تطبيع الناقه للحليب

يااخوان اسعد الله اوقاتكم بكل خير
نبغي المشوره من الطيبين عن اسرع طريقه لتطويع الناقه النحوس وقت الحلب والي ماتحلب الا بالحبل

رد: تطبيع الناقه للحليب

عندي ناقه عجور ومدري كيف اطبعها

ننتظر اهل الخبره

رد: تطبيع الناقه للحليب

قيد الناقه من خلاف وقيد ايديها من فوق الركب واذا درت احلبها ثلاث مرات في اليوم واذا اكثر من ثلاث مرات راح تهادي معك بسرعه واهم شي لا تخلي القيد طويل واسأل الله التوفيق لك

رد: تطبيع الناقه للحليب

السلام عليكم ورحمه الله
من واقع تجربه يجب ان تبداء مع الناقه العجور بالتدريج
1-قيد الارجل
2- يكون في يدك حفنه تراب لكي تنثره في فم الناقه اذا وجهت بفمها عليك مع تكرار ذلك
3-عودها علي العقال
4- شد لها عصب وخلها لا تفكها قبل اسبوعين
5-اذا فكيت شده العصب خففه عنها بالتدريج
6- حاول بكل قوه فرض هيبتك علي الناقه ( تراها تفهم)
7-لا تعودها علي الرباط من وراء
8- اذا الناقه لازالت ترغي وتلف راسها عليك ارسنها وشدها بعمود بس الربط يكون في اعلي العمود ( لايكون راسها في الارض)
9- لا ترحمها ولا تبين لها خوفك عليها او منها
وبالتوفيق للجميع

رد: تطبيع الناقه للحليب

من واقع تجربه

اخطمها وقيد رجولها وخل القيد قصير واشنقها بعمود لمدة اربع ساعات متواصله كل يوم قبل ما تحلبها لمدة اسبوع
ولا تبين خوفك منها

يعني اذا بغيت تحلبها بعد المغرب اربط خطامها بالعمود ولا تطوله خل خذها يلبق بالعمود من الساعه اربع العصر وخلها واقفه واذا جيت تحلبها وفكيت حوارها واعطفت احلبها ولا تبين خوفك منها لو تحركت انهرها كل ما تحركت لين تتطبع فقط اسبوع وبعدها بترتاح

رد: تطبيع الناقه للحليب

اتقوا الله ذبحتوها بالهون وسعه الصدر وبتطاوع

رد: تطبيع الناقه للحليب

شكلها بتمووت قبل تتطبع

رد: تطبيع الناقه للحليب

اي والله بتموت قبل التطبيع

رد: تطبيع الناقه للحليب

اتقوا الله ذبحتوها بالهون وسعه الصدر وبتطاوع

اجل وش تقول لو تشوف كيف تطبيع الرحول

البل يبيلها رجال عزومه قوية ما يمل ولايكل بسرعة

والصبر وسعت البال على الحلال اهم شي

رد: تطبيع الناقه للحليب

التطبيع مع البكر ولا الثنو والي اكبر من كذا صعب تطبع
والابل مهيب سوى بعضها تبي سعت صدرفقط وبعضها تبي شده وحزم

رد: تطبيع الناقه للحليب

أبداً طال عمرك قيد رجلين الناقة .. وقصر القيد .
وعلمها على العقال ,, ترى العقال زين وينفعك في أحوال أخرى غير الحلب

رد: تطبيع الناقه للحليب

ثفاااااان الناقه

واحلبها العقااال يالعب فيها ويمكن تطيش لرقبتها تحتهاء

فيه خـــطر العقال وانت لا ردية عليها حوارها ثفنها واحلب

واذا ردة راسها يامك هوب عليها وتبي ترده

وبالنسبه للي يقول انثر الترااب في وجهها طيب لو تنثره اعميتها ؟

رد: تطبيع الناقه للحليب

الله يعينك عليها

رد: تطبيع الناقه للحليب

اللي خابره في البل ان ما تطبعت الناقه وهي بكر من اول يوم لولادها ماعاد تتطبع الا ما ندر

والعلم عند اهل العرف هم ابخص

رد: تطبيع الناقه للحليب

كل شي يهون الا اذا تعلمت انها تبرك مالها طب
كانت عندي ناقه تبرك ماخليت شي ماسويته فيها حتى الدرامات حطيته تحتها ولا فاد
والله اني احلبه وهي على جنبها واخرتها بعتها