الصبر على القعدان لحد الانتاج

السلام عليكم

الصبر نوعين على القعدان

الاول : قعود شكله خيار ولكن اصله مجهول او من القناوي

الثاني : قعود اصله طيب بالحيل لاكن عذاريبه واجد

وكثير من القصص سمعانها وشاهدناها ايضا بعيونا


منها ان قعدان غاليه غاليه لاكن انتاجها 0 زقوم

وقعدان شكلها ولا بد لاكن الانتاج فاخر

الان مطلوب من الربع كل واحد يقول قصة صارت معاه او يعرفها

عشان نشجع الاخوان الي بيصبرون على قعدانهم

وان لي قصص بس بنسمع منكم اولا ونتمنا التفاعل

رد: الصبر على القعدان لحد الانتاج

موضوع طيب يافلاح ومايجي منك الا الطيب

من ناحيتي انا ادور على الي امه خيار (ام فحل) وبعدها ساسها وابوه هل هو منتج وساسه طيب اذا توفرت هذي الامور نكون بالسليم
عقبها نجي لزين القعود وعمره وجبره ومع الوقت القصير يزود زينه هذا انا اشوفه هده ونت مرتاح وسلامتك

رد: الصبر على القعدان لحد الانتاج

القعود اللي ساسه طيب مايبور ماعلي من الحكي

رد: الصبر على القعدان لحد الانتاج

موضوع طيب يافلاح ومايجي منك الا الطيب

من ناحيتي انا ادور على الي امه خيار (ام فحل) وبعدها ساسها وابوه هل هو منتج وساسه طيب اذا توفرت هذي الامور نكون بالسليم
عقبها نجي لزين القعود وعمره وجبره ومع الوقت القصير يزود زينه هذا انا اشوفه هده ونت مرتاح وسلامتك

الله يسلمك

اخونا احمد يقول
1- زين الام واصلها
2- زين الاب واصله
واخيرا شكل القعود

بيض الله وجهك

رد: الصبر على القعدان لحد الانتاج

القعود اللي ساسه طيب مايبور ماعلي من الحكي

سعود يمرحبا ومسهلا

تقول الاهم الساس

ياليت تذكر لنا سالفه لك او سالفة سمعتها

بخصوص الساس الطيب والقعود عادي

رد: الصبر على القعدان لحد الانتاج

موضوع جميل اخي فلاح
العام الماضي عرض علي ذود بعصاه المهم رحت شفته وكله طيب والزين فيه ماله حد وأشوف الحيران تهول راعي النظر من زينها سئلت راعيها وين فحلها قال اللي هناك حول الوايت والله يافلاح يوم شفت فحلها أني صديت من شيفته عليه وجه تقول حصني ومن بعدها عرفت ان الساس هو الأهم وشريت من بنات هالبعير 8 جذعات وهي من خيرت ابلي
هذي قصتي اللي تتعلق بموضوعك

رد: الصبر على القعدان لحد الانتاج

بيض الله وجهك يامحمد

فعلا كلامك حصل مع كثير لاكن جزاك الله خير ان الراوي مننا ونعرفه افضل

انا بقولكم سالفة

العام صارت يوم المزاين

وااحد الله يستر عليه ماخذ نخبة النخبة

ابله مافيها كلام

بس يوم جيت المقهور قلت ابحصل النوادر اللي نشوفها بصور بس

ولا زقوم وبعد عارض الحشو كله للبيع

لو ماتعرف اصلهن ماتشتريهن ب2000 الواحد

رد: الصبر على القعدان لحد الانتاج

بيض الله وجهك يافلاح مميز دايما بطرحك الله يعطيك العافيه
وبخصوص موضوعك الواحد يجتهد من ناحيه الأصل من صوب أبوه وأمه والأنتاج توفيق من رب العالمين
والله لو جت على الشكل يكثر البعاارين الي لاشفته تقول مافيه مثله وأنتاجه زيرووووو
تقبل مرووري ياولد عبس ولاهنت

رد: الصبر على القعدان لحد الانتاج

اي والله وحتى العكس صحيح
اعرف فحل تقل اعماني ونتاجة ماشاءالله لا اله الاالله رقم 1 بكار مقوسات على ابل اقل من العادية بعد

رد: الصبر على القعدان لحد الانتاج

السلام عليكم ورحمة الله وبركاته

بيض الله وجهك يا فلاح على الموضووع القيم والمفيد

انا عندي سالفة بعير مهوب لنا لواحد من الربع

الفحل ساسه ( شبلي ) والابل الشبليات معروفه بالنظر ( الطول ) والروس الكبار والوجيه الطيبه والرقبة الطويلة والغوارب ... المهم

بعير الربع ما فيه شي من الي ذكرته طيب فيه الا راسه بس وراسه مهوب ذاك الزود والفحل شارينه من سوق الكويت مبطي

ويضربونبه ابلهم والله ويجيبلهم ابلن كايفه وطيبه يعني لو جاب البعير 10 حيران يجيك 2 منها ردية والباقي طياب وبيعو من انتاج البعير بأقيام فاخره والسبب :

يرجع لساس البعير وأصله

كل الشكر لك يا فلاح على الموضووووووع الاكثر من رائع

وأعطيك ★★★★★

رد: الصبر على القعدان لحد الانتاج

بارك الله فيك يابن هادي

فعلا ترا كلامك هذا يصبر ربعنا

في ناس تصبر لين يصير لقي ويفقد الامل فيه

ويبيعه قصب

لاكن لو صبر سنتين ويكون جربه على 3 نياق على الاقل وهي ارزاق

شوفو البياضي بعير ابن حجنة سومه 13 مليون

شكلها مايسوا لاكن شف انتاجه فاخر فاخر

رد: الصبر على القعدان لحد الانتاج

مسيك بالخير يافلاح

موضوعك 100 ميه مهوب 100% ههههاااي

اسعد الله مساكم جميع


ان ترى راعي سوالف وانتم عطيتوني فرصه تحملوا...............


