ام رقيبه موسم تحسين الانتاج

رد: ام رقيبه موسم تحسين الانتاج

الله يعطيك العافيه وافكارك جميله

رد: ام رقيبه موسم تحسين الانتاج

اخوي / عبدالرحمن عبدالعزيز
دائماً وانت سباق للافكار الجيدة
ونوافقكم الرائ في الاقتراح الطيب
نسأل الله لنا ولكم التوفيق ... وتقبلوا مروري ....

رد: ام رقيبه موسم تحسين الانتاج

لا هنت على الموضوع

الحقيقه يا اخوان مسائلة ماهي غصيبه

ولا معروف عند البدو أن البعير خيره من اضرابه

وخير الناقه من حليبها

بس من ضمن الشروط اللي قالها اخوي مسعود العماري

ان مالك البعير ويحلف انه بعيره اللي

يضرب ابله

ماني معاه فيها لأن مالك البعير جاي يشارك اما البعير

الناس تعرف الطيب وتضرب منه

انتم لو جاك احد عند ابلكم وقال احلف انه بعيرك

وان ذا انتاجه ما راح تحلفون وبتقولون البعير عندك

وتبي تضرب منه الله يرزقك منه

اما يا مسعود ولا يهونون الاخوان بالنسبه للشيخ وما شيخ
الشيخ اللي هو شيخ من ظهر شيخ ما هو بشيخ(ن) شيخته الدراهم

وأسف على الاطاله والقطاعه في نفس الوقت

واشكر كل فرد من أعضاء هذا المنتدى

لانهم يسعون في خدمة البل عن طريق هذا المنتدى



وانا اللي مقصر فيهم

رد: ام رقيبه موسم تحسين الانتاج

حقيقة لا اجد شيء يذكر قد قاموا بتقديمه اكثر من ملىء البطون ونفخ الروس بإقامة الولائم والحفلات الشعرية التي ساهمت وبشكل كبير في زيادة النعرات وخصوصا بين احداث السن وضعاف العقول والهدف والغاية معروفة من قبل هؤلاء المشاركين وهو الدعاية الغير محسوبة عواقبها لابلهم !!
والمهم المهم ازالة المخلفات من ساحات العرض في ام رقيبه . قمنظر الزباله
دلاله على عدم الانضباط وتخلف عقليه من يقومون بذلك .

رد: ام رقيبه موسم تحسين الانتاج

كلام ماعليه غبار ..

وفرق بين من خذ الابل مراجل ومعرفة رجال وبين من خذها بزنس الله يكفينا الشر ..

وسلامي للطهيمي اللي بيض وجه ربعه وجماعته .. وهو رجال مانسمع عنه الا كل خير .. ولا يهون باقي الرجال من كل القبايل ..

رد: ام رقيبه موسم تحسين الانتاج

ما شاء الله على الفكره وصاحبها
فكره رائعه وفيها منافس للطيب وكشف النفوس الشحيحه
ياكم واحد امدحوه بقصايد وهو ماهو كفو
ابشركم ان البخيل حظه ردي- كل شي يتغطى الا البخل

موضوع ثاني ودي يطرحونه الاخوان وهو الاعتقاد في البعير ونسيان انه مجرد سبب
وفيه مربين ابل جدد ينقصهم النظر يظنون ان كل بعارين التجار منتجه

كم واحد يشد سمع ان فلان شرى بعير بالقيمه الفلانيه وشد قبل مايشوفه
كدلك يالربع الناقه لها دور--انا افضل اللي يتعب على الناقه اكثر من البعير

والله اللي يتعب على ابله ويحبها ينجح واللي عيونه على الدراهم ولا ينتبهلها الا وقت الظراب ولا يخاف الله فيها مايعين الا الفلس

رد: ام رقيبه موسم تحسين الانتاج

يعطيك العافية عللى الموضوع.
لكن اللي ردي ردي في محلة والا في ام رقيبة والطيب طيب في محلة ولا في ام رقيبة
وفيه بيت شعر يبين ان المال مايجمل الردي ( لو تملك من الذهب وديان * تموت ما احدن يخاشرها )
(يالله دخيلك من الحرمان * ماجملتها تجايرها )
وسلامتكمز

