الاستغفار
وقد وعدنا ربنا عزوجل بالخير الكثير مع الاستغفار
(يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)
هذا وعد من ملك الملوك القادر على كل شي
وليس وعد مخلوق والامرليس بيده ولكن بيد الله فتوجهوا بالدعاء الى الله الذي بيده كل شي

شاكر مروركم وبيض الله وجيهكم على تفاعلكم بهذا الموضوع وانا ما عرضت الموضوع الا من الشين الي شافوة اهل الحلال اسأل الله العظيم ان يغيث البلاد والعباد والحلال 00000000

اي والله لازم نقاطعهم

كل شيئ مدبر وليس مجرد صدف

والمشكله فيه تواطي من بعض الموسولين

الله على الظالم
الله على الظالم
الله على الظالم

لانت ياخ خالد على طرح هذا الموضوع اللي يهم كثير من الناس

وتضرر منه اهل الحلال عس الله ان يغنينا عنهم بالمطر المبارك فيه

وانا اويد كلام الاخ عوض المطيري المفروض على اهل الحلال مقاطعه الاعلاف

المتجه محليا واللي صارت اسعاره خياليه البرسيم و الرودس سعره في رد احد الاخوان

وصل الى 500ريال

وطعام حلالهم بالمكعب لانه افود للحلال وصار ارخص

وعسى الله يكون في عون الجميع

وازيدكم من الشعر بيت

الاسبوع الماضي اخذ حزمة الذرة بـ 18 ريال

واليوم بـ 22 ريال فما رايكم؟؟؟

لاحول ولا قوة الابالله العلي العظيم.....