فيه واحد من الجماعه القريبين شرى بعير واصله البعير معروف ماراح اقول ساسه من ابل امير معروف بالفحول الطيبه....


الزبده شراه وكان شكله فااااااااخر جداً الكلام هذا قبل 6 سنوات شراه بـ200الف وهو لقي وجته مكاسب وعيا لايبيع ولا ينلام القعود ملفت للنظر

المهم هده وانتج حراسيس نخبه يعني تاخذ نخبة الشين ماعدا بعض الحيران اليي تجي صفر تجي حليوه المهم نصحوه قالوا بعه عيا

هده 3 سنوات رجعت ابل كلها دمار كل سنه يبيع المقهور كله قصب واخرتها باع الابل كلها ...


السالفه الثانيه واحد اعرفه تمام المعرفه شرى قعود وله اصل طيب وشكله طيب بس عليه كثير من الملاحظات المهم هد البعير وانتج اول سنه حيران حلوه بداوه واقل والسنه

الثانيه نفس الشئ المهم تخبرون الناس كل من جاه اللي يقول اصبر واللي يقول اقلعه واكثرهم يقول اقلعه بس الرجال عيا يطيع نصايحهم ليش؟

لانه واثق من اصل البعير وشايف امه وابوه وخواته واخوانه

الزبده انتاج البعير كذا= حوار حليو = مفرود تحبه = حق تكره وتحبه يتغير = لقي تحالاه يجذب = جذع رقم واحد


هذي سالفتين على الطاير

بالتوفيق

رد: الصبر على القعدان لحد الانتاج

السلام عليكم ورحمت الله وبركاته
انا اشكركم على هاذا الموضوع ويشرفني اني اشاركم برائيئ ووجهت نضري انا اعتقد انها توافيق واحضوووض هاذا اول شي والشي الاخر ردا على بعض الي قالو اخذ ساس ومايخيب انا اعرف ابعير بالشكل ينافس بالمزاين والابو فاخر فاخر فاخر وكلكم اتعرفون ابو البعير وامه خيرة ابل صاحب البعير الفاخر الي كان عنده قبل لايموت هاذا الشخص وباعو الفحل الفاخر الي اتكلم عن ولده ويئسفني ان انتاجه عادي اقل من عادي بناته عنده اباكير شوفو من كثر ماضن فيه ضن محد يضنه يجماعه مو صح المثل يقول يدل على الخيل اثمانها الفحل مسيوم بست مية الف قبل لاينتج واللحين واقف في احد الاسواق وشكله غايه من الروعه عادي فهي ترجع على الحضوض واسمحولي عالاطاله واسئل الله التوفيق لي ولكم وكل مسلم

رد: الصبر على القعدان لحد الانتاج

أخوي فلاح يا زين سوالفك كلها ،

ها أسمع دامك تبغى السوالف الي حاصله ،،
هذا واحد أعرفه عز المعرفه رجال من أهل الامارات ويشارك في مزاينات الامارات وقد حصل له على أرقام طيبة ،
عنده ها الناقه وشرى لهاا هاك البعير بهاك الدراهم ،
يوم جينا شفنا البعير إلآ شكلياً موقف ما عليه كلام من وين ما حفته ما تعذربه كل مافيه زين ،،

طبعاً الناقة ناقة مزاين واسمها معروف في دول الخليج وأبوها معروف ،،
الرجال أضرب ها الناقه من البعير الي هو شارية بمبلغ وقدره يتعدى الـ 300 الف ،

بعد سنه أنتجت ناقة الفردي والمزاينات ، { بكرة }
البكرة ما بقى قصاب في وادي العجمان إلآ وحافهاا ،،
الرجال قال بصبر والله صارت حقه والشين زاد فيهاا ماعاد فيها من الحلا شيء ،
باع البكرة وخلا الناقة والبعير عرضة للبيع ولا سيم منه إلآ بـ 10 إلآف ،

هذي السالفه صايره لي قدام عيني وكنت متابع لها الامور شخصياً

رد: الصبر على القعدان لحد الانتاج

السلام عليكم

بيض الله وجيهكم وسوالفكم طيبة

ونقاطكم مهما وتفيد الربع لاشك

محمد بن عمير قال نقطه مهمه

عن القعدان من حوار شين يوم وصل جذع صار رقم واحد

بقولكم سالفه لي صارت هنا بالموقع

نزلت قعود حق اطلب راي الاخوان فيه

ردو ثنين قالو مايصلح فحل وانا اعرف ساسة

ومحد عقبها رد

عقبها القعود صار لقي وطلع طلعه طيبة بالحيل

شوفو صورتة له جديدة توى يدخل لقي السنة هذي بسهيل



لحد يستعججل على القعدان

راح اوريكم بعد غيره ننتظر ردودكم