رد: ام رقيبه موسم تحسين الانتاج

يا اخوان

نحن هنا لا نفرض ولا نقرر
الموضوع لا يعدو اكثر من اقتراح
فالامور مجرد اجتهادات قد تكون صائبة وقد تكون خاطئة

وعند طرح الموضوع كان لشحذ همم الانفس الشحيحة التي تتعذر عن فعل الخيرات لندرة مشاربها في هذه الايام وقد حاولنا ايجاد مخارج لهم لعلى وعسا

فنحن نطلب اليسير فقط ولا سيما بان الوقت مؤتي لفعل ذلك حيث صاحب الفحل مشغول بتجهيز ابله للمزاين وليس لتضريبها
كما ان الفحول المنتجة اصبحت معلومة ومعروفة للقاصر والداني وللمربين الجدد والقداماء على حد سوى

فلنكن سباقين لفعل الخيرات ومعينين عليها ما امكننا ذلك

وتقبلوا تحياتي

رد: ام رقيبه موسم تحسين الانتاج

كلام جميل وفي محله
جزاك الله خير
ولاكن هل من مستمع

[محمدالويحان]

رد: ام رقيبه موسم تحسين الانتاج

فكره مميزه من شخص مميز ...مشكور وبيض الله وجهك

رد: ام رقيبه موسم تحسين الانتاج

أشارككم بالرأي بخصوص السماح بالضراب على فحول منقيات المزاين فكرة طيبة بالحيل كما يوجد لدي رأي أخر بما أن أصحاب الإبل المشاركة في أم رقيبة هم يمثلون 5% وإبلهم تعتبر الصفوة, لماذا لايكون المزاين موزع حسب فيئات المجتمع وإمكانياتها حيث يكون أولاً:- مزاين إبل النخبة (الناس المقتدرين وإبلهم رقم واحد) ثانياً متوسطي الدخل وإبلهم وسط) ثالثاً الناس (العاديين) وإبلهم إبل مراح وبدواة وناسه) على أن يكون لجميع فيئات الإبل حتى العمانيات في مزاين أم رقيبة ولك التحية

رد: ام رقيبه موسم تحسين الانتاج

مشكور يابوعبدالعزيز علي الموضوع الطيب وموضوع الركاب يرجع لصاحب البعير نفسه حد يمنع بعيره ويمنعه ربي من خيره وحد فاتح السرا للقبااايل كلها وربك موفقه ورازقه بالشهره للبعير وبعد عليه ضغط وبعد مايسلم من كلام الناس عليه ولكن مرضي الناس كاايد لكن ودك البعير اللي راعيه ردي انه لاينشر ويمنع من النشر بموقع مزاين ومشكووووورين علي الموضوع المهم للغاااااااايه

رد: ام رقيبه موسم تحسين الانتاج

يقول الأخ ذيب:
(والله اللي يتعب على إبله ويحبها ينجح، واللي عيونه على الدراهم ولا ينتبهلها إلا وقت الظراب ولا يخاف الله فيها مايعين إلا الفلس)

وأنا أقول:
من جمع بين السبب الشرعي وهو الزكاة، والسبب المادي وهو طيب الناقة والبحث عن الفحل الطيب فلن يخيب بإذن الله تعالى.

فلقد رأيت بعيني رجل يملك بالستين من الصفر ، كان أبوه قبله مهتم بعنايتها ، وواصل عنايته فيها ، ووفق لبعير من أباعر أحد الأومراء والآن تجد في أباعره شي زين، اللي أمها معليه تجيب شي معلي، واللي أمها دون ماتلحق بالزين مثل غيرها ،

والله يوفق من تعب لكل خير، فهي بالنهاية كبد رطبة يؤجر عليها المسلم.

رد: ام رقيبه موسم تحسين الانتاج

السلام عليييييييييييييييييييييييكم جميعآ
أعذروني ياجماعه على طول غيابي عن الساحه وذالك لظرفي الي مايعلمها الا الله سبحانه

بيض اللللللللللللللللله وجهك على الموضوع الطيب

رد: ام رقيبه موسم تحسين الانتاج

بارك الله فيك أخوي كلامك ماعليه منقود ونرجو من الله العلي القديرأن يهديهم